Dikitsiso
◼ Mpho ya buka ya September: Sephiri sa Boitumelo mo Lelapeng ka moneelo wa R4,00. October: Peeletso ya ngwaga o le mongwe ya poso ya Tsogang! kana ya Tora ya Tebelo ka moneelo wa R48,00 mo go tse di tswang gabedi ka kgwedi. Peeletso ya ngwaga o le mongwe ya tse di tswang gangwe ka kgwedi kgotsa peeletso ya dikgwedi tse thataro ya tse di tswang gabedi ka kgwedi ke R24,00. Dipeeletso tsa tlelapa ke R24,00 le R12,00 ka go latelana. Dira maiteko a a kgethegileng go tsamaisa dikhopi tsa dimakasine fa mpho e sa amogelwe. Go ela kwa bofelong jwa kgwedi, go tla tsamaisiwa pampitshana ya Dikgang Tsa Bogosi No. 35. November: Re tla tswelela go tsamaisa pampitshana ya Dikgang Tsa Bogosi No. 35. Diphuthego tse di fetsang tshimo ya tsone ka go tsamaisetsa beng ba matlo mo matlong otlhe pampitshana ya Dikgang Tsa Bogosi No. 35, di ka nna tsa tsamaisa buka ya Kitso. December: Thanolo ya Lefatshe le Lesha ya Dikwalo Tsa Bokeresete Tsa Segerika le buka ya Bibela—A Ke Lefoko la Modimo Kana Ke la Batho? ka moneelo wa R8,00.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka September 1 kana ka bonako jo bo kgonegang morago ga foo. Itsise phuthego ka seno fa se setse se dirilwe.
◼ Ka Matlhatso, October 18, 1997, Legae la Bethele le feketeri di tla bo di tswetswe gore di phepafadiwe, ka jalo go tla bo go se na dithulaganyo dipe tsa go bona moago.
◼ Bagolwane ba gakololwa gore ba latele ditaelo tse di mo tsebeng 21-3 mo makasineng wa Tora ya Tebelo ya April 15, 1991, e e buang ka batho bape ba ba kgaotsweng kana ba ba itomolotseng ba ba ka tswang ba batla go busediwa.
◼ Fa go romelwa diotara tsa dibuka, diphuthego di tshwanetse go gakologelwa gore di-CD-ROM tsa Mokgatlho ga di a tshwanelwa go tsamaisetswa mongwe le mongwe fela. Di diretswe segolobogolo baboledi.
◼ Re batla go gopotsa DIPHUTHEGO TSOTLHE gore di otare dikarata tsa Advance Medical Directive/Release le di-Identity Card ka bonako jo bo kgonegang mo diforomong tsa Literature Order (S-AB-14). Diphuthego tse di se nang akhaonto mo Mokgatlhong kana tse di kolotang mo akhaontong ya tsone di tshwanetse go romela madi fa di romela diotara tsa tsone. Dikarata tsa medical directive di ja disente di le 12 e le nngwe mme di-Identity Card ke disente di le 10 e le nngwe. Tsweetswee otarang ka ditlhopha tsa 20 fa go ka kgonega. Lo se ka lwa aba dikarata tseno, mme di bolokeng go fitlha lo amogela ditaelo tse di oketsegileng go tswa Mokgatlhong.
◼ “Lebokoso la Dipotso” la Tirelo ya Rona ya Bogosi ya May 1997 le ile la akantsha gore re nne kelotlhoko ka go bereka le mmoledi wa bong jo bongwe fa re le mo bodireding. Go na le mabaka a a utlwalang a go bo re tshwanetse go dirisa botlhale mo ntlheng eno. Seno ga se reye gore balebedi ba ba etang kana le eleng bakaulengwe ba bangwe ba ka se bereke le bokgaitsadi mo tirelong ya tshimo. Go na le moo, kgopolo e ne e le gore ga go botlhale gore mokaulengwe a bereke ka metlha a le nosi le motho a le mongwe wa bong bo sele yo a sa amaneng le ene ka losika.
◼ Diphuthego di tshwanetse go simolola go otara 1998 Calendar of Jehovah’s Witnesses ka otara ya bone ya dibuka ya September. Dikhalentara di tla bo di le gone ka Seburu, Seesemane, Sefora, Segerika, Sejeremane, Sentadiana, Sepotokisi, Sesotho, Sexhosa le Sezulu. Tseno ke dilwana tsa setoko se se laolwang. Diphuthego tse di se nang akhaonto mo Mokgatlhong kana tse di kolotang akhaonto ya tsone di tshwanetse go romela madi ka diotara tsa tsone.
◼ Compact Disc e Ntšha e e Leng Gone:
Kingdom Melodies Bolumo 4 (Mmino wa orchestra; phuthego, batho botlhe le babulatsela: R17,00)
◼ TSWEETSWEE ELANG TLHOKO: Letlha la kopano ya kgaolo e e latelang le fetotswe:
December 26-28: Springs