O Ne A Siiwa ke Bese

LETSATSI lengwe James o ne a bona morwadie ebong Rebecca a tsamaya ka bonya mo go sa tlwaelesegang a ya go emela bese ya sekolo. Lemororo Rebecca a ne a bona bese e tla, o ne a tsamaya le eleng ka bonya go feta mme a siiwa ke bese ka boomo.

Bosigo jone joo James le Veronica, mosadi wa gagwe, ba ne ba tlotla kgang eo ka go tlhatlhoba gape polelo ya ga “Jona le Leruarua” go tswa go Buka ya Me ya Dipolelo tsa Bibela. E ne e le nngwe ya tse di ratwang thata ke Rebecca. Morago ga go fetsa polelo, batsadi ba ne ba e tshwaraganya le bothata jwa ga morwadia-bone. Ruri o ne a utlwisisa mme o ne a re: “Lemororo Jona a ne a sia mme a tsena mo kotsing mo lewatleng, mme a ba a mediwa ke leruarua la ba la mo kgwela ka kwantle—tiro ya gagwe ya ga Jehofa e ne e santse e mo letile gore a e dire.”

Letsatsi le le latelang Rebecca o ne a ya kwa sekolong ka boikutlo jo bosha le Buka ya Me ya Dipolelo tsa Bibela e le kafa legwafeng la gagwe.

O ka nna wa amogela sekaelo sa kgatiso eno e e nang le ditshwantsho tse dintle, e e kwadilweng ka ditlhaka tse dikgolo, e e nang le ditsebe di le 256 ka go tlatsa le go romela foromo eno.

Tswee-tswee nthomelelang, poso e dueletswe, buka ya khabara e e thata ya Buka ya Me ya Dipolelo tsa Bibela, e ke e romelelang R6.