Botshelo le Bodihedi tsa ga Jesu

Polelo Kaga Morwa yo o Timetseng

BAFARASAI ba He ba tshwaya Jesu phoso ka go tsalana le batho ba ba itsegeng fa a le baleofi, mme mo karabong ya gagwe o sa tswa go ba fa ditshwantsho tse pedi tse di mabapi le go batla nku e e timetseng le ledi le le latlhegileng la selefera. Jaanong o tswelela ka setshwantsho se sengwe, seno ke kaga rre yo o lorato le ka moo a tshwarang barwa ba gagwe ba babedi ka gone, bao mongwe le mongwe wa bone a nang le diphoso tse di masisi.

Lantlha, go na le morwa yo mmotlana ebong ene karolo ya konokono mo setshwantshong. O tsaya boswa jwa gagwe, joo rraagwe a bo mo nayang kwantle ga ketsaetsego epe. Morago ga moo o tswa mo gae mme o tshela botshelo jwa boitsholo jo bo sa siamang. Mme reetsa fa Jesu a anela polelo eno, mme o bone fa e le gore o ka kgona go lemoga gore batho ba ba tsayang karolo fano ba emela bomang.

“Monna monwe,” Jesu o a tlhalosa, “o na a na le bana ba basimane ba le babedi. Me eo mmotlana oa bone a raea rragwe, a re, Rra, nnaea mo a nen a tla nna ga me ga boshwa. Me a ba kgaoganyetsa dilo tse o tshelan ka cona.” Mme ke eng se yo mmotlana yono a se dirang ka seo a se amogelang?

“Me ea re malatsi a e se a hete a le mantsi,” Jesu o a tlhalosa, “morago ga mouo, nwana eo mmotlana a phutha gotlhe, a etela kwa lehatshin ye le kgakala, me a le gona a senya dilo tsa gagwe mo ditlhapelon tsa bohahalele.” O tswelela ka go senya madi a gagwe a tshela le diaka. Morago ga moo go latela dinako tse di thata, jaaka Jesu a tswelela ka go anela jaana:

“Me ea re a sena go di hedisa cotlhe hela, ga wela mopamo o mogolo thata mo lehatshin yeuo; me a simolola go nna mo pitlaganon. Me a ea a ineela mo go monwe monni oa lehatshe yeuo; me ene, a mo isa kwa nagen ea gagwe, gore a otlele dikolobe gona. Me a eletsa a kabo a ka kgora moroko o o yewan ke dikolobe; me a se ka a hiwa ke ope.”

Abo go ne go tlhabisa ditlhong jang ne gore a iphitlhele a disa dikolobe, ereka diphologolo tseno di ne di lejwa a le tse di seng phepa ka Molao! Mme seo se neng se utlwisa morwa yono botlhoko a ne a le tlala e e neng a mo dirile gore a eletse dijo tse di fiwang dikolobe. Ka ntlha ya masetlapelo a a mo wetseng, Jesu o ne a re, “A itharabologelwa.”

Fa a tswelela ka polelo ya gagwe, Jesu o tlhalosa jaana: “A re [a bua a le nosi], Kana batlhanka ba ba thapilwen ba ga rre ba bantsi yan, ba na le diyo tse di lekanyen di ba di sala, me nna, ke shwela hano ka tlala. Ke tla nanoga ke ea kwa go rre, ke mo raea, ke re, Rra, ke leohetse legodimo, le ha pele ga gago; Me ga ke tlhole ke chwanela go bidiwa morwao; ntiha yaka monwe oa batlhanka ba gago ba ba thapiIwen. Me a nanoga, a tla kwa go rragwe.”

Sengwe se se batlang go tlhokomelwa ke seno: Fa rraagwe a ne a He a mo galefela mme a mo omanya fa a ne a tloga kwa gae, morwa yono o ne a ka se nne le mogopolo o o nonofileng ka seo a neng a tshwanetse go se dira. O ka nna a bo a ne a He a akanya go boela kwa morago mme a leke go ya go senka tiro golo gongwe go sele mo nageng ya ga bone gore a seka a lebagana le rraagwe. Lefa go ntse jalo, ga a ka a tlelwa ke tlhaloganyo e e ntseng jalo. O ne a batla go ya gae!

Ka phepafalo, rre yo o mo setshwantshong sa ga Jesu o emela Rraarona yo o lorato, yo o boutlwelobotlhoko, Jehofa Modimo. Mme le wena ka gongwe o a lemoga gore morwa yo o timetseng, kana wa sesenyi, o emela batho ba ba itsegeng e le baleofi. Bafarasai, bao Jesu a neng a bua nabo, ba ne pele ba tshwaile Jesu phoso ba re o ja le bone bano.

Mme morwa yo mogolo o emela bomang? Setshwantsho seno sa ga Jesu se ka dirisiwa jang mo lekgolong la rona la bo-20 la dingwaga? Tokololo e e latelang ya makasine ono a tla araba dipotso tseno fa a tlhatlhoba polelo eno ya ga Jesu ya morwa yo o timetseng yo a neng a bonwe. Luke 15:11-20, 30; Lefitiko 11:7, 8.

◆ Jesu o bolelela bomang setshwantsho seno, kana polelo eno, mme ka ntlhayang?

◆ Ke mang karolo ya konokono mo setshwantshong seno, mme o diragalelwa ke eng?

◆ Rre le morwa yo mmotlana ba emela bomang?

◆ Ke boikitsiso bofe joo re ka bo lebelelang mo tokololong e e Clang ya makasine ono?