Dikitsiso
◼ Dikgatiso tse di tsamaisiwang ka August: Go ka tsamaisiwa epe fela ya diboroutšhara tse di latelang tsa ditsebe tse 32: A O Tshwanetse Wa Dumela Tharo-nngwe?, A Ruriruri Modimo O Amega ka Rona?, Fa Mongwe Yo O Mo Ratang A Tlhokafala, Go Direga Eng ka Rona fa re Swa?, Itumelele Botshelo mo Lefatsheng ka Bosakhutleng!, Lebaka la Go Bo Botshelo Bo le Gone Ke Lefe—O Ka Le Bona Jang?, Leina La Modimo Leo le Tla Nnelang Ruri, le Puso Eo e Tla Tlisang Paradaise. Boroutšhara jwa Buka ya Batho Botlhe, Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela?, le Our Problems—Who Will Help Us Solve Them? di ka tsamaisiwa koo go tshwanelang gone. September: Monna Yo Mogolo go Gaisa Botlhe Ba Ba Kileng Ba Tshela. October: Dikhopi tsa makasine wa Tora ya Tebelo le Tsogang! Fa batho ba bontshitse kgatlhego mo maetong a go boela, ba ka nna ba tsamaisediwa dipeeletso. Go ela kwa bofelong jwa kgwedi eno, go tla bo go tsamaisiwa pampitshana ya Dikgang Tsa Bogosi No. 36 e e reng, “Mileniamo o Mosha—Isagwe e go Tshwaretse Eng?” November: Go tla tswelelwa pele go tsamaisiwa Dikgang Tsa Bogosi No. 36. Diphuthego tse di wetsang tshimo ya tsone ka go buisana le beng ba matlo mo ntlong nngwe le nngwe ka khopi ya Dikgang Tsa Bogosi No. 36, ba ka tsamaisa boroutšhara jwa Re Direng kana buka ya Kitso. Fa batho ba setse ba na le tsone, go ka dirisiwa buka ya Monna Yo Mogolo go Gaisa Botlhe Ba Ba Kileng Ba Tshela.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka September 1 kana ka bonako jo bo kgonegang morago ga moo. Fa seno se dirilwe, itsise phuthego morago ga gore go balwe pego e e latelang ya diakhaonto.
◼ Go simolola ka August, dibetšhe tsa kopano ya kgaolo ya 2000 di tla bo di le teng ka Seesemane, Sepotokisi, Sesotho, Sexhosa le Sezulu. Diphuthego di tshwanetse tsa simolola go di kopa fa di dira kopo ya tsone ya dibuka e e latelang. Tsweetswee di kopeng ka palo ya selekanyo sa 20. Re ka se amogele dikopo tse di dirilweng ka motsotso wa bofelo, ka jalo tsweetswee otarang go sa ntse go na le nako.
◼ Go balwa ga ngwaga le ngwaga ga dibuka tsotlhe le dimakasine tse di leng teng go tshwanetse ga dirwa ka August 31, 2000, kana gaufi ka mo go ka kgonegang le letlha leo. Go balwa gono ga dibuka go tshwana le mo go dirwang ke mookamedi wa dibuka, mme palogotlhe ya tsone e tshwanetse go kwalwa mo foromong ya Literature Inventory (S-AB-18). Palogotlhe ya dimakasine tse di leng teng e ka bonwa mo batlhankeng ba dimakasine ba phuthego nngwe le nngwe mo go tse di kopanetseng dibuka. Phuthego nngwe le nngwe e e okametseng e tla amogela diforomo tse tharo tsa Literature Inventory (S-AB-18). Tsweetswee lo romelele Mokgatlho foromo e e seng ya khabone e seng morago ga September 6. Ipolokeleng khopi ya khabone mo difaeleng tsa lona. Lo ka nna lwa dirisa khopi ya boraro go balela mo go yone. Mokwaledi wa phuthego e e okametseng o tshwanetse go okamela go balwa gono ga dibuka. Mokwaledi le molebedi yo o okamelang ba phuthego e e okametseng ba tla saena foromo eno.
◼ Go tloga ka August 31, 2000, go ya go September 6, 2000, Mokgatlho o tla bala dibuka tsotlhe tse di leng teng mo Bethele. Ka ntlha ya go balwa gono ga dibuka, ga go na dikopo dipe tsa dibuka tsa phuthego tse di tla romelwang kana tse di tla tlang go tsewa mo malatsing ao.
◼ TSWEETSWEE ELANG TLHOKO: Go na le diphetogo tsa matlha a dikopano tsa kgaolo tse di latelang:
November 17-19: St. Helena
December 15-17: Walvis Bay