Tewɔ dia dianganya awui wa kashi

Ɛlɔ kɛnɛ, nsango koka diangana esadi esadi le miliyɔ y’anto lo tshimbo ya mikanda, ya radio, televiziɔ ndo l’Ɛtɛrnɛtɛ. Wanɛ watɛmɔla “Nzambi k’akambo wa mɛtɛ” hawodianganya nsango ya kashi kaanga aha la vɔ mbeya. (Osa 31:5; Eto 23:1) Awui wa kashi watɛwɔ anto akina, koka nkonya lo kɔlɔ k’efula. Etena kahembayɛ dia nshikikɛ dia kana dui dimɔtshi diekɔ mɛtɛ, yambola wate:

• ‘Onde awui akɔ ndja oma le onto ɔmɔtshi layaɛkɛmi le nde?’ Mbeyaka monga ko ɔnɛ lambitɛ awui akɔ heye awui tshɛ wendana la dui diakɔ. Etena katɛ anto amɔtshi anto akina ɛkɔndɔ, ndooko onyake ɛkɔndɔ ɛsɔ tshikitanyemaka, diakɔ diele ekɔ ohomba monga la yewo etena keyɛ heye onto lakatate l’ɔkɔndɔ akɔ. Lam’ele wanɛ wele la waɛsɛ l’etshumanelo nɛmiyamaka lo woho wewɔ tɔkɔkɔ tata awui wa mɛtɛ, vɔ pombaka monga la yewo y’efula etena katawɔ awui wewɔ bu l’eshikikelo dia wekɔ mɛtɛ

• ‘Onde dui diakɔ diekɔ dia lomamatanyiyɛ?’ Naka dui diakɔ nanyaka lokumu l’onto ɔmɔtshi kana olui w’anto, kete keema dimɛna ditɛ anto akina.​—Tok 18:8; Flp 4:8

• ‘Onde kokaka mbetawɔ dikambo diakɔ?’ Onga la yewo etena kahokamɛyɛ ɛkɔndɔ wakosha ndo ɔlɔ mpokamɛ ndo w’awui wambetaka

NYENDE VIDƐO YELE L’ƆTƐ A DUI ƆNƐ: NGANDE WAKOKAMI NTSHIKA AWUI WA VATE VATE? NDO OMA LAASƆ, NYOSHA EKADIMWELO LO AMBOLA WAYELA ANƐ:

• 

  Lo ndjela Tokedi 12:18, etombelo akɔna wa kɔlɔ wakoka monga l’ɛtɛkɛta?

• 

  Ngande watokimanyiya Filipɛ 2:4 dia monga la wɛdimo etena katɛkɛtaso dikambo di’anto akina?

• 

  Kakɔna kakokaso nsala etena katatɛ anto akina nkamba l’ɛtɛkɛta wa diɔnyɔ, wa lɔtɛngɔ kana wa kɔlɔ lo dikambo di’anto akina?

• 

  La ntondo ka sho ntatɛ ntɛkɛta dikambo di’anto akina, ambola akɔna wahombaso ndjambola?