Lomba koka kɔlɔmbɔla ndo kosha ɔngɛnɔngɛnɔ
“Kaanga mbatomoyakiyanyaka etena kɛnami awui wa kɔlɔ l’andja, mbuta ate ata, wola, hemɔ ndo woho wahɛnyahɛnyawɔ ana w’akɛnda—dimi hashisha elongamelo.”—RANI.a
Rani akatane ɔngɛnɔngɛnɔ wa mɛtɛ etena kakandeke awui wendana la ɔnɛ lele lo Kiɔkɔ ya lomba la mɛtɛ, mbuta ate Otungi aso, Nzambi Kanga-Wolo-tshɛ. Etena katayadia asawo wayela anɛ, enda woho wele wetshelo waki Nzambi koka kokimanyiya dia wɛ . . .
monga la nkumbo kele l’ɔngɛnɔngɛnɔ
sɛna l’anto akina lo wɔladi
mbeka woho wa monga l’ɔngɛnɔngɛnɔ ndo ngɛnangɛna la kɛnɛ kele la yɛ
shihodia ɔnɛ lele lo kiɔkɔ y’asui ndo nyɔi
monga l’elongamelo ka shikaa ka lo nshi yayaye
mbeka dia mbeya Otungi aso ndo ndjasukanya la nde
Wɛ ayɛna nto dia Otungi aso hasha lomba lande tsho le djui mɔtshi y’anto yeyama koko nde lishaka ofele le onto tshɛ laliyanga.
a Nkombo ya lo periodikɛ kɛnɛ yakatshikitanyema.