Lebokoso la Dipotso

◼ Leina la Basupi ba ga Jehofa le tshwanetse go kwalwa jang mo bukeng ya founo ya lefelo la rona?

Re tlhokometse gore go na le ditsela tse dintsi tse di farologaneng tse leina la Basupi ba ga Jehofa le kwalwang ka gone mo dibukeng tsa founo. Tse dingwe tsa tsone di tlhakanya motho tlhogo tota, mme tse dingwe ga di ntshe tshedimosetso e e lekaneng. Go botlhokwa gore re kwale leina ka tsela e e tlhalosang sentle mo bukeng ya founo gore batho ba ba kgatlhegang le bakaulengwe ba rona ba kgone go ikgolaganya le phuthego ya lefelo leo.

Go akantshiwa gore go kwalwe jaana: Jehovah’s Witnesses, (Toropo kana Motse), morago ga foo go kwalwe aterese ya Holo ya Bogosi le nomoro ya founo.

Mo ditoropong tse go nang le diphuthego tse di fetang e le nngwe, re akantsha gore go kwalwe ka tsela e e latelang: Jehovah’s Witnesses, (Toropo), morago ga foo go bo go kwalwa maina ka tsela e di latelanang ka teng ka dialefabete tsa one, aterese ya Holo ya Bogosi, le nomoro ya founo ya phuthego nngwe le nngwe ya lefelo leo.