Dipokano Tsa Tirelo Tsa August
Beke e e Simololang ka August 4
Pina 16
7 mets: Dikitsiso tsa phuthego ya lona. Dikitsiso tse di tlhophilweng go Tirelo ya Rona ya Bogosi. Akgela ka pego ya tirelo ya tshimo ya kgwedi le kgwedi ya naga yotlhe le ya phuthego ya lona.
13 mets: “Dipokano di Tlhotlheletsa Ditirong Tse di Molemo.” Dipotso le dikarabo. Bontsha melemo ya go tlotla ka tsela e e agang pele le morago ga dipokano.—Bona Buka ya Kaelo ya Sekolo, tsebe 82, dirapa 17-18.
25 mets: “Ikanye Jehofa Gore a Godise.” Puo le dipontsho. Gatelela botlhokwa jwa go dira maeto a go boela kwa go tsamaisitsweng diboroutšhara gone. Dira gore go nne le dipontsho tse pedi tse di baakanyeditsweng sentle tse di bontshang tsela ya go simolola dithuto. Akaretsa dikakantsho tse di tswang mo tsenyeletsong ya Tirelo ya Rona ya Bogosi ya March 1997, dirapa 7-11.
Pina 78 le thapelo e e konelang.
Beke e e Simololang ka August 11
Pina 20
10 mets: Dikitsiso tsa phuthego ya lona. Pego ya diakhaonto. Dikgang Tsa Puso ya Modimo.
15 mets: “Ba ba Godileng ba Rera ba sa Kgaotse.” Dipotso le dikarabo. Akaretsa maitemogelo ka ga mmèmogolo yo o godileng yo o neng a nna mmulatsela yo o thusang, go tswa go Tora ya Tebelo ya July 1, 1988, tsebe 13.
20 mets: “Go Agiwa ga Diholo Tsa Bogosi mo Afrika Borwa le mo Dinageng Tse di Mabapi.” Dipotso le dikarabo.
Pina 71 le thapelo e e konelang.
Beke e e Simololang ka August 18
Pina 14
10 mets: Dikitsiso tsa phuthego ya lona. Sekaseka “Thulaganyo e Ntšha ya Kopano e e Kgethegileng ya Letsatsi le le Lengwe.”
20 mets: Go Senka Boitlosobodutu jo bo Molemo. Mogolwane yo o tshwanelegang o tlotla ka Tsogang! ya June 8, 1997, ditsebe 17-24, a bontsha kafa e ka dirisiwang ka teng mo phuthegong ya bone. Thusa batsadi le ba basha go lemoga dikotsi tse di amanang le boitlosobodutu jwa lefatshe le gore batsadi ba tlhoka go tlhokomela bana ba bone ka tsela e e siameng. Go begwa gore mo ditoropong dingwe tse dikgolo, batho ba basha ba ile ba dira maano a gore ba ye kwa di-night club batsadi ba bone ba sa itse. Mo maemong a mangwe diphelelo e ne ya nna tse di utlwisang botlhoko. Kgothaletsa batsadi go naya bana ba bone boitlosobodutu jo bo siameng ba latela dikakantsho tse di go tsebe 22-4 tsa setlhogo se se umakilweng fa godimo.
15 mets: Dira Maeto a go Boela o Dirisa Boroutšhara Jwa Fa Mongwe Yo o Mo Ratang a Tlhokafala. Bontsha kafa go ka bodiwang potso ka teng go bo go lebisiwa mo boroutšhareng go bona karabo. Ka sekai, boroutšhara jono bo arabela dipotso tse di latelang: A go na le tsholofelo epe ka baswi? (Ditsebe 5-6) A go phoso go hutsafala? (Ditsebe 8-9) Motho a ka dirisana jang le go hutsafala? (Tsebe 18) Ba bangwe ba ka thusa jang? (Ditsebe 20-3) Bana ba ka thusiwa jang go tlhaloganya loso? (Tsebe 25) Baebele e gomotsa jang? (Tsebe 27) Morago ga moo, tlotla ka bokhutshwane le baboledi ba le babedi ba ba nang le bokgoni ka tsela e ba ileng ba dirisa boroutšhara jono mo maetong a go boela go araba dipotso tse gantsi di bodiwang ka ga baswi.
Pina 94 le thapelo e e konelang.
Beke e e Simololang ka August 25
Pina 23
10 mets: Dikitsiso tsa phuthego ya lona. Itsise ka ga kgatelopele e e dirilweng kwa tshimong e e sa abiwang. Itsise phuthego ka dithulaganyo tsa September. Botsolotsa a le mongwe kana ba le babedi ba ba ileng ba atlega go fitlhela jaanong. Gakolola baboledi go tlisa dipego tsa bone tsa tirelo ya tshimo tsa August ka bonako. Mokwaledi le batshwari ba dithuto tsa buka ba tshwanetse go bona gore dipego tsotlhe tsa tirelo ya tshimo tse di setseng kwa morago tsa ngwaga wa tirelo wa 1997 di tlisiwe.
15 mets: “Iponele Molemo o Mogolo mo Sekolong.” Rre o tlotla ka setlhogo seno le bana ba gagwe, a akaretsa dintlha tse di thusang go tswa go Tsogang! ya January 8, 1996, ditsebe 23-7.
20 mets: Rera ka Maikaelelo. Mogolwane le motlhanka wa bodiredi a le mongwe kana ba le babedi ba sekaseka buka ya Bodihedi jwa Rona, ditsebe 8-12. Tlhoma mogopolo mo lebakeng le le re patelelang la go bo re tshwanetse go nna le boikutlo jo bo siameng jwa go batla go gatela pele mo bodireding jwa rona le go dirisana mmogo le phuthego ka metlha.
Pina 100 le thapelo e e konelang.