Tolowanya akoka aso wa nsambisha​—Lo ndjaɔtɔnganyiya l’awui wotshikitanyi

OHOMBA WA DUI SƆ: Akitami ndo ɛkɔkɔ ekina wekɔ lo mbelɛ anto w’oma lo waoho tshɛ dia “[ndjɔsa] ashi wa lɔsɛnɔ wɔsɔsa.” (Ɛny 22:17) Ashi wa didjidji asɔ nembetshiyaka tɛdikɔ tshɛ tɔsa Jehowa dia ntshungola anto wele l’okitanyiya oma lo pɛkato la nyɔi. Dia nkimanyiya anto wele la mbekelo ndo la waetawɔ wotshikitanyi, sho pombaka nsambisha “lokumu l’ɔlɔlɔ la pondjo” lo yoho yawangɛnyangɛnya l’onto ndo l’onto.​—Ɛny 14:6.

WOHO WA NSALA DUI SƆ:

• Sɔna ɔtɛ a dui ndo divɛsa diayonanda etema w’anto wa l’ɛtshi kanyu ka nkɛtɛ. Wɛ koka nsɔna ɛnyɛlɔ kɛmɔtshi ka mbɔtwɛlɔ kana nkamba la dui dimɔ diambokambaka la yɛ diakonge l’etombelo w’ɛlɔlɔ. Naa ɛtɛ w’awui ndo avɛsa waleka ngɛnyangɛnya anto wa l’ɛtshi kanyu ka nkɛtɛ? Onde ekɔ dui dimɔ dieke katomba diele anto efula wekɔ lo ditɛkɛta? Dui diakɔna diakoka ngɛnyangɛnya womoto kana pami?

• Kamba la toho ta mbishana mɔyɔ ndo mbekelo yele l’anto efula wa l’ɛtshi kanyu ka nkɛtɛ.​—2Kɔ 6:3, 4

• Yaekesanyiya la ekanda ndo tovidɛo tele lo Ɛngɔ kombaso dihomɔ dia mbetsha dia nsambisha onto lambɛnya nsaki

• Telesharjɛ periodikɛ ndo tovidɛo ta l’ɛtɛkɛta watɛkɛta anto wakoka pomana la yɛ l’ɛtshi kanyu ka nkɛtɛ

• Tshikitanya ɛtɛ wa sawo dia nkotsha ehomba wa ompokami ayɛ. (1Kɔ 9:19-23) Ɛnyɛlɔ, kakɔna kayoyotɛ ompokami ayɛ naka wɛ ambeya dia nde oma la mvusha onto ɔmɔtshi?

NYENDE VIDƐO NDO OMA LAASƆ, NYOKADIMOLE LO AMBOLA WAYELA ANƐ:

• Dui diakɔna diakatatɛ opandjudi nkɛtshanya l’ompokami ande?

• Kakɔna keta lo lɔsɛnɔ la ompokami ande?

• Avɛsa akɔna wakaleki dimɛna nde nkamba la wɔ lo diaaso ndo, ndo lande na?

• Ngande watshikitanyayɛ mbɔtwɛlɔ yayɛ dia yɔ ngɛnyangɛnya anto wa l’ɛtshi kanyu ka nkɛtɛ?