“Diolelo diayɛ diaye”

Jehowa akalake ɔnɛ: ‘Delo, kandji, hemɔ ndo nyɔi hatoyala nto. Dimi layokitola asɔyi tshɛ oma lo washo awɔ. Akambo wa kɔlɔ tshɛ w’edjedja wayohamɛ.’

Jehowa akakitsha Adama l’Eva l’ekambɔ k’Ɛdɛna dia vɔ sɛnaka lo wɔladi ndo l’ɔngɛnɔngɛnɔ. Vɔ wakahombe ntɛmɔla Jehowa Shɛwɔ ka l’olongo ndo ndodia nkɛtɛ la anawɔ. Adama l’Eva kokitanyiya Jehowa, koko sangwelo diande kotshikitana. Lo dibuku nɛ, tambɛna dia kɛnɛ tshɛ kalaka Jehowa kotshamaka. Diolelo Diande diayela ɛtshɔkɔ wa diambo la nkɛtɛ, oko wakandalake Abrahama.

Keema edja, Satana, ɛdiɛngɛ ande ndo anto wa kɔlɔ tshɛ wayolanyema. Onto tshɛ layotshikala la lɔsɛnɔ ayɔtɛmɔlaka Jehowa. Hatototata hemɔ kana mvɔ. Tayemɔka lushi tshɛ tele la wolo ndo l’ɔngɛnɔngɛnɔ wa monga la lɔsɛnɔ. Nkɛtɛ kayokadimɔ Paradiso. Onto tshɛ ayonga la diangɔ dia ndɛ di’amɛna ndo ngelo y’amɛna. Anto wayonga etema ɛlɔlɔ, koko aha esehe kana ngala. Nyama ya ngala hayototoka wɔma ndo sho hatotoyioka wɔma.

Ayonga ɔngɛnɔngɛnɔ w’efula etena kayotatɛ Jehowa mbolola anto. Tayolongola anto wakavu lo nshi yakete, ɛnyɛlɔ oko Aabɛlɛ, Nɔa, Abrahama, Sara, Mɔsɛ, Ruta, Ɛsta ndo Davidɛ. Vɔ wayokamba kaamɛ la so dia mbetɛ okama wa nkɛtɛ paradiso. Elimu w’amɛna efula wa nkamba wayongaka nshi tshɛ.

Jehowa nangaka dia wɛ monga lɛkɔ. Wɛ ayoweya lo toho tahayakoke mfɔnya kaanga yema. Nyɛsɔ toyasukanyake suke suke la Jehowa lushi tshɛ, oma ko kakianɛ ndo pondjo pondjo!