Mbɔtwɛlɔ ka etenyi 8

Jehowa akatshɔkɔla Sɔlɔmɔna lo mbosha lomba l’efula ndo diɛsɛ dia mbika tɛmpɛlɔ, koko yema yema nde akayotshikaka Jehowa. Naka wɛ ekɔ ombutshi, lembetshiya ɔnayɛ woho wele atɛmɔdi wa kashi wakayanganyaka Sɔlɔmɔna la Nzambi. Diolelo diakayatɔna ndo nkumi ya dikanga ya kɔlɔ yakakonya wodja l’apɔstazi ndo l’ɔtɛmwɛlɔ wa dikishi. L’etena kɛsɔ, amvutshi wa kɔlamelo wa Jehowa efula wakahɛnyahɛnyama ndo wakadiakema. Jezabɛlɛ wadi aki nkumekanga akatambiya diolelo dia lo nɔrdɛ tshavu lo apɔstazi. Ɔsɔ aki etena ka kɔlɔ efula l’ɔkɔndɔ w’ase Isariyɛlɛ. Koko akikɔ ekambi ekina efula wa Jehowa wa kɔlamelo l’atei w’ase Isariyɛlɛ, mbidja ndo nkumekanga Jɛhɔshafata ndo omvutshi Elidja.