Ngande wakoka akadiyɛso ndeka ndjasha l’olimu wa Jehowa?

Akadiyɛso kimɔka weshasha wa nɛmɔ efula l’olimu wa Diolelo. (Os 68:11) Vɔ mbekaka l’anto efula Bible. L’atei wa wanɛ wakamba olimu w’ombatshi mboka wa pondjo akadiyɛso ndeka efula. Nunu di’akadiyɛso wakamba olimu wa wolo efula wekɔ lo nkamba oko ase nkumbo ka Bɛtɛlɛ, waa misiɔnɛrɛ, wanɛ wayakimɔ la lolango lo wokelo ndo oko akadimudi. Akadiyɛso wambotshunda lo nyuma keketshaka nkumbo yawɔ ndo tshumanelo. (Tok 14:1) Kaanga mbahakoke akadiyɛso nkamba oko dikumanyi kana ekambi wakimanyiya, vɔ koka ntetemala ndjadjɛ eyango l’etshumanelo. Naka wɛ ekɔ kadiyɛso, naa toho tɔmɔtshi takokayɛ ndeka ndjasha l’olimu wa Jehowa?

• Kɛnɛmɔla waonga wa lo nyuma. ​—1Ti 3:11; 1Pe 3:3-6

• Kimanyiyaka akadiyɛso akina wele bu la diewo efula l’etshumanelo.​—Tit 2:3-5

• Salaka la wolo dia nyomoleka mbetsha wenya l’esambishelo ndo ndeka ndowanya akoka ayɛ

• Eka ɔtɛkɛta okina

• Onɔ dia tokimanyiya lɛnɛ ele ohomba efula

• Yadjɛ oyango dia tokamba lo Bɛtɛlɛ kana tokimanyiya lo wokelo wa mvudu ya teokrasi

• Yadjɛ oyango wa mbɔtɔ lo kalasa k’esambisha wa Diolelo

NYENDE VIDƐO YELE L’ƆTƐ A DUI ƆNƐ: “WAMATO WAKAMBA WOLO L’OLIMU WA NKUMADIƆNDJƆ” NDO NYOKADIMOLE LO DIMBOLA NƐ:

• Ngande wakakokeketshisha kɛnɛ kakatshi akadiyɛso tshɛ wa lo vidɛo?