Dipokano Tsa Tirelo Tsa May

Beke e e Simololang ka May 4

Pina 10

8 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Dikgang Tsa Puso ya Modimo.

15 mets: “Moya wa ga Jehofa O na Le Rona.” Dipotso le dikarabo. Fa o tlotla ka serapa 3, akaretsa dikarolo dingwe tse di tshwanetseng tse di tswang go 1998 Yearbook.

22 mets: “Tlhopha Ditlhogo Tse di Tla Kgatlhang Batho ka Tsela e e Kgethegileng.” Tlhatlhoba dintlha tse dikgolo mo setlhogong seno. Tlhalosa gore le e leng dimakasine tsa bogologolo tse di santseng di siame di ka nna tsa dirisiwa ka tsela e e tshwanang. Kopa baboledi gore ba bolele gore ke ditlhogo dife tse ba ileng ba di tsamaisa thata tse di nnileng le matswela a a molemo. Dira pontsho ka puisano e e mo serapeng sa 7.

Pina 212 le thapelo e e konelang.

Beke e e Simololang ka May 11

Pina 197

10 mets: Dikitsiso tsa phuthego ya lona. Pego ya diakhaonto.

20 mets: Go Tokafatsa go Nna Teng ga Rona mo Dipokanong. Mongwe wa bagolwane ba ba leng mo komiting ya tirelo o tlotla ka tshedimosetso ya Sekolo sa Bogosi sa Bodiredi e e kaga botlhokwa jwa go nna teng mo dipokanong. Setlhopha se se Laolang se amegile thata ka go fokotsega ga palo ya batho ba ba nnang teng mo dipokanong kwa dinageng tsa Bophirima, go akaretsa le mo Afrika Borwa. Tlotla ka botlhokwa jwa go tla dipokanong ka metlha, go di baakanyetsa go sa le gale le go nna le seabe. Botlhe, go akaretsa bagolwane, batlhanka ba bodiredi, babulatsela le malapa a bone, ba tshwanetse go akanyetsa go nna gone ga bone mo dipokanong ka tsela e e masisi. Bolela dipalo tsa ba ba nnang teng mo dipokanong tsotlhe tsa phuthego ya lona mme o umake mabaka a konokono a a dirang gore bakaulengwe ba se nne teng mo dipokanong. Dira gore motlotlo e nne o o agang le o o kgothatsang.

15 mets: Dintlhakgolo tsa Boroutšhara jo Bosha, Buka ya Batho Botlhe. Tlotla le bareetsi ka mabaka a a dirang gore re sekaseke Baebele. Boroutšhara jono bo diretswe go thusa batho ba ba ka tswang ba rutegile mme le fa go ntse jalo ba itse Baebele go le gonnye fela. Go na le gore boroutšhara jono bo leke go ba tlhotlheletsa gore ba dumele gore Baebele e tlhotlheleditswe ke Modimo, bo dira gore mabaka e nne one a ipuelelang. Re tshwanetse go bo bala mme re bo abele ba bangwe, go akaretsa le ba re ithutang le bone.

Pina 48 le thapelo e e konelang.

Beke e e Simololang ka May 18

Pina 141

8 mets: Dikitsiso tsa phuthego ya lona.

17 mets: “A o Na le ‘Mutlwa mo Nameng’?” Dipotso le dikarabo. Tlotla ka “Dipotso tse di Tswang go Babadi” mo go Tora ya Tebelo ya November 15, 1987, tsebe 29.

20 mets: “Ke Eng fa o Boloka Rekoto ya Matlo A a Se Nang Batho?” Dipotso le dikarabo. Dira gore e tshwanele lefelo la lona.

Pina 139 le thapelo e e konelang.

Beke e e Simololang ka May 25

Pina 137

10 mets: Dikitsiso tsa phuthego ya lona. Gakolola botlhe gore ba tlise dipego tsa bone tsa tirelo ya tshimo tsa May.

15 mets: Dilo tse phuthego ya lona e di tlhokang.

20 mets: Lebaka La go Bo ke Anaanela Dipokano Tsa Phuthego. Mogolwane o tlotla le setlhopha sa baboledi ba ba nnang teng ka metlha mo dipokanong ba ba emelang mefuta yotlhe ya batho ba ba mo phuthegong, gongwe a akaretse banyalani, motho mongwe yo o godileng le mosha. Ba tlhalosa mabaka a a ba dirang gore ba nne teng ka metlha: botsalano jo bo molemo, go rutwa ke Modimo le kgakololo e e molemo e e ba thusang go lepalepana le mathata a letsatsi le letsatsi le go ba boloka ba nonofile semoyeng. Dikakgelo tsa bone di gatelela kafa rotlhe re solegelwang molemo ka teng fa re nna teng ka metlha mo dipokanong.

Pina 222 le thapelo e e konelang.