Yeso ayokomiya awui wa ngala

Yeso mbeyaka asui waya oma lo awui wa ngala la wa wɛngiya. Wakate awui wa kashi lo dikambo diande, wakɔkɔmɔla lo yoho ya kɔlɔ, wakosandja lo yoho yaha la losembwe, wakawɔsɛ tɛdikɔ ta kɔlɔ ndo wakodiake nyɔi ka l’esehe. Kaanga mbakinde aha la onongo, nde akakimɔ “lɔsɛnɔ lande oko oshinga w’etshungwelo dikambo di’anto efula.” (Mateo 20:28; Joani 15:13) Kakianɛ, oko wayande Nkumekanga ka Diolelo diaki Nzambi, nde ayela losembwe lo nkɛtɛ k’otondo ndo ayokomiya awui wa ngala tshɛ lo tshɛ.​—Isaya 42:3.

Bible mɛnyaka woho wayonga lɔsɛnɔ l’andja w’otondo lo ɛlɔmbwɛlɔ ka Yeso lo mbuta ɔnɛ:

• “Etena ka tshitshɛ keto kambotshikala, ko kanga kɔlɔ hatonga nto; wɛ ayoshishima lo dihole diande, ko nde hatonga nto. Koko akanga wa memakana wayokita nkɛtɛ, ndo vɔ wayɔngɛnangɛnaka heyama la wɔladi w’efula.”​—Osambo 37:10, 11.

Ngande wakokaso mɛnya lowando laso lo kɛnɛ kakasale Yeso ndo kayondosala lo dikambo diaso? Yoho mɔtshi ele lo nyomeka akambo wendana la “lokumu l’ɔlɔlɔ la Diolelo dia Nzambi,” ɔsɔ mbaki losango lakandasambisha. (Luka 4:43) Adia sawo diele l’ɔtɛ a dui ɔnɛ “Diolelo diaki Nzambi kɛdikɛdi na?”