Ambola waleka anto ndjaoka / Mbekelo / Lande na kele Ɛmɛnyi wa Jehowa hawokambe la kurusɛ l’ɔtɛmwɛlɔ awɔ?

Anto efula mbɔsaka dia kurusɛ mbele djembetelo ya lokristokisto. Kaanga mbele Ɛmɛnyi wa Jehowa wekɔ Akristo, sho hatokambe la kurusɛ l’ɔtɛmwɛlɔ aso. Lande na?

Ɔkɔkɔ ɔmɔtshi ele, Bible mɛnyaka dia Yeso komvɔ lo kurusɛ, koko l’otamba. Bible pɛmɔlaka Akristo ɔnɛ: “nyolawɔ ɔtɛmwɛlɔ wa dikishi.” Kɛsɔ mɛnyaka dia vɔ hawohombe nkamba la kurusɛ l’ɔtɛmwɛlɔ awɔ.​​—1 Kɔrɛtɔ 10:14; 1 Joani 5:​21.

Yeso akatɛ ambeki ande ate: “Oma lo dikambo nɛ, anto tshɛ wayeya dia nyu nyekɔ ambeki ami, naka nyayokana ngandji lam’asanyu.” (Joani 13:34, 35) Lo nkamba l’ɛtɛkɛta ɛnɛ, Yeso akɛnya dia ngandji ka ndjahondja mbayokonya anto akina dia mbeya ambeki ande koko aha okambelo wa la kurusɛ.