“O Ikanyega Mo Bodumeding Jwa Gagwe”

Lefa maphata a ga goromente a ile a nna le thuso thata mo dithulaganyong tsa kago tsa Watchtower Society mo Nigeria, dikoranta dingwe le baeteledipele ba bodumedi ba ile ba leka go direla Basupi ba ga Jehofa bothata ka ntlha ya kgang ya boitlhaodi. Lefa go ntse jalo, babegadikgang ba bangwe ba dikoranta ba ile ba neela kakgolo. Mokwadi mongwe, wa agente, o ne a botsa gore a Basupi ba ga Jehofa “ba itshupa fa ka boammaaruri ba sena moya wa go rata naga.” Fa a neela karabo ya gagwe ka sebele, o ne a re: “Basupi ke baagi ba ba duelang makgetho le go obamela melao. Ope . . . Mosupi yo o ka nnang boikanyego mo bodumeding jwa gagwe go ya bokgakaleng jwa go bo obamela ka go ipaya mo kotsing ya go latlhegelwa ke ditshwanelego dingwe ka tsela e e tshwanang o tla nna boikanyego le mo bontsing jwa dilo tse dingwe . . . Lebaka la go bo a gana go utswa madi a ga goromente fa badiri ka-ene . . . ba opela pina ya setšhaba mme gone ba itseela madi ka boferefere ke ka ntlha ya gore Bibela ya gagwe e e mmolelelang gore a seka a opela pina ya setšhaba gape ya re ga a a tshwanela go utswa.”