Go Batlana le Boammaaruri go a Duelwa

LEKAWANA lengwe e ne ya re ka le ne le sa kgotsofale go le kalo jaaka moreri yo o sa ithutelang boruti wa Kereke ya Presbyterian, o ne a simolola go batlana le kereke ya boammaaruri ya Modimo. O ne a kwala dilo di le lesome tse di batlegang tseo a neng a akanya gore kereke ya boammaaruri e tshwanetse ya nna le tsone. O ne a setse a tlhaloganya sentle gore molelo wa dihele, go sa swe ga moya, jalo le jalo, ga go dumalane le dikwalo. O ne a dira patlisiso eno ka dingwaga di le 30. Fa a ne a kopana le mongwe wa Basupi ba ga Jehofa, lekawana leno le ne la simolola go mo tlhaba ka dipotso tsa lone, tse di ntseng jaaka: “Letsomanyane ke mang? Ba ba 144 000 le dinku di sele ke bomang?” Fa a sena go bona dikarabo tse di kgotsofatsang o ne a dumela go ithuta Bibela. Morago ga dikgwedi di le tharo o ne a raya Mosupi yoo a re: “Mokaulengwe, kereke ya boammaaruri ke Basupi ba ga Jehofa.” Jaanong o na le dingwaga di le 71 mme o itumelela go bo a ile a bona kereke ya boammaaruri morago ga a sena go batlana le yone ka dingwaga di le 30!