Dipokano Tsa Tirelo ka February
Beke E E Simololang ka February 1
Pina 171
10 mets: Dikitsiso tsa phuthego ya lona le Dikitsiso tse di tswang go Tirelo ya Rona ya Bogosi. Dira pontsho ka neelano ya dimakasine tsa ditokololo tsa bosheng.
20 mets: “Go Dirisanammogo le Motshwari Wa Thuto ya Buka ya Phuthego Wa Rona.” Dipotso le dikarabo. Itsise phuthego ka palo ya baboledi le gore ke ba le kae ba bone ba ba tswelang mo tshimong ka metlha. Kgothaletsa mmoledi mongwe le mongwe ka botsalano gore a itirele mokgele wa go nna le seabe mo tshimong ka metlha BEKE LE BEKE, mme a bo a bega tirelo eo ka bonako jo bo ka kgonegang mo bofelong jwa kgwedi nngwe le nngwe a bo a tsenya pego mo lebokosong la dipego le ba le baakanyeditsweng.
15 mets: “Dipuisano Tse Di Motlhofo le Tse Di Atlegang.” Tlotla le bareetsi. Fa lo sekaseka serapa sa 3, dira pontsho o bontsha kafa mmoledi a tsamaisang buka ya Tshelela Ruri ka gone. Mong wa ntlo o tshwanetse a bontsha kgatlhego fela. Fa lo tlotla ka serapa sa 5, dira pontsho ya kafa mmoledi a dirisang ka gone pampitshana koo mong wa ntlo a ganneng go tsaya mpho ya buka gone.
Pina 215 le thapelo e e konelang.
Beke E E Simololang ka February 8
Pina 126
10 mets: Dikitsiso tsa phuthego ya lona. Tlotla ka dintlha tse di ka buelelwang tse di tswang mo dimakasineng tsa bosheng. Kgothaletsa botlhe go nna le seabe mo tirelong ya tshimo mo mafelobekeng ano.
15 mets: “Ditiragalo Tse Di Kgethegileng ka March le April.” Motlotlo ka molebedi wa tirelo. Itsise phuthego ka palo ya babulatsela ba ba thusang bao dikopo tsa bone di amogetsweng gore ba tla bula tsela ka March. Lefa go le jalo go sa ntse go na le nako ya go ikwadisa. O ka nna a botsolotsa bangwe bao ba neng ba bula tsela ka April ngogola. Ba ile ba iponela melemo efe? A ba na le maitemogelo mangwe a a botlhokwa? A ba rulaganyetsa gore ba nne le seabe gape monongwaga? Bolela palo ya bao ba tla bong ba tsere bobulatsela jo bo thusang ka April, bao lo setseng lo na le bone. Dira gore botlhe ba tlhagafalele go tla ga letsatsi le le kgethegileng la dimakasine la April 3.
20 mets: “Tshwara Dithuto tsa Bibela Ka Buka ya Tshelela Ruri.” Motlotlo wa dipotso le dikarabo. Fa lo sena go sekaseka serapa sa 6, dira pontsho ya kafa mosha a ka tsamaisang buka ya Tshelela Ruri le kafa a ka simololang ka gone thuto ya Bibela ka yone. Bolela ka maitemogelo ape a basha ba ba mo phuthegong ya lona bao ba ileng ba kgona go simolola dithuto.
Pina 53 le thapelo e e konelang.
Beke E E Simololang ka February 15
Pina 143
10 mets: Dikitsiso tsa phuthego ya lona. Pego ya tsa madi. Bolela gore Mokgatlho o itumeletse meneelo e e rometsweng, mme o akgolele phuthego go bo ka boikanyego e tshegetsa phuthego ya lefelo la lona ka dilo tse di tlhokegang. Kgothaletsa botlhe gore ba tseye karolo mo tirong ya tshimo mo mafelobekeng ano.
20 mets: ‘Lo Ba Rute . . . Dilo Tse Ke Di Lo Laoletseng.’ E sekasekiwa le bareetsi ka dipotso le dikarabo. Fa lo tlotla ka serapa sa 4 le sa 5, bontsha dikai tse dingwe tsa ditemana le dikgatiso tseo di tshwanelang maemo a phuthego ya lona. Dira pontsho e e baakanyeditsweng sentle e e bontshang kafa o ka fetelang ka gone mo go lebiseng go nngwe ya dipampitshana morago ga mafoko a gago a ketapele. Fa nako e letla bala serapa se le sengwe fela kana di le pedi mo pampitshaneng eo. Kgothaletsa botlhe go tswelela pele ba le pelotelele mo go lekeng go simolola dithuto tse disha tsa Bibela.
15 mets: “Ga Se Ba Ba Bapalang Ka Lefoko la Modimo.” Puo ka molebedi yo o okamelang kana mogolwane ope fela eo e tswang go Tora ya Tebelo ya December 1, 1992, ditsebe 26-9. Akgolela bakaulengwe go bo ba na le seabe mo go tshegetseng tiro ya Mokgatlho ya lefatshe ka bophara mmogo le phuthego ya lefelo la lona. Gape o ka nna a umaka se phuthego e se dirang mabapi le go tshegetsa Letlole la Mokgatlho la Diholo tsa Bogosi le ditiro dipe tsa kago tse di ka tswang di le teng mo phuthegong ya lona gompieno.
Pina 181 le thapelo e e konelang.
Beke E E Simololang ka February 22
Pina 150
10 mets: Dikitsiso tsa phuthego ya lona. Dikgang tsa Bolegodimo. Boeletsa le phuthego dithulaganyo tse di kgethegileng tse di dirilweng tsa March le April. Itsise ka palo ya bao ba tla bong ba tseneletse bobulatsela jo bo thusang ka March le ka palo e e setseng e ikwadiseditse go bula tsela ka April. Akgola phuthego ka botsalano ka tshegetso ya yone e e molemo mo tirong ya go rera.
20 mets: “Go Bontsha Gore Re Anaanela Thekololo.” Puo ka mogolwane.
15 mets: Dilo tse di tlhokegang mo phuthegong ya lona kana puo e e tshwanelang e e theilweng mo tshedimosetsong e e go Tora ya Tebelo ya October 1, 1992, ya setlhogo se se reng “Ithute go Nna Kutlo Ka go Amogela Kgalemelo.” Bontsha kafa batlhanka botlhe ba ga Jehofa—bannye le bagolo—ba amogelang kgalemelo ka gone, mme o tlotle ka melemo e e nnang gone fa motho a leba go nna kutlo ka tsela e e siameng.
Pina 211 le thapelo e e konelang.