Dimilione Di A Ya. Wena?

Go iwa kae? Kwa moletlong wa ngwaga le ngwaga wa loso lwa ga Jesu Keresete. Mo lefatsheng lotlhe go ne ga tla palogotlhe ya batho ba le 9 950 058 ka 1990. Ke ka ntlha yang fa batho ba ya? Ka ntlha ya seo loso lwa ga Keresete lo se kayang mo bathong. Lo kaya go gololwa mo bolwetsing, pogo le loso go go tlang. Le eleng baratiwa ba ba suleng ba tla tsosediwa go tla go tshela mo lefatsheng le le tsosolositsweng la dirwa Paradaise. Loso lwa ga Jesu lo ka lere masego a a ntseng jalo jang? O lalediwa go batlisisa seo. Basupi ba ga Jehofa ba go laletsa go tla go kopanela le bone mo tiragalong e e botlhokwa eno. Ya kwa Holong ya Bogosi e e gaufi le legae la gago. Letlha la ngwaga ono ke Matlhatso, March 30, fa letsatsi le sena go wela. Botsa nako e e tlhomameng mo Basuping ba ba mo lefelong la lona.