A Dinako Tsa Dipokano Tsa Lona di Tla Fetoga?

Fa diphuthego di le mmalwa tse di dirisang Holo e le nngwe ya Bogosi di dumalana go refosana kana go fetola dinako tsa dipokano, seno se tshwanetse sa dirwa ka masimologo a January. Fa go na le tirisanommogo mo thulaganyong eno seno se tla bo se supa gore re a ratana e bile re a akanyetsana. Gantsi fa nako ya dipokano e fetolwa go solegelwa lona molemo, go dira gore go nne motlhofo go nna teng kwa dipokanong.

Mo letlhakoreng le lengwe, diphetogo tse di tla dirwang monongwaga di ka tswa di sa dumalane le dithulaganyo tsa gago. Go tla tlhokega gore o fetole tsela e e ka tswang e sa tlhomama e o tlwaetseng go dira dilo ka yone. Fa mongwe le mongwe a iketleeditse go dirisana mmogo le ba bangwe, seo se tla bo se supa gore re anaanela thulaganyo yotlhe e e dirilweng e e tla dirang gore mongwe le mongwe a solegelwe molemo.

Gone mme, o ka nna wa itumela fa nako ya dipokano e fetolwa gape mo nakong e e tlang. Gone jaanong, o kgothadiwa gore o dire diphetogo tse di tlhokegang ka namana gore o tle o nne teng mo dipokanong tsotlhe tsa thulaganyo e phuthego e e rulagantseng. Leka ka metlha go nna le pono e e tshwanang le ya mopesalema Dafite yo a neng a bolela jaana: “E rile ba nthaya ba re: ‘A re yeng kwa ntlong ya ga Jehofa,’ ka itumela.”—Pes. 122:1.