Dipokano Tsa Tirelo Tsa August
Beke e e Simololang ka August 2
Pina 39
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Akgela ka pego ya bosheng jaana ya tirelo ya tshimo ya phuthego ya lona. Kgothaletsa baboledi botlhe go nna le seabe mo bodireding jwa tshimo ka August. Itsise dithulaganyo tsa tirelo tsa August 9.
17 mets: “Tlotla Leina le Lentle la ga Jehofa.” Ketapele ya gago e se ka ya feta motsotso o le mongwe, mme go latele motlotlo wa dipotso le dikarabo. Tlhalosa dikwalo tse di umakilweng.—Bona buka ya Tshelela Ruri, ditsebe 184-5.
18 mets: “Thuto ya Sekolo le Mekgele ya Gago ya Semoya.” Rre o tlotla ka setlhogo seno le morwawe kana morwadie.
Pina 148 le thapelo e e konelang.
Beke e e Simololang ka August 9
Pina 138
8 mets: Dikitsiso tsa phuthego ya lona. Pego ya diakhaonto. Umaka mokgele wa gore baboledi botlhe ba nne le seabe mo bodireding jwa tshimo ka August.
12 mets: Babulatsela ba Thusa ba Bangwe—Ke Kgatelopele Efe e e Dirilweng? Puo le dipotsolotso ka molebedi wa tirelo. Sekaseka dintlha tse di mo go Tirelo ya Rona ya Bogosi ya September 1998, tsebe 4. Umaka kafa seno se ileng sa rulaganngwa ka gone mo phuthegong ya lona, le go bontsha tshedimosetso ya bosheng jaana e e malebana le kgatelopele e e dirilweng ke ba ba thusiwang. Botsolotsa mmulatsela a le mongwe kana ba le babedi le baboledi bangwe ba ba solegetsweng molemo ke thuso ya bone. Kgothaletsa ba bangwe ba ba tlileng go thusiwa gore ba dirise thulaganyo eno ka botlalo.
25 mets: “A Jaanong Kgoro ya go Nna Mmulatsela e go Bulegetse?” Motlotlo wa dipotso le dikarabo ka mogolwane. Bontsha ka tsela e e siameng gore go ka kgonega gore baboledi ba bantsi ba bule tsela. Botsolotsa babulatsela ba ba bolelang maitemogelo a bone ka namana gore ba kgonne jang go fenya dikgoreletsi tse gantsi di nnang teng le go atlega. Sekaseka “Sekai sa Dithulaganyo Tsa Bobulatsela Jwa ka Metlha,” se se gatelelang gore go rulaganya dilo sentle go ka dira gore o kgone go fitlhelela diura tse di tlhokegang. Itsise gore motho ope yo o eletsang go nna le foromo ya go ikwadisetsa bobulatsela a ka e neelwa morago ga pokano eno.
Pina 202 le thapelo e e konelang.
Beke e e Simololang ka August 16
Pina 131
10 mets: Dikitsiso tsa phuthego ya lona. Go setse mafelobeke a mabedi fela a August, ka jalo kgothaletsa mongwe le mongwe gore a nne le seabe mo bodireding pele kgwedi e fela. Sekaseka “Thulaganyo e Ntšha ya Kopano e e Kgethegileng ya Letsatsi le le Lengwe.”
15 mets: Dilo tse phuthego e tlhokang go di ela tlhoko.
20 mets: A o Nna le Seabe mo go Direng Barutwa? Motlotlo le bareetsi. Ka ntlha ya dibuka tse dintsi tse di tsamaiseditsweng batho, boikaelelo jwa rona e tshwanetse go nna go simolola dithuto tsa Baebele e le gore re thuse batho gore ba solegelwe molemo ke dikgatiso tse ba di tsayang. Dira gore baboledi ba akgele malebana le mathata a a ba kgoreletsang go tshwara dithuto tse dintsi: (1) Go thata go bona batho ba ba ratang go ithuta. (2) Batho ba bangwe ba ba kgatlhegang ba bolela gore ga ba na nako ya go ithuta. (3) Fa thuto e simolotswe, go thata go fitlhela motho kwa gae gore thuto e tshwarwe ka metlha. Gape bolela tsela e baboledi ba bangwe ba ka nnang ba ikutlwa ka yone ka tiro ya go ruta batho Baebele: (1) ‘Ga ke ikutlwe ke tshwanelega go nna morutisi.’ (2) ‘Ga ke na nako ya go tshwara thuto beke le beke.’ (3) ‘Ke etsaetsega go itlama mo mothong yo mongwe.’ (4) ‘Ke kgotsofaletse go nna le seabe mo dikarolong tse dingwe tsa bodiredi.’ Naya dikakantsho tse di siameng malebana le kafa motho a ka fenyang dikgoreletsi tseno ka gone e le gore a nne le seabe ka namana mo tirong ya go dira barutwa. Dira gore baboledi ba ba atlegileng ba bolele se se ba itumedisitseng mo tirong ya go ruta batho Baebele.—Bona tsenyeletso ya Tirelo ya Rona ya Bogosi ya April 1998, dirapa 3-8, 15.
Pina 100 le thapelo e e konelang.
Beke e e Simololang ka August 23
Pina 94
10 mets: Dikitsiso tsa phuthego ya lona. Bega ka kgatelopele ya tshimo e e sa abiwang. Itsise phuthego ka dithulaganyo tsa September. Botsolotsa motho a le mongwe kana ba le babedi ka katlego e ba nnileng le yone go fitlha jaanong.
15 mets: Thusa Batho Ba ba Sa Tswang go Kgatlhega Gore ba Anaanele Boitshepo Jwa Lenyalo. Mogolwane o tlotla le bareetsi ka kgang e e theilweng mo bukeng ya Go Fetolana, ditsebe 234-6. Re kopana le batho ba ba nnang mmogo ba ba amogelang molaetsa wa Bogosi mme ba sa gatele pele ka bonako ka gonne ba nna mmogo ba sa nyalana kafa molaong. Umaka tsela e ba ka thusiwang ka yone gore ba tlhaloganye lebaka la go bo Bakeresete ba tshwanetse go nna le lenyalo le le tlotlegang. (Bona Tsogang! ya January 8, 1992, ditsebe 30-1.) Naya dikakantsho tse di malebana le go bua ka tsela e e botlhale gore re thuse batho bano go bona lebaka la go bo ba ka se nne karolo ya phuthego go fitlhela ba kwadisa lenyalo la bone kafa molaong.
20 mets: “Go Dirisa Dipampitshana Gore o Nne le Matswela a a Molemo.” Motlotlo wa dipotso le dikarabo. Morago ga serapa 7, dira pontsho ya kafa o ka simololang thuto ya Baebele ka gone o dirisa pampitshana. Morago ga serapa 9, dira pontsho o dirisa pampitshana ya A Lefatshe Leno le Tla Falola? go simolola thuto. Kgothaletsa botlhe gore ba fitlhelele mokgele wa gore mmoledi mongwe le mongwe a tshware thuto ya Baebele.
Pina 133 le thapelo e e konelang.
Beke e e Simololang ka August 30
Pina 99
10 mets: Dikitsiso tsa phuthego ya lona. Gakolola botlhe go tlisa dipego tsa bone tsa tirelo ya tshimo tsa August. Batshwari ba Thuto ya Buka ya Phuthego ba tshwanetse ba tlhomamisa le mongwe le mongwe mo setlhopheng sa bone e le gore dipego tsotlhe di kwalwe pele ga September 6. Gape ba tshwanetse go tlhomamisa gore dipego dipe tse di saletseng kwa morago mo ngwageng wa tirelo di neelwe mokwaledi.
17 mets: Re Rata Bakaulengwe ba Rona. Puo ka mogolwane, go akaretsa le motlotlo le bareetsi o o theilweng mo makasineng wa Tora ya Tebelo ya December 1, 1995, ditsebe 16-17, dirapa 7-11. Gatelela melemo e re nnang le yone mmogo le bakaulengwe ba rona fa re ba itse sentle, fa re kgothatsana, le fa re thusana gore re itshokele diteko. Akantsha kafa seno se ka dirwang ka gone ka selekanyo se segolwane. Kopa bareetsi ba anele maitemogelo a a bontshang kafa ba ileng ba lapolosiwa le go nonotshiwa ke kgothatso e e lorato ya ba bangwe ka gone.
18 mets: Naya Lebaka La go Bo o Na le Tsholofelo. Mogolwane o botsolotsa mosha a le mongwe fela kana ba le babedi ba ba tlhomang sekao ba ba tsenang sekolo. Ba aga ba iphitlhela ba le mo maemong a mo go one balekane ba lefatshe ba batlang go itse lebaka la go bo basha ba rona ba sa batle go kopanela le bone mo ditirong tsa bone. Le mororo ba dirisa ditshono tse di ntseng jalo go tlhalosa tumelo ya bone e e theilweng mo Baebeleng, basha ba rona ba tshwanetse go tlhomama fa ba gana go dira dilo dingwe. Setlhopha seno se tlhalosa tsela e ba ka arabelang ka yone fa ba neelwa motsoko kana diokobatsi. Sekaseka ntlha e e tlhalositsweng mo bukeng ya Dipotso Tse Basha Ba Di Botsang ditsebe 277-81. Tlhalosa gore fa ba tlhomama mo boikaelelong jwa bone jwa go dira se se siameng ba tla sireletsega e bile go neela bosupi jo bo molemo.
Pina 129 le thapelo e e konelang.