Dipokano Tsa Tirelo ka April

Beke E E Simololang ka April 4

Pina 16

10 mets: Dikitsiso tsa phuthego ya lona le Dikitsiso tse di tswang go Tirelo ya Rona ya Bogosi. Tlotla ka dithulaganyo tsa phuthego tsa Letsatsi la Dimakasine le le kgethegileng ka Matlhatso, April 9. Sekaseka dintlha tsa konokono mo lekwalong la February 15, 1994. Kgothaletsa baboledi gore ba ye go tsaya dimakasine tsa bone. Gakolola botlhe ka puo e e kgethegileng ka April 10. Go tshwanetse ga dirwa maiteko a a kgethegileng go thusa batho ba basha gore ba nne teng.

15 mets: “Tora ya Tebelo le Tsogang!—Makwalopaka A Boammaaruri.” Dipotso le dikarabo. Dira gore bareetsi ba bolele ka ditsela tse ba di dirisitseng gore ba kgone go oketsa dimakasine tse ba di tsamaisang. Fa nako e letla dira gore ba bangwe ba anele maitemogelo mangwe.

20 mets: “Tsamaisa Dimakasine Tse Di Molemo go Gaisa Tsotlhe mo Lefatsheng.” Tlotla ka setlhogo seno le bareetsi, o gatelela mesola e e kgethegileng ya dimakasine. Fa lo sekaseka serapa sa 2, kopa mmoledi yo o nang le katlego gore a tlhalose ka moo o ka kgonang ka teng go itse se se leng mo go tsone le ka moo o ka baakanyetsang ka gone se o tla se buang. Rulaganya gore go nne le dipontsho tse pedi tse di tla supang ditsela tse ditokololo tsa April 1 le 15 di ka tsamaisiwang ka gone. Konela ka go neela dikakantsho ka ditlhogo tse di ka dirisiwang go buelela ditokololo tsa bosheng tsa Tsogang!

Pina 69 le thapelo e e konelang.

Beke E E Simololang ka April 11

Pina 80

10 mets: Dikitsiso tsa phuthego ya lona. Tlotla ka dintlha tsa konokono tsa Letlole la Dipotso.

15 mets: “Pokano ya Tirelo E Re Etleeletsa Tiro Nngwe le Nngwe E E Molemo.” Dipotso le dikarabo. Dira pontsho e e bontshang ka moo lelapa le baakanyetsang dipokano ka teng; gatelela botlhokwa jwa (1) go baakanyetsa go sa le gale, (2) go reetsa ka kelotlhoko, le (3) go nna le seabe.

20 mets: “Direla Jehofa O Sa Iteege Tsebe.” Tsenyeletso. Dipotso le dikarabo. Sekaseka dirapa 1 go ya go 6.

Pina 90 le thapelo e e konelang.

Beke e e Simololang ka April 18

Pina 100

10 mets: Dikitsiso tsa phuthego ya lona. Bala dipego tsa diakhaonto le meneelo epe e Mokgatlho o e lebogelang.

15 mets: “Boela kwa O Tsamaisitseng Dimakasine Gone.” Tlotla le bareetsi. Dira gore batho ba akgele gore ke ka ntlha yang go le botlhokwa gore o itse sentle se se mo teng ga dimakasine le lebaka la go bo o tshwanetse go sekaseka ka kelotlhoko tsela e mong wa ntlo a neng a arabetse ka teng mo nakong e e fetileng gore o tle o itse gore ke tsela efe e e molemo e o ka simololang ka yone. Fa nako e letla, dira gore baboledi ba ba nang le bokgoni ba dire pontsho ba dirisa dipuisano tse di akantshitsweng.

20 mets: “Direla Jehofa O Sa Iteege Tsebe.” Tsenyeletso. Dipotso le dikarabo. Sekaseka dirapa 7 go ya go 12.

Pina 51 le thapelo e e konelang.

Beke E E Simololang ka April 25

Pina 70

15 mets: Dikitsiso tsa phuthego ya lona. Dikgang tsa Puso ya Modimo. “Thuso ya go Fenya Mathata A Letsatsi le Letsatsi.” Kgothaletsa baboledi gore ba nne le seabe ka botlalo mo tirelong ya tshimo mo mafelobekeng ano a bofelo a April mme ba tlhomamise gore ba tlisa dipego tsa bone tsa tirelo ya tshimo mo bofelong jwa kgwedi. Re ikaeletse go fitlhelela tlhora e ntšha ya baboledi ka April mme re tla anaanela tirisano mmogo ya lona thata gore re tle re fitlhelele mokgele ono.

13 mets: Tumelo. E thailwe mo bukeng ya Go Fetolana, ditsebe 435-8. Motlotlo gare ga mogolwane le setlhopha sa basha. Mogolwane o tlotla ka ntlha e e tlhalosang gore tumelo ke eng, morago ga moo o botsa setlhopha dipotso. Ke ka ntlha yang fa batho ba le bantsi ba se na tumelo? Tumelo ya rona e thailwe mo godimo ga eng? Re ka boloka jang tumelo e e nonofileng? Re ka bontsha jang tumelo e e ntseng jalo? Mogolwane o konela ka go akgola le go kgothatsa setlhopha seno.

17 mets: “Bophepa Bo Tlotla Modimo.” Mogolwane o tlotla ka setlhogo seno le bareetsi. Konela ka puo e khutshwane e e sekasekang kgakololo e e neelwang go Tora ya Tebelo ya June 1, 1989, ditsebe 15-20.

Pina 75 le thapelo e e konelang.