LƆSƐNƆ L’OKRISTO
Keketsha mbetawɔ kayɛ l’Ɔtɛkɛta wa Nzambi
Ɔtɛkɛta wa Nzambi koka ntshikitanya nsɛnɔ yaso. (Hɛb 4:12) Koko dia sho nkondja wahɔ oma l’ɛlɔmbwɛlɔ ndo alako wa lɔkɔ, sho pombaka ndjashikikɛ dia tɔ kekɔ mɛtɛ “ɔtɛkɛta wa Nzambi.” (1Tɛ 2:13) Ngande wakokaso nkeketsha mbetawɔ kaso lo Bible?
Adiaka enteyi kɛmɔtshi ka Bible lushi tshɛ. Etena katayadia, yanga tolembetelo tɛnya dia Jehowa mbele Kiɔkɔ yatɔ. Ɛnyɛlɔ, sɛdingola alako watanema lo dibuku dia Tokedi ndo lembetɛ woho wele lomba la lɔkɔ halete loowe.—Tok 13:20; 14:30.
Sala ekongelo ka wekelo. Yaekesanyiya la tolembetelo tɛnya dia Bible kakasambiyama. Lo Dibuku di’Eyangelo di’Ɛmɛnyi wa Jehowa, enda lam’ofundjiwɔ ɔtɛ a dui wata ɔnɛ: “Bible” ndo oma laasɔ, “Kakasambiyama oma le Nzambi.” Wɛ koka nto nkeketsha mbetawɔ kayɛ dia losango la lo Bible latatshikitanyema lo nsɛdingola awui watanema lo Apandisɛ A3 wa lo Bible—Ekadimwelo k’andja w’oyoyo.
NYENDE VIDƐO YELE L’ƆTƐ A DUI ƆNƐ: ƆKƆKƆ WESO LA MBETAWƆ LO . . . ƆTƐKƐTA WA NZAMBI NDO OMA LAASƆ, NYOKADIMOLE LO AMBOLA WAYELA ANƐ:
Ngande wele woshwelo wa ehele ka tɛmpɛlɔ ka la Karnakɛ l’Edjibito, shikikɛka dia Ɔtɛkɛta wa Nzambi wekɔ mɛtɛ?
Ngande weyaso dia losango la lo Bible latatshikitanyema?
Ngande wele woho weke Bible polo ndo ɛlɔ mɛnyaka dia tɔ kekɔ Ɔtɛkɛta wa Nzambi?—Adia Isaya 40:8