Ɔkɔkɔ wadja ase pɔlitikɛ diatɔnelo lam’asa anto​—Kakɔna kata Bible lo dikambo sɔ?

Wedja wa l’andja w’otondo waya la mbekelo ka mbatɔna lam’asawɔ l’ɔtɛ w’awui wa pɔlitikɛ. Eyangelo wakasale centre de recherche Pew lo 2022, mɛnyaka dia pursa “oko 65 ya ndekana k’ahende ɔtɔi k’epalanga wa lo wedja 19 wotshikitanyi mbutaka dia ekakatanu kana ewanu wekɔ lo ntomba efula lo wodja awɔ l’asa anto wasukɛ atshunda wa pɔlitikɛ wotshikitanyi.”

Onde wɛ hɛnyi di’anto wa lɛnɛ odjashiyɛ wamboleka mbatɔna l’ɔtɛ w’awui wa pɔlitikɛ? Lande na? Onde ekɔ dui dimɔtshi diakokayɛ nsala? Ohɔsɛdingola kɛnɛ kata Bible.

Waonga wadja diatɔnelo

Bible kakatatshi dia lo ntena diaso nɛ, dielamɛ ɔnɛ “nshi y’ekomelo,” anto efula wayonga la waonga waakonya diaha vɔ monga kaamɛ lam’asawɔ.

•  “Lo nshi y’ekomelo, tena dia paa dia wolo mbikikɛ diayoyala. Nɛ dia anto wayoyalanga . . . [hawotolanga] mbokana.”​—2 Timɔte 3:1-3.

Kaanga mbakamba anto efula olimu wa wolo dia mandji y’ana w’anto ntondoya, dui sɔ hadiosalema. Anto wele la tokanyi totshikitanyi mɛnaka dia dui sɔ diekɔ wolo efula diɔ salema, mbuta ate ekɔ wolo efula di’anto nkamba kaamɛ dia nkandola ekakatanu. Etombelo wonga shikikɛka kɛnɛ kakatatshi Bible aya edja efula.

•  “Onto mbolɛka wonyande onto dia mbosalɛ kɔlɔ.”​—Ondaki 8:9.

Koko, Bible mbishaka elongamelo, mbuta ate ekɔ lowandji lɔmɔtshi layɔlɔmbɔma oma le onto ɔmɔtshi lele l’akoka wa minya ekakatanu wakonya anto dia vɔ nsowa ɛlɔ kɛnɛ.

Ɔnɔmbɔdi wele l’akoka ndo wayakiyanya lo dikambo di’anto.

Bible mɛnyaka ɔnɔmbɔdi wele l’akoka wa laande wahombama dia nkandola ekakatanu ɛsɔ: Yeso Kristo ekɔ la wolo, la lowandji ndo la nsaki ka nkonya anto dia vɔ monga kaamɛ ndo mbela wɔladi le anto tshɛ wa l’andja w’otondo.

•  “Lo nshi yande kayɔngɔna onto ɔlɔlɔ, ndo wɔladi wayofulanɛ.”​—Osambo 72:7.

•  “Wedja tshɛ wayowokambɛka olimu.”​—Osambo 72:11.

Yeso ekɔ ɔnɔmbɔdi wa kokele nɛ dia nde ndjakiyanyaka dikambo diaso ndo kombolaka nkimanyiya anto, djekoleko wanɛ wasalɛwɔ akambo wa wɛngiya.

•  “Nɛ dia nde ayotsha ose wola layanga ekimanyielo,ndo mbolambola la ɔnɛ tshɛ laha l’okimanyedi. Nde ayoka mbolambola ndo ose wola kandji, ndo nde ayoshimbɛ nsɛnɔ y’ase wola. Nde ayowatsha oma lo dihɛnyɔki ndo oma l’awui wa ngala.”​—Osambo 72:12-14.

Eka awui efula wendana la Diolelo dia Nzambi, diele lowandji la l’olongo lalɔmbɔma oma le Yeso. Enda woho wakokayɛ nkondja wahɔ oma lɔkɔ ndo sukɛ ɛlɔmbwɛlɔ kadiɔ.

•  Enda vidɛo yele l’ɔtɛ a dui ɔnɛ: Diolelo diaki Nzambi kɛdikɛdi na?

•  Adia sawo diele l’ɔtɛ a dui ɔnɛ: “Diolelo diaki Nzambi​—Lowandji lele bu la kɔta mishiko.”