Dikitsiso

● Mpho ya buka ya April le May: Peeletso ya Tora ya Tebelo ka moneelo wa R16,00 mo ditokololong tse di tswang gabedi ka kgwedi. Dipeeletso tsa ngwaga o le mongwe tsa ditokololo tse di tswang gangwe fela ka kgwedi le dipeeletso tsa dikgwedi di le thataro tsa ditokololo tse di tswang gabedi ka kgwedi ke R8,00. June: Matsapa A A Tserweng ke Motho go Batla Modimo ka moneelo wa R3,75. July le August: Epe fela ya diborouts̆hara tse di latelang tse di nang le ditsebe di le 32 ka moneelo wa disente di le 75 e le nngwe: A O Tshwanetse Wa Dumela Tharonngwe?, Leina la Modimo Leo Le Tla Nnelang Ruri, “Bōnañ, Dilō Cotlhe Ke Di Diha Sesha,” le Itumelele Botshelo mo Lefatsheng ka Bosakhutleng!

● Fa go kgonegang gone, bagolwane ba tshwanetse ba tlhomamisa dithulaganyo tsa phuthego tsa go neela bosupi jwa mo maitseboeng, segolobogolo ka April, go thusa babulatsela botlhe ba ba thusang.

● Fa e sa le ka 1989 re ntse re tlhagisa kgatiso e e baakantsweng ya buka ya Go Fetolana ka Dikwalo. Letlha la kwalololosesha leo le bontshitsweng mo go tsebe 2 ke 1989.

● Go tloga ka January 1, 1991, go tsentswe puo ya Se-Estonia mo lenaaneng la rona la ditokololo tse di tswang gabedi tsa Tora ya Tebelo tse di tswang ka poso.

● Mokgatlho o rulaganyetsa dikopano di le mmalwa tsa kgaolo tseo di tla tshwarwang ka dikgwedi tsa September/October 1991. Lo tla itsisiwe ka diphetogo dipe fela tseo di leng gone fa mafelo ao di tla tshwarelwang mo go one a setse a tlhomamisitswe. Kopano ya kgaolo ya kwa Durban jaanong e tla tshwarwa ka October 11-13, 1991.

● Diphuthego di tshwanetse tsa simolola go otora dibolumo tsa The Watchtower le Awake! tsa 1990. Dibolumo tseno di tla nna gone ka Seesemane, Setadiana, Segerika, le Sepotokisi. Madi a go duela ga a tshwanela go romelwa le diotoro fa e le gore phuthego ya lona e na le akhaonto ya dibuka le Mokgatlho. Di tla duedisiwa mo akhaontong ya dibuka ya phuthego. Go fitlhelela dibolumo tseno di nna gone di bo di romelwa, di tla tlhagelela go “Will Send Later” (“Li Tla Romeloa Moraho”) mo ditshupamolatong tsa phuthego. Diphuthego tseo di nang le tlhaelo mo akhaontong ya tsone ya dibuka di tshwanetse tsa romela madi le diotoro tsa tsone. Dibolumo ke dilwana tse di laolwang tsa setoko mme di tla duedisiwa R15,50 e le nngwe ke phuthego, batho botlhe, le babulatsela.

● Dibuka Tse Disha Tse Di Gone:

Life—How Did It Get Here? By Evolution or by Creation? (E nnye)—Sepotokisi