Dikitsiso

● Mpho ya buka ya June: Matsapa A A Tserweng ke Motho go Batla Modimo ka moneelo wa R3,75. July le August: Epe fela ya diborouts̆hara tse di latelang tse di nang le ditsebe di le 32 ka moneelo wa disente di le 75 e le nngwe: A O Tshwanetse Wa Dumela Tharonngwe?, Leina la Modimo Leo Le Tla Nnelang Ruri, “Bōnañ, Dilō Cotlhe Ke Di Diha Sesha,” le Itumelele Botshelo mo Lefatsheng ka Bosakhutleng! September: O Ka Tshelela Ruri mo Lefatsheng la Paradaise ka moneelo wa R7,50. Dibuka tse dipotlana ke R3,75.

● Molebedi yo o okamelang kana mongwe yo o abetsweng ke ene o tshwanetse go tlhatlhoba diakhaonto tsa phuthego ka June 1 kana ka bonako jo bo ka kgonegang morago ga foo.

● Dibokose tsa meneelo mo Holong ya Bogosi di tshwanetse tsa tshwaiwa ka tsela e e bonalang. Fa lo ntsha meneelo, tlhomamisang gore e tsenngwe mo dibokoseng tse di tshwanetseng—la Letlole la Kago ya Lekala, la Letlole la Mokgatlho la Diholo tsa Bogosi, la dilo tseo di tla tlhokwang ke phuthego ya lefelo la lona. Bagolwane ba ka nna ba fitlhela go le molemo go dira dikitsiso jaaka fa di tlhokega mo ntlheng eno. Ga go a tshwanela gore ope a fetole meneelo eo e neetsweng mo dibokoseng tse di farologaneng. Ke boikarabelo jwa motho mongwe le mongwe gore a bontshe boikaelelo jwa moneelo mongwe le mongwe ka go o tsenya mo lebokosong le le tshwanetseng la moneelo.

● Go balebadi ba ba okamelang: Re lo kopa gore lo romele maitemogelo ape a a tlhomologileng ao phuthego ya lona e nnileng le one mo ngwageng, go akaretsa le maitemogelo a tirelo ya bobulatsela jo bo thusang le a letsatsi la dimakasine, la April 6, 1991. Re batla go tlhopha a a molemo go gaisa ao a tswang mo tshimong ya rona gore re a tsenye mo pegong ya rona ya ngwaga le ngwaga. Tsweetswee a romeleng pele ga July 1, 1991.

● TLHOKOMEDISO GO BAKWALEDI BOTLHE BA PHUTHEGO LE BATLHANKA BA DIMAKASINE: Tsweetswee tlhokomelang gore diotoro tsotlhe tse di dirilweng mo foromong ya Otoro ya Tse Di Abiwang (M-AB-202-TN), go akaretsa le diotoro tse di kgethegileng le diotoro tse di romelwang le madi, di tshwanetse tsa bo di le ka dipalo tse di kgonang go atisiwa ka tlhano, go ya ka ditaelo tseo di neng tsa ntshiwa go Watch Tower Cost List Instructions, tsebe 13, serapa 40.

● TALETSO: Re laletsa malapa le bagolwane ba ba tshwanelegang gore ba nne gone kwa Dikopanong tse di latelang tsa Kgaolo tsa “Batho Ba Ba Ratang Kgololesego”:

Lebowa-Kgomo: Go tla bo go na le thulaganyo e e feletseng ya Sepedi le dipolelo dingwe ka Sevenda. Bagolwane ba ba buang Sevenda ba kopiwa gore ba nne gone.

Thulamahashe: Bagolwane ba ba buang Setsonga ba lalediwa go nna gone.

Bagolwane bao ba eletsang go nna gone mo go epe ya dikopano tseno ba tshwanetse ba kwalela Mokgatlho mme ba neele Komiti ya Phuthego ya Tirelo makwalo a bone gore ba le saene. Makwalo ano a tshwanetse a goroga kwa go rona pele ga July 1, 1991.

● Dibuka Tse Disha Tse Di Gone:

“All Scripture Is Inspired of God and Beneficial” Tokololo ya 1990 (phuthego le batho botlhe: R8,00; babulatsela: R5,20)—Segerika, Sepotokisi, Sesotho, Sezulu

● Tse Di Gone Gape mo Afrika Borwa:

“Go Lotolotsa mo Dikwalong ka Malatsi Otlhe”—1991—Seesemane