‘Kaelo ya Motheo ya Boitsholo’

Mosetsana mongwe wa dingwaga tse 14 go tswa kwa Nigeria, kwa Afrika Bophirima, o lebogela go amogela kaelo eo go tswa mo bukeng Bosha jwa Gago—Go Iponela Molemo mo go Jone. O bua jaana:

“Buka eno ke sengwe seo se thusang fela thata, sa boammaaruri, se se gakgamatsang le se se itumedisang fela thata. Eleruri e tla nna thuso e kgolo go mongwe le mongwe yo o iketleeleleditseng go kaelwa ka botsalano mo dilong tse di raelang tseo gangwe le gape di nnang gone mo botshelong.

“Ke ne ka itsise ditsala tsa me kwa sekolong le baagelani ba me ka buka eno. Mongwe le mongwe yo o e balang o le akgolela ditshwantsho tsa yone tse di ‘nayang kitso’ le ditlhogo tseo di tlotliwang mo bukeng eno. Boikutlo jwa rona ke gore dintlha tseo di tlhalosiwang mo bukeng eno ga di kake tsa sedifatsa fela kana tsa naya botlhale le botlhokwa jwa melao-metheo ya boitsholo jo bo bori mme di ka naya basha le batsadi bao ba eletsang go ipelela kagiso ya boammaaruri ya mogopolo le botsogo jo bo siameng, le bao ba tla bontshang boikgapo mme ba bontsha nonofo go dira se se siameng kaelo e e nang le mosola. . . .

“Mo godimo ga tseo tsotlhe, buka eno e akareletsa ebile e tletse ka metheo ya kaelo ya boitsholo jwa tlhakanelo-dikobo eo e ka se kang ya bonwa mo batsading ba bantsi kana barutabana . . . Abo ke eletsa jang ne gore buka eno e ka dirisiwa kwa dikolong mo dithutong tsa letsatsi le letsatsi, e le gore go ka tlhomiwa mokgwa wa botshelo o o leng kagiso, o o eletsegang, o o nang le matswela le bokao.”

Bosha jwa Gago—Go Iponela Molemo mo go Jone e araba dipotso tse di jaaka, Ke ka ntlhayang fa basha ba tshwanetse go tsena sekolo? Ba tshwanetse go leba batsadi ba bone jang? A ba tshwanetse go tlhakanela dikobo pele ga lenyalo? A ba tshwanetse go nwa dino tsa tagi? Amogela sekaelo ka R2 fela ka go tlatsa le go romela foromonyana eno.

Tswee-tswee, nthomelelang, poso e duetswe, buka ya khabara e e thata ya ditsebe tse 192 Bosha jwa Gago—Go Iponela Molemo mo go Jone. Ke romela le R2.