Dipokano go re Thusa go Dira Barutwa
BEKE E E SIMOLOLANG KA AUGUST 5
Pina 165
10 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Akantsha tsela e le nngwe kana di le pedi tsa go buelela makasine tseo di ka tshwanelang tshimo ya lona, mme o kgothaletse baboledi botlhe gore ba tswele mo tirelong ya tshimo mo mafelobekeng ano. Tlang le buka ya Go Fetolana mo Pokanong ya Tirelo ya beke e e tlang.
20 mets: “Baka Leina la Modimo ka Botlalo.” Motlotlo ka dipotso le dikarabo. Konela ka pontsho e e baakanyeditsweng sentle eo e bontshang kafa go ka dirisiwang Setlhogo sa Motlotlo sa kgwedi eno ka gone. Dira gore e tshwanele maemo a lefelo la lona. Fa a sena go ikitsise sentle, mmoledi a ka re: “Gompieno re tlotla le baagelani ba rona kaga tlhokafalo ya go nna le pono e e siameng ka isagwe. Baeteledipele ba lefatshe ba bua kgapetsakgapetsa kaga dithulaganyo tsa bone tsa go tlisa lefatshe le lesha. Ditsholofelo tsa bone di theilwe mo go eng? A o dumela gore batho ba ka kgona go tlisa lefatshe le le botoka? [Letela karabo.] Moperofeti Jeremia o ne a bolela sengwe kaga seo jaaka fa go kwadilwe mo go Yeremia 10:23. [E bale.] Re ka nna le pono e e siameng kaga isagwe fela ka gonne re ithutile kaga tsholofetso eo Modimo a e dirileng ka boene. Mme tsholofetso ya gagwe e tla diragala tota. Moaposetoloi Petere o ne a kwala jaana. [Bala 2 Petere 3:13.] Bona kafa tsholofetso eno e e tlhomameng ya Modimo e bontshiwang ka gone mo boroutšhareng eno.” Go tswa foo mmoledi o bontsha mong wa ntlo tshedimosetso e e tshwanelang mo boroutšhareng e e tsamaisiwang.
15 mets: “Go Jala le go Nosetsa—Dikgato Tse di Gogelang kwa go Direng Barutwa.” Tlotla le bareetsi dirapa 1-9 tsa tsenyeletso, tsebe 3. Fa lo tlotla ka dirapa 7-9, dira gore tshedimosetso e tshwanele lefelo la lona ka go dirisa dipotsolotso tse dikhutshwane thata ka baboledi bao ba ileng ba kgona go dira seo se umakiwang kana maitemogelo a lefelo la lona ao a bontshang dintlha tse di tlhagisitsweng. Tlhomamisa gore maitemogelo ao kana dipotsolotso di nna dikhutshwane ebile di opa kgomo lonaka.
Pina 130 le thapelo e e konelang.
BEKE E E SIMOLOLANG KA AUGUST 12
Pina 72
10 mets: Dikitsiso tsa lefelo la lona. Pego ya tsa madi. Balela phuthego mafoko a a tswang kwa Mokgatlhong a a bontshang gore go amogetswe meneelo e e rometsweng ebile a bontsha fa a anaanelwa. Gape, akgolela phuthego go bo e ema nokeng ditlhokafalo tsa phuthego ya lona. Kgothaletsa gore go tsewe karolo mo tirelong ya tshimo ya mafelobeke le ka dinako tse dingwe fa go na le dithulaganyo tsa go neela bosupi ka ditlhopha.
15 mets: “Dirang ka Moya Otlhe mo Bodiheding jwa Tshimo—Karolo 2.” Puo e e kgothatsang ebile e laya eo e akaretsang tshedimosetso e e fa tlase ga setlhogo mme e tlhalosa go dirisiwa ga buka ya Go Fetolana. Ga go tlhokafale go dira gore ba bangwe ba tlhalose dintlha tse di umakilweng, mme sebui se ka bontsha ka motlhofo fela gore tshedimosetso e ka bonwa jang ya bo ya dirisiwa jang go tswa mo sedirisiweng seno se se molemo sa tirelo ya tshimo. Ka bokhutshwane bontsha mosola wa dithulaganyo tsa go ikatisa fa go ipaakanyediwa bodihedi jwa tshimo. Fa nako e letla, o ka laletsa mmoledi gore a tlhalose gore o dira seno jang.
20 mets: “Go Jala le go Nosetsa—Dikgato Tse Di Gogelang kwa go Direng Barutwa.” Morago ga ketapele e khutshwane eo e tsenyeletsang tshedimosetso eo e akareditsweng beke e e fetileng, dira poeletso ya dipotso le dikarabo ya dirapa 10-20 tsa tsenyeletso, ditsebe 3 le 4. Baboledi bangwe ba ka nna ba bo ba ka anela kafa ba ileng ba tokafatsa bodihedi jwa bone ka gone le go simolola dithuto tsa Bibela ba dirisa dikakantsho tse di mo ditokololong tse di fetileng tsa Tirelo ya Rona ya Bogosi.
Pina 48 le thapelo e e konelang.
BEKE E E SIMOLOLANG KA AUGUST 19
Pina 174
10 mets: Dikitsiso tsa lefelo la lona. Dikgang tsa Bolegodimo. “Go Dira ka Natla mo go Direng Thato ya Modimo.” Kgothaletsa bakaulengwe gore ba dire dithulaganyo go sale gale tsa go nna gone kwa thulaganyong ya letsatsi la kopano e e kgethegileng ya 1992. Itsise letlha le lefelo fa e le gore di setse di itsewe. Fa nako e letla, akantsha gore ke ditlhogo dife mo ditokololong tsa bosheng tsa dimakasine tseo di ka tshwanelang go gaisa gore di neelwe ka ntlo le ntlo mo mafelobekeng ano.
20 mets: “Go Neela Mafoko A A Molemo—Mo Tshimong Eo E Berekiwang Kgapetsakgapetsa.” Dipotso le dikarabo. Bontsha kafa tshedimosetso e amang lefelo la lona ka gone kana o e dire gore e tshwanele ditlhokafalo tsa phuthego.
15 mets: “Thulaganyo ya Thuto ya Buka ya Phuthego—Karolo 2” Polelo e e kgothatsang ka motshwari wa thuto ya buka yo o nang le bokgoni.
Pina 25 le thapelo e e konelang.
BEKE E E SIMOLOLANG KA AUGUST 26
Pina 134
15 mets: Dikitsiso tsa lefelo la lona. Tlhalosa ka botlalo dithulaganyo tsa tirelo ya tshimo tsa phuthego le seo se dirwang go kgothatsa le go thusa baboledi ba babulatsela. Lebisa tlhokomelo e e kgethegileng go ditlhokafalo tsa bao ba ka nnang ba simolola tirelo ya bone ya bobulatsela ka September 1. Bega ka seo se diragalang malebana le tlhabano ya tshimo e e sa abiwang. Itsise phuthego kaga dithulaganyo tsa September mme o kgothaletse botlhe gore ba bereke tshimo e e sa abiwang bobotlana mafelobeke a le mangwe ka kgwedi. Kgothaletsa gore go nniwe le seabe mo tirelong ya tshimo mo mafelobekeng ano, mme o gakolole baboledi gore ba tseye dibuka tsa Tshelela Ruri go tla ba di dirisa mo tirelong ya tshimo go simolola ka Sontaga, September 1.
15 mets: Ditlhokafalo tsa lefelo la lona. O ka dirisa tshedimosetso e e mo ditlhogong tse di simololang tsa Tsogang! ya June 8, 1991 gore e nne motheo wa polelo kana motlotlo ka kgang ya go seba.
15 mets: Letlole la Dipotso. Motlotlo wa dipotso le dikarabo. Gatelela masego ao a nnang gone ka ntlha ya go latela dikakantsho tsa bolegodimo.
Pina 16 le thapelo e e konelang.