Dipokano Tsa Tirelo Tsa June
Beke E E Simololang ka June 5
Pina 7
10 mets: Dikitsiso tsa phuthego ya lona le Dikitsiso tse di tlhophilweng go tswa go Tirelo ya Rona ya Bogosi. Tlhalosa ka ditiro tse di tla tlogang di dirwa; gakolola botlhe gore ba nne matlhagatlhaga mo tirelong, go tla dipokanong, le go tlisa dipego tsa bone. Fa nako e letla, dira pontsho e le nngwe kana di le pedi tse dikhutshwane tsa dimakasine tse di ka dirisiwang mo tirelong ya tshimo mo bekeng eno.
15 mets: “Jehofa o Naya Nonofo.” Dipotso le dikarabo. Anela maitemogelo a a go Tora ya Tebelo ya February 1, 1992, tsebe 32.
20 mets: “Jehofa ke Mmopi wa Rona.” Tlotla le bareetsi. Dira dipontsho tse pedi tse di bontshang kafa dipuisano tse di akantshitsweng di ka dirisiwang ka gone. Akaretsa dikakantsho tse dikhutshwane tsa kafa go ka dirwang loeto lwa go boela ka gone koo go tsamaisitsweng pampitshana ya Dikgang Tsa Bogosi ka nako ya fa e ne e anamisiwa ka April le May.
Pina 17 le thapelo e e konelang.
Beke E E Simololang ka June 12
Pina 221
10 mets: Dikitsiso tsa phuthego ya lona. Dikgang Tsa Puso ya Modimo. Pego ya diakhaonto.
17 mets: “Keresete Sekao sa Basha.” Dipotso le dikarabo. Akaretsa le dikakgelo tse di tswang go Tora ya Tebelo ya September 1, 1986, ditsebe 4-6.
18 mets: “Thusang ba ba Senang Tumelo.” Motshwari wa Thuto ya Buka ya Phuthego o sekaseka setlhogo seno le baboledi ba le babedi kana ba le bararo mme morago ga foo o tlhalosa kafa tshedimosetso eno e ka dirisiwang ka gone. Ba ithapisa ka go supetsana dipuisano tseo ka dipontsho.
Pina 122 le thapelo e e konelang.
Beke E E Simololang ka June 19
Pina 80
12 mets: Dikitsiso tsa phuthego ya lona. Tlotla ka bokhutshwane kafa go leng botlhokwa ka gone go dira maeto a go boela. Re dira karolo e kgolo ya tiro ya rona ya go ruta fa re boa go ya go tsosa kgatlhego. Ke batho ba sekae fela ba ba kgonang go gatela pele semoyeng ka go dirisa dikgatiso fela. Fa re palelwa ke go boela, re latlhegelwa ke tshono ya rona e e molemolemo ya go ba thusa. Maeto a go boela a dira gore go nne le dithuto tsa Baebele. Baboledi ba le bantsi ba ile ba nna le matswela a mantle thata ka go boela letsatsi kana a le mabedi go na le gore ba lete beke yotlhe.—Bona buka ya Bodihedi Jwa Rona, ditsebe 88-9.
18 mets: Go Akgola Batho ba Bangwe. Puo ka mogolwane e theilwe go Tora ya Tebelo ya December 1, 1994, ditsebe 28-30. Gatelela botlhokwa jwa go tlotla batho ba bangwe mo phuthegong le go amega ka bone ka lorato.
15 mets: “Dirisa Nako ya Gago Sentle.” Dipotso le dikarabo. Malebana le nako e e senngwang go lebeletswe thelebishene, boeletsa dikakantsho tse di kafa tlase ga setlhogwana se se reng “Go E Laola,” mo tsebeng 25 ya Tsogang! ya June 8 1991.
Pina 208 le thapelo e e konelang.
Beke E E Simololang ka June 26
Pina 75
15 mets: Dikitsiso tsa phuthego ya lona. Di tshwanetse go neelwa ke mogolwane. Tlhalosa dithulaganyo tsa phuthego malebana le letsholo la tshimo e e sa abiwang. Tlotla ka botlhokwa jwa go tsenya dipego mo teng ga lebokoso la Dipego Tsa Tirelo ya Tshimo ka bonako fela fa kgwedi e sena go fela. Re ikaeletse go fitlhelela tlhora e ntšha ya baboledi pele ga bofelo jwa ngwaga wa tirelo. E re ka go bega ka metlha e le bothata mo tshimong ya rona, re tla itumela thata fa mmoledi mongwe le mongwe a dirisana mmogo mo ntlheng eno. Mokwaledi le batshwari ba thuto ya buka ba tshwanetse go nna ba gakolola batho ba ba iseng ba bege gore ba dire jalo ka bonako. Itsise phuthego gore go na le bana ba ba kae ba ba tsenang sekolo le batho ba ba sa tswang go kopanela ba ba iseng ba nne baboledi. Tlotla ka gore batsadi le baboledi ba ba nang le maitemogelo ba ka dira eng gore ba thuse batho bano gore ba emele boammaaruri le gore ba tshwanelege go nna baboledi ba ba sa kolobediwang. Bagolwane le batlhanka ba bodiredi ba tshwanetse gore ba kgatlhegele batho bano thata, segolobogolo kwa thutong ya buka mme ba ba thuse kgato ka kgato gore ba gatele pele mo boammaaruring.
15 mets: Letlole la Dipotso. E tla tshwarwa ka dipotso le dikarabo ke motshwari wa Thuto ya Tora ya Tebelo. Dira dikakgelo tse di oketsegileng tse di theilweng go Buka ya Kaelo ya Sekolo, ditsebe 91-2.
15 mets: Tlhalosa gore ke dikgatiso dife tse di tla tsamaisiwang ka July. Tlotla ka dintlha tse di tlhomologileng tsa diboroutšhara tse di leng teng mo setokong sa phuthego. Dira gore baboledi ba dire dipontsho tse dikhutshwane tse di bontshang ka moo di ka tsamaisiwang ka teng kwa matlong. Dikai: A Ruriruri Modimo O Amega Ka Rona? (Bula ditsebe 26-7, o tlhalose ditshwantsho mme o tlotle ka lengwe la dikwalo tse di buang ka Paradaise e e tlang.) Fa Mongwe Yo O Mo Ratang A Tlhokafala. (Mmontshe dipotso tse di mo tsebeng 2, mme morago ga foo o bo o akgela ka ntlha kana di le pedi tse di gomotsang tse di tswang mo Dikwalong tse di mo tsebeng 31.) Lebaka La Go Bo Botshelo Bo Le Gone Ke Lefe—O ka Le Bona Jang? (Bula ditsebe 30-1, sekaseka nngwe ya dikwalo tse di nopotsweng moo, mme o tlotle ka setshwantsho seo.) Itsise phuthego gore ke diboroutšhara dife tse di santseng di le mo setokong.
Pina 225 le thapelo e e konelang.