Tshiamo ya Bomodimo—Lebaka la go Ipela!

LAANG to opele le rona . . . ‘Jehofa wa busa; a lefatshe le ipele.”’ Mafoko ao a ne a le karolo ya pina eo e neng a opelwa ke baemedi ba ba 9 000 baBaarabia, Bagerika, Ba-Italian, Bapotokisi, le Ba-Spanish kwa Kopanong ya Kgaolo ya “Tshiamo ya Bomodimo” mo Montreal, kwa Canada. Batlakopanong ba ne ba thelesegela mo lebaleng leno la Olympic Stadium mo karolong ya bofelo ya kopano eo ya malatsi a le mane go tla go kopanela pina le baemedi ba le 36 900 ba ba neng ba setse ba le mo setadiamong seo.

Ditlhopha tsa dipuo tse dingwe di ne di kopanetse thulaganyo e e tshwanang ya kopano mo diareneng le diholong tse di fa gaufi. Jaanong ba ne ba kopana le batlakopanong ba Bafora le Maesemane mo go bontsheng bokaulengwe le boikanyegi ka mo go tlhotlheletsang—sengwe se se ka bonwang fela mo batlhankeng ba Modimo wa tshiamo ya boammaaruri, Jehofa. Fa re tlhokomela go tlhoka tshiamo go go tletseng mo lefatsheng la motlha wa segompieno setlhogo seno sa kopano—“Tshiamo ya Bomodimo”—se ne se le mo nakong eleruri. Se ntse se otlelelwa mo thulaganyong yotlhe, setlhogo seno se ne sa lootsa go anaanela ga rona nonofo eno a kgolo ya ga Jehofa Modimo.

“Go Sego ba ba Dirang Tshiamo”

Seno a ne a le setlhogo sa letsatsi la ntlha la kopano. (Pesalema 106:3) Puo ya kamogelo ya monnasetilo a ne ya bontsha ka phepafalo gore tshiamo ya bomodimo a ne a se fela go atlhola go go dirwang go ya ka molao. Go na le moo, a ne a le go tshegetsa go dira se se siameng o sa tlhaole ebile a le ka tsela e e molemo go ya ka ditekanyetso tsa Modimo. Jehofa o tlhomile ditekanyetso tse di kwa godimo mme o itekanetse mo tshiamong ka go bo a tshwarelela mo go tsone. Ka jalo, go ka buiwa go re “ditsela tsa gagwe cotlhe ke tshiamisho.”—Duteronome 32:4.

Seno se ne sa otlelelwa gape mo puong ya setlhogo, e e reng “Ditsela Tsotlhe tsa Modimo di Tshiamo.” Jehofa ga a ise a ko a fapoge ditekanyetso tsa gagwe tsa tshiamo mme o He a nna a dirisa ditsela tse di siameng fa a ntse a dirisana le batho ba ba sa itekanelang. (Malaki 3:6) Lefa bangwe ba ka latofatsa Modimo ka phoso gore ga o dire tshiamo ka go bo ba bona batho ka kakaretso ba sa dire tshiamo, ga o ikarabelele mo bogananeng jwa batho ba ba boikepo.

Ereka Jehofa a rata tshiamo, o lebeletse gore re dirise nonofo eno ka go dira se se siameng le se se molemo. Re tshwanetse go dira seno mo bathong-ka-rona le mo malapeng a rona, mo phuthegong, le mo dikarolong tsotlhe tsa kobamelo ya rona. Seno se tlisa masego a magolo, jaaka re ka bona mo go seo se neng se le gone mo thulaganyong ya malatsi a mararo a a setseng a Kopano ya Kgaolo ya “Tshiamo ya Bomodimo.”

“Amogela Kotlhao e e Nayang Botlhale”

Setlhogo sa letsatsi la bobedi la kopano se ne se na le setlhogo seo, se se theilweng mo go Diane 1:3. Re ne ra kgothalediwa go “Amogela Kotlhao mme re Tlhalefe,” seo a le setlhogo sa karolo ya thulaganyo ya mo mosong. Kotlhao e e tswang kwa go Jehofa a tshwaya tsela ya botshelo e e kopanyeletsang go ntlafadiwa ga dikakanyo tsa rona le boitsholo. Gape ke tsela eo Jehofa Modimo a re bontshang lorato lwa gagwe ka yone. (Bahebera 12:4-11) Kotlhao e e ntseng jalo a re thusa go nna re lemoga ditekanyetso tse di kwa godimo thata tsa tshiamo—tshiamo ya bomodimo.

Dipuo tse di tlhamaletseng tseo di ne tsa latelwa ke puo eno “Nnang Phepa Mo Megopolong le mo Mmeleng.” Abo seno se ne se gwetlha mogopolo jang ne! Se ne sa gatelela botlhokwa jwa go nna batho ba ba itshekileng, ba ba phepa, le ba ba boitshepo mo Modimong. Ka ntlhayang? Ka go bo Jehofa o phepa ebile o boitshepo fela thata—boemo joo bo mo tlhaolang mo medimong yotlhe e e seng phepa ya merafe a mengwe. Fa a akanya ka puo eno, mokaulengwe mongwe yo mosha o ne a akgela jaana: “Sengwe le sengwe se se amang bophepa jwa tlhaloganyo, boitsholo, mmele, le jwa semoya se ne sa sekasekiwa. Go apara ga rona, go ikgabisa, legae, kara, le botho jwa rona tsotlhe di ne tsa neelwa tlhokomelo e kgolo.” Mogolwane mongwe o ne a tlhokomedisa jaana: “Go dirisa kgakololo e e ntseng jalo go tla dira gore bakaulengwe ba rona ba tlhomologe le eleng go feta mo bathong ba ba ba dikologileng mme seno se tla re naya botsogo joo lefatshe ka kakaretso le sa bo itseng.”

Terama ya segompieno ya “Go Tshwaelwa Phalolo” a ne ya oketsa go potlaka ga thulaganyo eno ka go bo tshiamo ya bomodimo e tla tloga a diragadiwa. Motshameko ono o o amang maikutlo o ne wa bontsha ka phepafalo gore rotlhe re potlakela go bula matlho a rona go bona botlhokwa jwa metlha ya rona. Eleruri, pele bodumedi jwa maaka bo senngwa, re tshwanetse go tshabela kwa lefelong la botshabelo mme re tshwaelwe phalolo ka tlhomamo.

Mo thapameng, motseletsele wa dibui o ne wa otlelela tlhokafalo ya “Go Laya ka Tshiamo mo Tikologong ya Lelapa.” Banna le borre ba ne ba kgothalediwa go nna le thulaganyo ya semoya mo lapeng, ba etelela pele mo thapelong, mo thutong, le mo tirelong e e boitshepo. Dinonofo tsa senna tsa ga rre le ka moo a tsayang botlhogo jwa gagwe ka gone di ama pono ya ngwana ka bolaodi, a ka tswa a le jwa bomodimo kana jwa batho. Ka jalo, borre ba Bakeresete ba tshwanetse go dira ka tshiamo le go sa nneng batlhanka ba mafoko a bone fa ba ba otlhaya. Ba tshwanetse go bontsha bopelotlhomogi le katamalano e e bothitho, ka jalo ba tshola puisano fa gare ga bone le bana ba bone a ntse a bulegile.

Batsadi ba ne ba kgothalediwa go dira gore katiso ya bone a tshwanele bana ba bone. Go botlhokwa gore o neye bana ba gago botlhale o ntse o tlhokometse gore o ka ba ruta jang le gore o ka ba ruta eng gore o fitlhelele dipelo tsa bone. Mokgele o mogolo ke gore boammaaruri bo ame botlhe ba lelapa la gago ka tsela eo ba tla solegelwang molemo ka yone.

Sebui sa bofelo mo motseletseleng ono se ne sa rotloetsa bana go dira seo Jehofa a se lebeletseng mo go bone mo thulaganyong ya lelapa. Basha ba ne ba kgothalediwa go tila go nna le moya wa botsuolodi oo o leng teng gompieno mo bathong ba ba boitaolo mme ba ipelele kotlhao e e tlhalefisang.

Mo dikakgelong tse di theilweng go Diane 2:1-9, batlakopanong ba ne ba kgothalediwa go “Senka ka Metlha Jaaka Khumo e e Fitlhilweng.” Go ne ga bontshiwa gore khumo ya semoya a ka bonwa fela ka go ithuta ka tlhagafalo le go batlisisa. Fa a ne a bua mo setlhogong seno “Lebelela kwa go Jehofa go Bona Botlhale,” sebui se se latelang se ne sa tlhalosa gore botlhale ke nonofo ya go lebelela seemo, go lebelela ka kwa ga se o se itseng a le go tlhaloganya selo. (Mathaio 13:13-15; Baroma 3:11; Baefesia 5:17) Letsatsi leo le le itumedisang le ne la fitlha kwa setlhoeng fa Olympic Stadium a ne a golaganngwa ka founo le metsemegolo a mengwe a mentsi mo Canada le United States. Motseletsele o o dikarolo pedi, o ne wa otlelelwa ka go gololwa ga dibolumu tse pedi tsa Insight on the Scriptures, tsa ditsebe tse 2 500 tse di nang le ditlhogo tse di nang le boikitsiso le ditshwantsho tseo di nonotshang kanaanelo ya rona mo dilong tsa semoya.

“Dikatlholo tsa Gagwe di Boammaaruri le Tshiamo”

Mo letsatsing la boraro, leo le neng le na le setlhogo seno se se theilweng mo go Tshenolō 19:2, go ne go na le mo gontsi go go neng go re dira gore re ipele. Polelo “Bophepa mo Boitsholong ke Mokgabo wa Basha” a ne ya ikuela fela thata mo basheng. Ba ne ba kgothalediwa go tseela kwa godimo mokgabo o o tlang ka go tshegetsa ditekanyetso tsa Modimo Isa bophepa jwa mmele, boitsholo, le jwa semoya. Dipina tse di tlotlomatsang tlhakanelodikobo, dithulaganyo tsa thelebishene tsa boitsholo jo bo sa siamang, dibaesekopo le dibuka tse di tsosang keletso ya tlhakanelodikobo, le kgatelelo e e tswang mo ditsaleng, ke tseo di tshwenyang basha ba Bakeresete gangwe le gape. Go ya ka motswedi mongwe, mosha yo o tlhomologileng ke yo o fitlhelelang dingwaga tse 19 a ise a tlhakanele dikobo pele ga lenyalo. Mme bareetsi ba ne ba opa diatla ka mo go itumedisang fa sebui se ne se akgola diketekete tsa basha ba Basupi bao ba itshupang ba tlhomologile ka go tshegetsa ditekanyetso tse di kwa godimo tsa tshiamo. Manyalo a basha a tletse mathata a mantsi, mme go ne ga bontshiwa gore mafoko a ga Paulo kaga go nyala ka ntlha ya go “babalelwa” gaa lebisiwa go basha mme go bao ba ‘fetileng nako ya bosha.’—1 Bakorintha 7:9, 36.

Puo e e latelang a ne a re “Lo Seka lwa Ikopanya le ba ba sa Dumelang.” Go obamela molao wa Modimo wa go nyala “mo Morenefi hela” go re sireletsa mo diphelelong tse di botlhoko. (1 Bakorintha 7:39) Mo godimo ga moo, ga go na sepe se se nonotshang lenyalo go na le go bo to ineetse lotlhe mo go Jehofa le mo go tshegetseng ditekanyetso tsa gagwe tsa tshiamo. Morago ga moo re ne ra thusiwa go bona ka moo re tshwanetseng gore re “Itshware ka Tlotlo le ka Poifomodimo” ka gone.

Go tswa foo go ne ga tla puo e e itumedisang thatapuo ya “Boineelo jo bo Lebisang kwa Katlholong e e Siameng,” eo a neng ya latelwa ke go kolobediwa ga batho ba ba ineetseng bosha. Go ne ga gatelelwa gore go lebeletswe go le gontsi mo go bone go na le go tlosa leswe la nama fela. Boikwatlhao, go sokologa, le tirelo ya botshelo jotlhe e e boitshepo di tshwanetse go amanngwa le boineelo le kolobetso ya bone fa ba batla go nna ba ipelela go atlholwa ka tshiamo ke Jehofa.

Thulaganyo ya thapama a ne a le e e ka se kang ya lebalwa. Gape ba golagantswe ka founo, maloko a Setlhopa se se Laolang sa Basupi ba ga Jehofa a ne a kgothatsa bareetsi go ralala North America ka motseletsele wa dipuo tse di huduang tse di reng “Nako e e Tlhomilweng a Gaufi.” Ka dingwaga tse dintsi, Basupi ba ga Jehofa ba ba tloditsweng ba He ba nna ba bolela melaetsa ya katlholo ya bomodimo kgatlhanong le Babelona o Mogolo, mmuso wa lefatshe wa bodumedi jwa maaka. Lefa go ntse jalo, kwa kopanong eno, melaetsa eno a ne ya bolelwa ka lentswe le le nonofileng. Babelona o Mogolo o molato ka go bo a ile a tlola ditaolo tsa ga Jehofa tsa tshiamo. O tshwanelwa ke go senngwa, ka go bo “dibe tsa gagwe di ile go hitlha le kwa legodimofi, me Modimo o gakologecwe maikep6 a gagwe.” Ka jalo, jaaka moengele wa ga Jehofa a bolela, ‘dipetso tsa gagwe di tla tla ka letsatsi le le lengwe fela, ebong loso, le selelo, le popamo; mme o tla fisediwa ruri ka molelo; gonne go thata Jehofa Modimo yo o mo atlhotseng.’—Tshenolō 18:5, 8.

Fa a bua mo setlhogong seno “Seaka se se Makgapha—Go wa le go Senngwa ga Sone,” sebui sa bofelo mo motseletseleng ono se ne sa lebisa tlhokomelo ya rona kwa konelong e e molemolemo ya Tshenolō. Konelo eno e fitlhelelwa ka lenyalo la ga Kwana, yo o kopanang le monyadiwa wa gagwe, motse o o boitshepo, ka go segofatsa batho ka botshelo jo bo sa khutleng. Leina la ga Jehofa le a itshepisiwa! Motseletsele o ne wa felela ka mafoko a a tlhotlheletsang a gore nako e e tlhomilweng a gaufi thata go na le jaaka re akanya! Eleruri, go konelwa ga Tshenolō go setse go le gaufi!

Fa bareetsi ba ntse ba opa diatla, go ne ga gololwa buka a ntsha ya ditsebe tse 320 ya Tshenold—Konelo ya Yone e e Molemolemo e Atametse! Abo seno se lere boipelo jang ne! Kgatiso eno a tla nna sedirisiwa se se nang le matswela sa go bolela gore Babelona o Mogolo o atlhotswe, gore merafe jaanong a lebile Aramagedona, le gore Jehofa o tloga a tlisa katlholo. A batho botlhe ba ba anaanelang ba arabele taletso eno ya “Moea le monyadwi” mme ba ‘tle’ metsing a botshelo. (Tshenolō 21:2, 9; 22:17) Kgatiso eno e e kgatlhisang e ne ya latelwa ke sengwe gape seo se lereng boipelo. Ba tlhatswegile pelo ka boipelo, bareetsi ba ba tlileng kopanong ba ne ba dumalana ka go amogela maitlhomo a a phepafetseng a a bolelang go ila ga rona Babelona o Mogolo.

“Tshiamo—O Tshwanetse go Latelela Tshiamo”

Setlhogo seno se se theilweng mo go Duteronome 16:20, a ne a le sa letsatsi la bofelo. Dibui tsa mo mosong di ne tsa gatelela ntlha ya gore go re re solegelwe molemo ke tshiamo ya bomodimo, re tshwanetse go farologana le’ lefatshe. A o ko o akanye ka polelo “Go Tshegetsa Boitekanelo jwa Semoya mo Lefatsheng le le Lwalang.” E ne ya re bontsha ka moo re ka tilang go kgotlhelwa ke lefatshe leo le Iwalang mo semoyeng ka go nna re tlhokometse makoa a rona a senama, go tlhotlhelediwa ke lefatshe, le “maan6 a boherehere a diabolo.” (Baefesia 6:11, 12; Baroma 7:21-25; 1 Yohane 2:15-17) Puo “A Tumelo ya Gago a Ganetsa Lefatshe” a ne ya bontsha gore fa re na le tumelo e e tshwanang le ya ga Noa, re tla nna re farologane le lefatshe. Mo motlheng wa ga Noa, go ne go na le pharologano a kgolo gareng ga bao ba neng ba falola Morwalela le bao ba neng ba senngwa. Seo se boammaaruri le gompieno.

Ntlha eno e e botlhokwa a ne ya otlelelwa ke terama eno ya Bibela “Dikatlholo tsa ga Jehofa Kgatlhanong le Batho ba ba sa Utlweng Taolo.” E ne ya bapisa batho ba ba sa utlweng taolo ba metlha ya ga Noa le Lote le ba metlha ya rona. Noa le Lote ba ne ba nna ba farologane fela thata, mme tumelo ya bone e ne ya atlhola batho ba ba neng ba tshela ka nako ya bone. A rona ka borona re farologane le batho ba gompieno ba ba tshwenyegileng ka dilo tse di bonalang mme ba rata bosula?

Puo ya phatlalatsa, “Tshiamo go Botlhe ka Moatlhodi yo o Tlhomilweng ke Modimo,” a ne ya bua ka polelo ya moaposetoloi Paulo fa a ne a bua le banna ba Athena mo Areopago, kana Mars’ Hill. Mafoko ano a ga moaposetoloi a raya mo gogolo mo go rona, ka go bo re dikologilwe ke go tlhoka tshiamo le bodumedi jwa maaka. Rona ebile re na le lebaka la boipelo ka gonne re tshela mo metlheng eo katlholo a tla tlogang a diragadiwa mo go yone eo re ka tsayang kgato ya gore re amogelwe ke Modimo. Ee, jaaka Paulo a ne a bolela, Jehofa o ikaeletse ‘go atlhola lefatshe lotlhe ka tshiamo, ka monna [Jesu Keresete] yo o mo tlhomileng, mme mo o go tlhomamiseditse batho botlhe ka go mo tsosa mo baswing.’—Ditihō 17:31.

Fa thulaganyo a atamela kwa bofelong, re ne ra kgothalediwa go “Latelela Tshiamo jaaka Konelo a Atamela.” Kopano e e molemo thata eno ya malatsi a mane a ne ya re thusa go ikemisetsa go dira jalo. Thulaganyo eo gape a ne ya gatelela bokaulengwe jwa rona jwa merafeyotlhe. Ka motlhala, abo a ne a le boipelo jang ne go utlwa barongwa ba ba etileng bao ba ntseng ba direla mo dikabelong tsa bone ka boikanyegi ka dingwaga tse dintsi!

Re ne ra tswa kwa kopanong ka maikaelelo a a nt’shafaditsweng a go nna re farologane le lefatshe leno le go ipoloka re le phepa mo semoyeng, mo boitsholong, mo mogopolong, le mo nameng. Fa re opela pina ya bofelo mmogo, re ne re itumelela go opela dipako tsa ga Jehofa, re lebogela gore tshiamo ya bomodimo a re naya lebaka le legolo la go ipela.

Mo dikopanong tse di fetang 125 tsa kgaolo kwa United States le Canada fela go ne go na le batho ba le 1 440 932 mme go kolobeditswe ba le 19 878

[Setshwantsho mo go tsebe 26]

1, 2. Dikgatiso Insight on the Scriptures le Tshenolō—Konelo ya Yone e e Molemolemo e Atametse! di gololwa kwa Yankee Stadium, New York City, ke J. E. Barr le W. L. Barry maloko a Setlhopha se se Laolang

3, 4. Ditshwantsho tse di tserweng mo terameng ya Bibela “Dikatlholo tsa ga Jehofa Kgatlhanong le Batho be ba sa Utlweng Taolo”

5. Diketekete tsa batho di ne tsa kolobediwa go tshwantshetsa boineelo jwa bone go Jehofa Modimo

6. Setshwantsho go tswa mo terameng ya segompieno “Go Tshwaelwa Phalolo”

7. Barongwa be ba etileng, jaaka John Cutforth wa Papua New Guinea, be ne ba boielela batlakopanong maitemogelo a bone