Bonde Kasalawɔ Olimu Akɔ?

¹ Lo dikambo dia Kristo, amvutshi wakatatshi vate ‘ohetoheto lo dikambo dia luudu la Nzambi ayowonya to.’ (Osam. 69:⁠9) Ohetoheto wele la Yeso lo dikambo dia ɔtɛmwɛlɔ wa mɛtɛ watɛmɔlawɔ Jehowa akosokoya lo nde mbidja olimu ande lo dihole dia ntondo. (Luka 4:43; Joa. 18:37) Ɛlɔ kɛnɛ, Ɛmɛnyi wa Jehowa mɛnyaka ohetoheto akɔ wamɛ l’olimu awɔ lo sambisha akambo wa mɛtɛ. Ɔnɔnyi wetshi, lo yɛdikɔ ya l’atei atei apandjudi 645509 wakayasha ngɔndɔ tshɛ lo woho ɔmɔtshi kana okina w’olimu wa lo tena tshɛ. Lam’ele takayakimɔ le Nzambi, sho tshɛ pombaka sɛdingola lo dɔmbɛlɔ kana sho kokaka ndjalɔngɔsɔla dia monga ambatshi mboka wa tshanda kana wa pondjo.​—⁠Osam. 110:3; Und. 12:1; Romo 12:⁠1.

² Tekɔ lo sɛna lo dikongɛ di’akambo dia lokaki ndo diele la saki ka lomombo; anto efula hawoke bonde kayasha akina ngasɔ l’olimu w’esambishelo lam’ele aha futama mbafutamawɔ ndo hawokondja kânga lokumu oma lɔkɔ. Bonde kadisala ambatshi mboka na? Vɔ mbeyaka ɔnɛ l’olimu washa anto panda mbayashawɔ tshɛ. Lam’ele vɔ sokoyamaka la ngandji k’efula kokawɔ Jehowa la anyawɔ anto, vɔ ndjaokaka dia vɔ pombaka kimanyiya anto dia mbâshimbela. (Romo 1:​14-16; 1 Tim. 2:4; 4:16) Atshukanyi amɔtshi waki ambatshi mboka wakate dikambo sɔ lo tshena pe vate: “Bonde keso ambatshi mboka? Onde totonga l’ɔkɔkɔ ɔmɔtshi w’oshika wa mbutɛ Nzambi otondonga sho bu ambatshi mboka?”

³ Kadiyɛso kekina akate dia yɛdikɔ yakandɔshi ya monga ombatshi mboka ate: “Dimi l’omɛmi takayalɔngɔsɔla dia sɛnaka paka la difuto ɔtɔi, diɔ diakɔ diakatahombe minya yimba l’ɔngɔnyi. Koko, Jehowa ambotɔtshɔkɔla heyama, ndoko lushi lakandatotshike lo wola kana lo dihombo.  . . . Lambɛna ɔkɔkɔ mɛtɛ wemi la lɔsɛnɔ: lekɔ lo kimanyiya anto wele l’ohomba dia vɔ mbeya ɔnɛ Jehowa, Nzambi ka mɛtɛ, hanganyi etale la wanɛ wôyanga.” Lam’eyawɔ ɔnɛ nshi yotête esadi esadi, ambatshi mboka monaka paka diangɔ dioleki ohomba dia sɛna, wayaombɛ kawɔ akɔ ango ndo mbɔkɔ y’akɛsɔ y’eshika ya lo nyuma yayoviya pondjo pondjo.​—⁠1 Tim. 6:​8, 18, 19.

⁴ Naka wɛ ekɔ la diaaso lo menda akambo wele layɛ, bonde kahayɔtɔ l’ɔnɔngɔ w’anangɛso l’akadiyɛso nunu nkama wa l’andja w’otondo wele ambatshi mboka na? Dui sɔ diayokokimanyiya dia wɛ monga l’ɔngɛnɔngɛnɔ oko vɔ.

Nsanganya Y’olimu Ya Yitshu

Lomingu la Yitshu 5

Osambu 100

Taahe 12: Waewoyelo. Waewoyelo wendana l’Olimu Aso wa Diolelo. Ta tokanyi t’oma lo periodikɛ yeke ka tomba takokanyu tosawola l’anto.

Taahe 15: “Elui Wambokotshama.” La wembola ndo ekadimwelo. Nyomenda alako w’ohomba efula wele lo Tshoto y’Etangelo ya lo Falase ya Loseketanya 15, 1993, lɛkɛ 12-17.    

Taahe 18: “Tokimanyiya Anto Wahatahokɔ Akambo dia Vɔ Mbashihodia.” La wembola ndo ekadimwelo. Nyomenda awui amɔtshi watshikitanya biukubuku Katɔlɔmba la tobukubuku tokina: yoho yayɔ ya wekelo ya wɔdu, wembola w’ehomba efula, asango w’amɛna, ndo lokema l’avɛsa lele lɔkɔ. Tɛtɛ di’ɔnɛ oyango aso ele tatɛ mbeka l’anto Bible ko ndjɔtɔ lo dibuku Ewo. Ɛnyɛlɔ oma le opandjudi ɔmɔtshi wakoka lo yoho ya tatɛ wekelo lo ndjela shambu yolakanyemi l’odingɔ 4. Keketsha ambutshi tshɛ wa l’etshumanelo dia vɔ mbeka biukubuku yakɔ l’anawɔ weke akɛnda.

Osambu 130 ndo dɔmbɛlɔ dia ndjihelo.

Lomingu la Yitshu 12

Osambu 107

Taahe 10: Waewoyelo. Alapɔlɔ wa falanga. Naka wonya wekekɔ, kɔndɔla akambo amɔtshi lo tshena pe wakasalema lo ngelo kanyu lo kɛnɛ kendana la odianganyelo wa biukubuku Katɔlɔmba ndo woho wa kamba la yɔ dia tatɛ mbeka l’anto Bible.

Taahe 15: “Tɔlɔmbɔlɛ Ambeki Otsha l’Ɔlɔngɔswamelo Waki Jehowa.” (od. 1-6) La wembola ndo ekadimwelo. Ala odingɔ 5-6 ndo avɛsa wele lɔkɔ. Kɔndɔla akambo wakete lo ngelo kanyu wɛnya ɔnɛ ambeki wa Bible wakɔshi tɛdikɔ lam’akawɛnyi kasɛtɛ video ka Les Témoins de Jéhovah ​—⁠ Un nom, une organisation.   

Taahe 20: “Tetsha Akina Kɛnɛ Katɔlɔmba Nzambi.” Ɔkɛtshanyelo kâmɛ l’ampokami l’odingɔ 1-4. Ɛnyɛlɔ ka yoho ya l’odingɔ 5 lo weho esato wotshikitanyi: l’ɔsɛsɛ, lo soko, l’etenyi ka ngelo kasondjawɔ diangɔ ndo lo parkɛ. Tɛ anto tshɛ dia vɔ mbohɔ dia tasumbi tobukubuku la periodikɛ la dikɔlɔ nɛ la ntondo ka tomba oma lo Mbalasa ka Diolelo dia vɔ tosambishaka la tɔ.

Osambu 126 ndo dɔmbɛlɔ dia ndjihelo.

Lomingu la Yitshu 19

Osambu 113

Taahe 15: Waewoyelo. Ta di’ɔnɛ etena kekekɔ ka ndodja dɛmandɛ dia monga ombatshi mboka wa tshanda lo Mam’ɛkɔngɔ la Tange. Sɛdingola Ekadimwelo lo Wembola Anyu ndo ewoya etshumanelo naka nyekɔ l’ohomba w’abuku amɔtshi dia kotsha lo bibliɔtɛkɛ ka Mbalasa ka Diolelo.

Taahe 15: “Tɔlɔmbɔlɛ Ambeki Otsha l’Ɔlɔngɔswamelo Waki Jehowa.” (od. 7-14) La wembola ndo ekadimwelo. Mbola ombetsha ɔmɔtshi wakoka dia nde mɛnya woho wa sawola l’ombeki la lɔngɛnyi tshɛ ndo mbotɛ hwe di’ohomba wa mbɔtɔka lo nsanganya.

Taahe 15: Tokambe l’ekanda aso l’ɔlɔlɔ tshɛ. Dako oma le ekumanyi kɛmɔtshi. Lo ndjela alapɔlɔ wele laso, mbala efula tshumanelo nɔmbaka periodikɛ efula oleki nyɛ yashawɔ anto ngɔndɔ tshɛ. Yɛdikɔ ya suke la l’atei hayadjema lo alapɔlɔ w’olimu. (Ta lofulo lofundami l’etshumanelo.) Lende atshɔ periodikɛ shɔ na? Efula kayɔ sukukalaka lo tshendo kana mbikashemaka. Ngande wokokiso mbewɔ dikambo sɔ na? Opandjudi tshɛ pombaka mbɛdika dimɛna nyɛ yele lande ohomba ko nde nɔmba paka nyɛ yayondokoka kahanya. Tɔshi mbekelo ka mbishaka anto tshɛ wahomana la so periodikɛ. Tatolanyake numɛlɔ y’edjedja. Totombake tena tshɛ lushi la dianganya periodikɛ. Tatohɛke dia sho pombaka mbuta yema ya woshasha yakimɔma ndo ndjikimɔ aha la tshimbatshimba.   

Osambu 128 ndo dɔmbɛlɔ dia ndjihelo.

Lomingu la Yitshu 26

Osambu 121

Taahe 10: Waewoyelo. Ohola dia onto tshɛ pombaka kimɔ alapɔlɔ ande w’olimu wa Yitshu. Ta nkombo y’anto wayonga ambatshi mboka wa tshanda lo Mam’ɛkɔngɔ la Tange. Ta tɛdikɔ tokina tambɔsa etshumanelo kanyu dia nsanganya y’esambishelo. Lo Mam’ɛkɔngɔ la Tange, tayodja wolo lo yoho ya