Kakɔna kata Bible lo dikambo dia hemɔ ya lo wɛɔngɔ yele l’ana wele l’ɛnɔnyi dikumi l’ɛmɔtshi?

Lushi l’ɔtɔi, Ngɔndɔ ka hende 13, 2023, Centre américain d’épidémiologie (CDC) ka l’Etats-unis kakatondja alapɔlɔ wendana l’ana wele l’ɛnɔnyi dikumi l’ɛmɔtshi wele la hemɔ ya lo wɛɔngɔ. Vɔ wakɛnya dia pursa ndekana 40 y’ambeki wa lo sekɔndɛrɛ shishaka elongamelo ndo ndjaokaka kɔlɔ l’etena k’otale.

Dɔkɔtɛlɛ Kathleen lele ɔnɔmbɔdi wa division Adolescents et École lo CDC akate ate: “Kaanga mbele lofulo l’ɛlɔngɔlɔngɔlɔ wele la hemɔ ya lo wɛɔngɔ lakadɛ efula l’ɛnɔnyi dikumi wetshi, lofulo l’ana wa wamato wele l’ɛnɔnyi dikumi l’ɛmɔtshi wele la hemɔ ya lo wɛngɔ ndo wele la tokanyi ta ndjadiaka lamboleka mbidɛ woho wahatayalaka l’etena kɛnɛ.”

Awui wele l’alapɔlɔ:

Olekanyi ɔna womoto 1 lele l’ɛnɔyi dikumi l’ɛmɔtshi lo 10 (Pursa 14) ambotshutshuyamaka dia nsala dieyanelo aha la lolango lande. Dɔkɔtɛlɛ Ethier akakotsha ɔnɛ: “Dui sɔ diekɔ kɔlɔ efula.” “Naka wɛ mbeyaka ana wa wamato 10 wele l’ɛnɔnyi dikumi l’ɛmɔtshi kete ɔmɔtshi l’atei awɔ kana ndekana, wakeyana la nde la wolo.”
Suke l’ɔna womoto 1 lele l’ɛnɔnyi dikumi l’ɛmɔtshi lo ana wa wamato 3 (Pursa 30) mongaka la tokanyi ta ndjadiaka.
Suke l’ana wa wamato asato 3 lo ana wa wamato 5 wele l’ɛnɔnyi dikumi l’ɛmɔtshi (pursa 57) ndjaokaka kɔlɔ l’etena k’otale kana shishaka elongamelo.

Lofulo lɔsɔ mbishaka paa mɛtɛ. Nshi ya dikɛnda pombaka monga nshi y’ɔlɔ ndo y’ɔngɛnɔngɛnɔ. Kakɔna kakoka nkimanyiya ana wele l’ɛnɔnyi dikumi l’ɛmɔtshi dia ndɔshana l’ɔkɔmwɛlɔ wele la wɔ nshi nyɛ? Kakɔna kata Bible?

Bible mbishaka ana wele l’ɛnɔnyi dikumi l’ɛmɔtshi ekimanyelo k’oshika

Bible tɛkɛtaka hwe dia tena diasɛnaso ɛlɔ kɛnɛ. Tɔ dielɛka ɔnɛ “tena dia paa dia wolo mbikikɛ.” (2 Timɔte 3:1-5) Koko, Bible mbishaka alako wele nshi tshɛ ohomba wakimanyiya miliyɔ y’ana wele l’ɛnɔnyi dikumi l’ɛmɔtshi wa l’andja w’otondo dia ntondoya kaanga mbahomanawɔ l’ekakatanu. Enda asawo wɔsami oma lo Bible wayela anɛ:

Ekimanyelo le ana wele l’ɛnɔnyi dikumi l’ɛmɔtshi wele la tokanyi ta ndjadiaka

Ekimanyelo le ana wele l’ɛnɔnyi dikumi l’ɛmɔtshi wele l’ɔkɔmwlɛlɔ, la lonyangu kana la tokanyi ta kɔlɔ

Comment faire face à la dépression ?
Comment arrêter d’être pessimiste ?
Comment faire face à l’inquiétude ?
Comment contrôler mes émotions ?
Triste ou optimiste ? (Le tableau s’anime)

Ekimanyelo le ana wele l’ɛnɔnyi dikumi l’ɛmɔtshi wa diɛnɛ l’esolanyi kana esolanyi wa l’ɛtɛrnɛtɛ

Que faire si je suis harcelé?
Que faire si je suis victime de harcèlement en ligne?
Konya kanga esolanyi ewo aha la kɔmwana la nde akɔfi (Osangelo wa lo dibaya)

Ekimanyelo le ana wele l’ɛnɔnyi dikumi l’ɛmɔtshi watshutshuyawɔ dia mbeyana lawɔ la wolo

Bible mbishaka ambutshi alako w’amɛna

Bible mbishaka alako w’amɛna dia nkimanyiya ambutshi dia vɔ nkimanyiya anawɔ wele l’ɛnɔnyi dikumi l’ɛmɔtshi dia vɔ ndɔshana l’ekakatanu wa lo lɔsɛnɔ. Enda asawo wotombi oma lo Bible wayela anɛ: