Dikitsiso
◼ Mpho ya buka ya January: Monna Yo Mogolo go Gaisa Botlhe Ba Ba Kileng Ba Tshela ka moneelo wa R12,00, kana Matsapa a a Tserweng ke Motho go Batla Modimo ka moneelo wa R6,00. February: Tshenolō—Konelo ya Yone e e Molemolemo e Atametse! ka moneelo wa R12,00. March: Kitso E E Isang Botshelong Jo bo Sa Khutleng ka moneelo wa R4,00. Tlhoma mogopolo mo go simololeng dithuto tsa Baebele tsa legae. April: Peeletso ya ngwaga o le mongwe ya poso ya Tora ya Tebelo ka moneelo wa R48,00 mo go tse di tswang gabedi ka kgwedi. Peeletso ya ngwaga o le mongwe ya tse di tswang gangwe ka kgwedi kgotsa peeletso ya dikgwedi tse thataro ya tse di tswang gabedi ka kgwedi ke R24,00. Dipeeletso tsa tlelapa ke R24,00 le R12,00 ka go latelana. Dira maiteko a a kgethegileng go tsamaisa dikhopi tsa dimakasine fa mpho e sa amogelwe.
◼ Baboledi botlhe ba ba kolobeditsweng ba ba leng teng kwa Pokanong ya Tirelo ya beke ya January 19 ba tla newa dikarata tsa Advance Medical Directive/Release le di-Identity Card tsa bana ba bone.
◼ Go simologa ka February, mme e seng morago ga March 1, puo e ntšha ya phatlalatsa ya balebedi ba ba etang e tla nna “A o Leba Botshelo Jaaka Modimo a bo Leba?”
◼ Diphuthego di tshwanetse go dira dithulaganyo tse di tshwanelang tsa go keteka Segopotso sa ngwaga ono ka Matlhatso, April 11, fa letsatsi le sena go phirima. Le fa gone puo e ka simolola pelenyana, go tsamaisiwa ga ditshwantshetso tsa Segopotso ga go a tshwanela go simolola pele ga letsatsi le phirima. Botsang metswedi ya dikgang ya lefelo la lona gore letsatsi le tla phirima leng mo lefelong la lona. Le fa gone re rata gore phuthego nngwe le nngwe e nne le mokete wa yone wa Segopotso, ga se gantsi go ka kgonegang gore go dirwe jalo. Koo diphuthego di le mmalwa di tlwaetseng go dirisa Holo ya Bogosi e le nngwe, gongwe phuthego e le nngwe kana di le mmalwa di ka batla lefelo le lengwe go le dirisa mo maitseboeng ao. Segopotso ga se a tshwanela go simolola bosigo thata mo go ka thibelang batho ba ba kgatlhegang go nna gone. Gape thulaganyo ga e a tshwanela go tlala thata mo e leng gore ga go na nako pele le morago ga mokete go dumedisa baeti, go rulaganya go thusa batho ba ba kgatlhegang go gatela pele semoyeng, kana gore re kgothatsane fela. Fa ba sena go sekaseka dintlha tsotlhe, bagolwane ba tshwanetse go swetsa gore ke dithulaganyo dife tse di tla thusang ba ba leng gone mo Segopotsong go solegelwa molemo thata ke tiragalo eo.
◼ Puo ya phatlalatsa e e kgethegileng ya letlha la Segopotso la 1998 e tla neelwa ka Sontaga, March 29. Go tla romelwa aotlelaene. Diphuthego tse di tla bong di na le molebedi wa potologo, kopano ya potologo, kana kopano e e kgethegileng ya letsatsi le le lengwe mo bekeng eo di tla nna le puo ya phatlalatsa e e kgethegileng mo bekeng e e latelang. Ga go na phuthego epe e e tshwanetseng go nna le puo ya phatlalatsa e e kgethegileng pele ga March 29, 1998.
◼ Go simologa ka beke ya May 4, 1998, go felela ka beke ya September 14, 1998, go tla ithutiwa buka ya Bibela—A Ke Lefoko la Modimo Kana Ke la Batho? kwa Thutong ya Buka ya Phuthego.
◼ TSWEETSWEE ELANG TLHOKO: Tlhwatlhwa ya setlhogo sa ngwaga sa 1998 e tla nna R16,00. Tsweetswee fetolang Cost List ya lona jalo.
◼ April 4, 1998, e tla nna Letsatsi la rona le le kgethegileng thata la Dimakasine. Mo nakong e e fetileng ba le bantsi ba ile ba itumelela go nna le seabe mo tirong ya Letsatsi le le kgethegileng la Dimakasine. Ke ka ntlha yang fa o sa rulaganye gone jaanong go nna le seabe ka botlalo mo ngwageng ono? Diphuthego di tshwanetse go romela diotara tse di kgethegileng tsa dimakasine ka bonako jo bo kgonegang.