Tolowanya akoka aso wa nsambisha​—Lo fundanɛ mikanda w’amɛna

OHOMBA WA DUI SƆ: Dibuku dia 1 Kɔrɛtɔ diekɔ l’atei wa mikanda 14 wakafunde ɔpɔstɔlɔ Pɔɔlɔ dia nkeketsha asekande Akristo. Etena kafunda onto mukanda, nde mongaka la diaaso dia nsɔna tɔtɛkɛta t’amɛna tayokimanyiya onto lalongola mukanda dia nde mbaadia dimɛna. Mikanda wekɔ yoho mɔtshi ya dimɛna yakokaso nsambisha ewotɔ ndo anto weyaso. Mikanda wekɔ nto yoho ya dimɛna ya nsambisha wanɛ weso bu l’akoka wa nsawola la wɔ elongi l’elongi. Ɛnyɛlɔ, mbeyaka monga ko onto ɔmɔtshi akɛnya nsaki, koko ekɔ wolo dia mbotana la ngelo. Mbeyaka monga wolo ntana anto amɔtshi wa l’ɛtshi kaso ka nkɛtɛ, nɛ dia vɔ mbidjasɛka lo mvudu kana nkombo yalama asɔlayi kana yahakoke anto mbɔtɔ wɔtɔtɔ, akina mbidjasɛ l’ahole wanganyi l’anto etale. Awui akɔna amɔtshi wahombaso mbeyaka djekoleko etena kafundɛso onto ɔmɔtshi lahateye mukanda?

WOHO WA NSALA DUI SƆ:

• 

  Tɛ onto kɛnɛ kotoyohomba mbotɛ otondonga wɛ ekɔ lo mbosambisha elongi l’elongi. Tɛnde ntondo eyɛ ndo oma laasɔ, tɛnde hwe lande na kofundɛyɛ. Ondo wɛ mbeyaka ntatɛ la mbooka dimbola dia nde nkana la diɔ yimba ndo mbotoma lo sitɛ kaso k’Ɛtɛrnɛtɛ. Oma laasɔ, tɛnde dia sho mbekaka l’anto Bible la wakawɔ kana tɛnde ɛtɛ wa totshapita wele l’okanda ɔmɔtshi wekaso l’anto Bible. Wɛ kokaka mbidja ɛnyɛlɔ, kartɛ ka woho wa mbɔtɔ lo jw. org, dikatshi dia leeta kana traktɛ lo divɔlɔpɛ

• Tofundake akambo efula. Mukanda ayɛ hawohombe monga otale diaha onto lawolongola tohekɔ mbadia.​—Enda ɛnyɛlɔ ka mukanda

• Nyomadia dia minya dikɔmɔ ndo yashikikɛ dia mukanda akɔ wakafundami dimɛna ndo wekɔ wɔdu mbadia. Kamba la tɔtɛkɛta tɛnya lɔngɛnyi, ta loshilambo ndo t’amɛna. Futa falanga yahombama dia ntoma mukanda.