Onde ekɔ filmɛ, abuku kana esambo ɛmɔtshi wakawasekɛ Ɛmɛnyi wa Jehowa?

Ndooko. Okongamelo aso hasɛdingola filmɛ, abuku kana esambo ɛmɔtshi shikaa ko mbutɛ anto wa l’okongamelo aso dia mbewɔ. Lande na kahasale okongamelo ngasɔ?

Bible keketshaka ɔmɔmɔ la l’atei aso dia mbekiya ‘akoka ande w’ekanelo ka yimba’ dia ntshikitanya ɔlɔlɔ la kɔlɔ.​—Hɛbɛru 5:14.

Afundelo wekɔ l’atɔndɔ w’ohomba wahomba Okristo nsɛdingola etena kasɔnande kɛnyɔ.a L’awui tshɛ wa lo lɔsɛnɔ, oyango aso ele “nshikikɛ kɛnɛ ketawɔma le Nkumadiɔndjɔ.”​—Ɛfɛsɔ 5:10.

Bible mbetshaka di’ewandji wa nkumbo wekɔ la yema ya lowandji, laasɔ vɔ mbeyaka ntona weho ɛmɔtshi wa tɔkɛnyɔ lo nkumbo yawɔ. (1 Kɔrɛtɔ 11:3; Ɛfɛsɔ 6:1-4) Koko l’andja wa nkumbo, ndooko onto lele la lotshungɔ la nshimba anto filmɛ, esambo ɛmɔtshi shikaa lo mbuta ɔnɛ ase etshumanelo hawohombi menda.​—Ngalatiya 6:5.