Dipokano go re Thusa go Dira Barutwa
BEKE E E SIMOLOLANG KA JULY 2
Pina 174
10 mets: Dikitsiso tsa lefelo la lona le Dikitsiso tse di tshwanetseng go tswa go Tirelo ya Rona ya Bogosi. Bontsha ditlhogo tseo di ka dirisiwang mo tirong ya dimakasine mo Matlhatsong ono. Dipontsho di le pedi, nngwe le nngwe ya tsone e buelela setlhogo se se rileng se se tswang mo makasineng o le mongwe.
15 mets: “Rotlhe Re Tshwanela go Ithuta.” Dipotso le dikarabo. Konela ka dikakgelo (1) tse di tswang mo bareetsing ba ba swelang lobaka molemo mme ebile ba na le thulaganyo e e molemo ya go ithuta, le (2) tse di leng malebana le melemo eo e bonwang ka go bala dibuka tsa kgale tseo di umakilweng mo serapeng 5.
10 mets: “Go Bolela Mafoko A A Molemo mo Ditshimong tsa Rona Tse Di Sa Abiwang.” Puo ka molebedi wa tirelo. Bontsha dithulaganyo tseo di dirilweng ke phuthego o bo o e laletse gore e di eme nokeng ka botlalo.
10 mets: Dintlha Tseo Di Ka Buelelwang go Tswa mo Diboroutšhareng. Dira gore bareetsi ba nne le seabe mo go tlhaloseng dingwe tsa dintlhakgolo tse di tswang mo diboroutšhareng tse di farologaneng tseo phuthego e nang le tsone mo setokong tseo di ka dirisiwang mo tirelong. O ka nna wa rata go dira gore go nne le baboledi bangwe bao ba abetsweng seno nako e santse e le gone.
Pina 20 le thapelo e e konelang.
BEKE E E SIMOLOLANG KA JULY 9
Pina 156
10 mets: Dikitsiso tsa lefelo la lona le pego ya madi. Akaretsa le dikitsiso dipe tsa meneelo eo e amogetsweng. Akgola phuthego go bo e tshegetsa tiro ya Bogosi ya lefatshe ka bophara mmogo le go tlhokomela dilo tseo di tlhokafalang mo lefelong la lona ka madi.
20 mets: “Kgothaletsang Bao O Ithutang Bibela Nabo Gore Ba Dire Kgatelopele.” Motlotlo wa dipotso le dikarabo. Fa lo sekaseka serapa 4, nna le pontsho e e baakanyeditsweng sentle eo e bontshang kafa mmoledi mongwe yo o nang le boitemogelo a kgothatsang yo a ithutang nae ka gone gore a dire kgatelopele a mo kgothatsa ka nako eo ba tlotlang ka serapa 3 ka yone se se mo tsebeng 14 ya boroutšhara ya Ba Dira Thato ya Modimo.
15 mets: Motho Yoo O Ithutang Bibela Nae A Ka Nna Leng le Seabe mo Bodiheding jwa Phatlalatsa? Puo ka mogolwane eo e theilweng go “Dipotso Tse Di Tswang go Babadi,” go Tora ya Tebelo ya December 1, 1989 tsebe 31. Otlelela gore ba ba sa tswang go kopanela, kwantle ga bana ba rona ka namana, ga ba a tshwanela go lalediwa gore ba tsamaye le rona mo bodiheding jwa tshimo go fitlhela bagolwane ba babedi ba sena go buisana le bone pele le go tlhomamisa gore ba a tshwanelega.
Pina 217 le thapelo e e konelang.
BEKE E E SIMOLOLANG KA JULY 16
Pina 220
10 mets: Dikitsiso tsa lefelo la lona. Boeletsang dintlhakgolo tsa pego ya April. Akgolela phuthego seo se fitlheletsweng mo lefelong la lona. Kgothaletsa gore go nniwe le seabe mo tirelong ya tshimo mo mafelobekeng a a tlang ano.
20 mets: “Seabe sa Gago mo go Direng Gore Dipokano E Nne Tse Di Sologelang Molemo.” Mogolwane o tlotla ka sone ka dipotso le dikarabo. Otlelela seo se tlhokang go tlhokomelwa mo lefelong la lona. Ba akgole moo go tlhokafalang gone.
15 mets: Go Tlhatlhoba Dikgonagalo tsa Gago tsa go Ka Nna Mmulatsela. Puo e e kgothatsang e e nang le dipotsolotso. Mo Afrika Borwa, jaanong re na le babulatsela ba ka metlha ba ka nna 3 700 ba mefuta e e farologaneng ya go tshela le ba ba nang le maemo a a farologaneng. Ke eng seo se ba tlhotlheleditseng gore ba bule tsela? Go rata Jehofa mmogo le moagelani (Math. 22:37-39); go amega thata ka batho ba bangwe le go eletsa go thusa ba ba oketsegileng gore ba bone poloko (1 Tim. 2:4); moya wa go ntshetsa dikgatlhego tsa Bogosi setlhabelo. (1 Bakor. 9:23) Keletso e tshwanetse ya tlhagolelwa. A o dira seno? Dikgato tseo o tshwanetseng wa di tsaya fa e le gore o batla go bula tsela: (1) Isa kgang eno kwa go Jehofa ka thapelo (Math. 7:7, 8; Bafil. 4:6); (2) tlotla ka seno le babulatsela mmogo le bagolwane (Dia. 15:22); (3) dira thulaganyo eo o lekeletsang ka yone ka go e kwala, o tlhatlhoba kafa e amang maikarabelo a mangwe a Bokeresete ka gone (Luke 14:28); (4) baya letlha leo o simololang ka lone, o seka wa emela gore go tlhage maemo a a molemolemo pele. (Mor. 11:4) September ke nako e e molemo eo o ka simololang ka yone; o ka tshwanelegela Sekolo sa Tirelo ya Bobulatsela mo ngwageng o o latelang morago ga oo. Botsolotsa mmulatsela a le mongwe kana ba le babedi malebana le kafa ba ileng ba fenya ka gone dilo tseo di neng di ba kgoreletsa gore ba seka ba nna babulatsela. Nna le maikutlo a mantle.
Pina 128 le thapelo e e konelang.
BEKE E E SIMOLOLANG KA JULY 23
Pina 39
15 mets: Dikitsiso tsa lefelo la lona. Dikgang tsa Bolegodimo. Buelela dintlha tsa konokono go tswa go “Nnang Lo Thantse mme Lo Seka Lwa Robala.”
15 mets: “Go Neela Mafoko A A Molemo—Jaaka Lelapa.” Dintlha tseno di tlotliwa ka dipotso le dikarabo. Botsa potso e le nngwe fela kana di le pedi mo serapeng sengwe le sengwe gore serapa sengwe le sengwe se ke se kgonwe go balwa.
15 mets: Ditlhokafalo tsa lefelo la lona. Kana puo e e theilweng mo setlhogong se se reng “A O Tla Solegelwa Molemo ke Bopelonomi Jo Bo Sa Tshwanelang?” se se mo ditsebeng 21-3 tsa Tora ya Tebelo ya February 15, 1990.
Pina 8 le thapelo e e konelang.
BEKE E E SIMOLOLANG KA JULY 30
Pina 10
10 mets: Dikitsiso tsa lefelo la lona. Dipontsho di le pedi tsa seo go akantshiwang gore go tlotliwe ka sone, nngwe le nngwe ya tsone e buelela setlhogo se le sengwe go tswa mo makasineng o le mongwe, e le tsa tiro ya dimakasine ka Matlhatso.
15 mets: “Go Bontsha Kafa O Ikanyang Jehofa ka Gone ka go Bula Tsela.” Mogolwane mmogo le motlhanka wa bodihedi ba tlotla ka setlhogo seno se se leng go Tirelo ya Rona ya Bogosi ya February 1990. Akaretsa le dikakantsho tse di mosola tseo di tla nnang mosola mo phuthegong ya lefelo la lona.
15 mets: “Go Tshwara Nako le Wena.” Puo ka setlhogo seno se se go Tora ya Tebelo ya June 15, 1990, ditsebe 26-9. Akaretsa le kgothatso ya gore bagolwane botlhe mmogo le batlhanka ba bodihedi ba nne teng kwa dipokanong metsotso e le 15 go ya go e le 20 pele ga nako e le gore ba ke ba kgone go ka thusa phuthego.
5 mets: Maitemogelo a a leng malebana le kafa go simolotsweng dithuto ka gone ka diboroutšhara. (Fa e le gore ga go na ape mo lefelong la lona, o ka nna wa kopa maitemogelo a a leng malebana le kafa go ileng ga tsamaisiwa diboroutšhara ka gone.)
Pina 169 le thapelo e e konelang.