Dikitsiso

◼ Mpho ya buka ya March: Kitso E E Isang Botshelong Jo bo Sa Khutleng. Go tla dirwa boiteko jo bo kgethegileng go simolola dithuto tsa Baebele tsa magae. April le May: Dikhopi tsa makasine wa Tora ya Tebelo le Tsogang! Nna o tshwaretse batho ba ba kgatlhegang boroutšhara jwa Re Direng, mme o leke go simolola dithuto tsa Baebele tsa magae. June: Modimo o Batla Gore re Direng? Tlhoma mogopolo mo go simololeng dithuto tsa Baebele tsa magae.

◼ Baboledi ba ba ratang go nna babulatsela ba ba thusang ka April le ka May ba tshwanetse go dira dithulaganyo tsa bone gone jaanong mme ba tlise dikopo tsa bone nako e sa ntse e le teng. Seno se tla thusa bagolwane gore ba dire dithulaganyo tse di tlhokegang tsa tshimo le go nna le dimakasine le dibuka tse di lekaneng. Maina a botlhe ba ba amogetsweng go nna babulatsela ba ba thusang a tshwanetse go itsisiwe phuthego kgwedi nngwe le nngwe.

◼ Kgatiso eno ya Tirelo ya Rona ya Bogosi e na le thulaganyo e e feletseng ya thuto ya buka ya Ela Tlhoko Boporofeti Jwa ga Daniele! O ka nna wa batla go itirela fotokhopi ya yone mme wa e tsenya mo khoping ya buka ya gago gore o nne o lebe mo go yone.

◼ Molebedi yo o okamelang kana mongwe yo a mo tlhophileng o tshwanetse go tlhatlhoba diakhaonto tsa phuthego ka March 1 kana ka bonako jo bo kgonegang morago ga moo. Fa seno se dirilwe, itsise phuthego morago ga gore go balwe pego e e latelang ya diakhaonto.

◼ Segopotso se tla tshwarwa ka Laboraro, April 19, 2000. Fa e le gore phuthego ya lona e tshwara dipokano ka Laboraro, di tshwanetse tsa fetolelwa kwa letsatsing le lengwe mo bekeng eo fa e le gore Holo ya Bogosi e tla bo e sa dirisiwe. Fa e le gore seno ga se kgonege, mme Pokano ya lona ya Tirelo e amiwa ke seno, dipuo tse di amang phuthego ya lona thata di ka nna tsa akarediwa mo Pokanong e nngwe ya Tirelo.

◼ Mokgatlho ga o romele diotara tse baboledi ba di romelang ka bobone. Molebedi yo o okamelang o tshwanetse go dira gore go dirwe kitsiso kgwedi nngwe le nngwe pele ga otara ya kgwedi ya dibuka tsa phuthego e romelwa kwa Mokgatlhong gore ba ba batlang go otara dibuka tsa bone ka namana ba kgone go itsise mokaulengwe wa dibuka. Tsweetswee gakologelwang gore ke dibuka dife tse e leng dilwana tsa dikopo tse di kgethegileng.