Yeso ayokomiya ata

Etena kakinde la nkɛtɛ, Yeso akooke anto ngandji k’efula ndo ngandji kɛsɔ kakootshutshuya dia nkimɔ lɔsɛnɔ lande dikambo diawɔ. (Mateo 20:28; Joani 15:13) Keem’edja, nde ayanga mɛnya anto ngandji ka ngasɔ nto lo nkamba la lowandji lande oko Nkumekanga ka Diolelo dia Nzambi dia “nkomiya ata lo nkɛtɛ k’otondo.”​​—Osambo 46:9.

Enda woho walembetshiya Bible kɛnɛ kayosala Yeso:

• “Nɛ dia nde ayotsha ose wola layanga ekimanyielo, ndo mbolambola la ɔnɛ tshɛ laha l’okimanyedi. Nde ayoka mbolambola ndo ose wola kandji, ndo nde ayoshimbɛ nsɛnɔ y’ase wola. Nde ayowatsha oma lo dihɛnyɔki ndo oma l’awui wa ngala.”​​—Osambo 72:12-14.

Ngande wakokaso mɛnya lowando lo kɛnɛ tshɛ kakatosalɛ Yeso ndo kayondotosalɛ. Yoho mɔtshi ele nyomeka akambo wendana la “lokumu l’ɔlɔlɔ la Diolelo dia Nzambi,” ɔsɔ mbaki losango lakandasambisha. (Luka 4:43) Adia sawo diele l’ɔtɛ a dui ɔnɛ “Diolelo diaki Nzambi kɛdikɛdi na?”