Woho wa mbohɔka avɛsa

Onde wɛ ambongaka l’okakatanu wa mbohɔ divɛsa dimɔtshi dialekayɛ nanga? Diɔ mbeyaka monga divɛsa diakosamba, diakokimanyiya dia minya tokanyi ta kɔlɔ kana dialangayɛ nkahana l’onto okina. (Os. 119:​11, 111) Sɛdingola alako amɔtshi wakoka kokimanyiya dia mbohɔka avɛsa.

• Kamba la aplikasiɔ wa JW Library. Etena kadiayɛ Bible lo JW Library ko wɛ ambadia divɛsa dimɔtshi dialangayɛ mbohɔka, wɛ koka nsala dihole dimɔtshi dia “Avɛsa walekayɛ nanga” ndo ombaka divɛsa tshɛ dialangayɛ mbohɔka lo dihole sɔ.

• Hanɛ divɛsa lo dihole diakokayɛ mɛnaka. Funda lo yɛtshi ya dikatshi divɛsa dialangayɛ mbohɔka ndo hanɛdiɔ lo dihole diakokayɛ diɛnaka wonya tshɛ. Anto amɔtshi panɛka suke la talatala; ndo akina mataka lo frigo, lo dibaya kana lo ehele. Ndo akina mindaka foto ka divɛsa diakɔ ko didja lo ekra wa telefɔnɛ, w’ɔrdinatɛrɛ kana wa tablɛtɛ yawɔ.

• Sala kartɛ ndo kamba la tɔ. Funda divɛsa lo wedi ɔmɔtshi ndo ɛtɛkɛta wa lo divɛsa diakɔ lo wedi okina. Oma laasɔ, kamba l’ɛtɛkɛta wa lo divɛsa diakɔ kana sala dia mbohɔ dihole diatanema ɛtɛkɛta akɔ lo Bible.