Tlhatlhobo ya Sekolo sa Bodiredi sa Puso ya Modimo

Tlhatlhobo ya dibuka di tswetswe ya dintlha tse di ileng tsa ithutiwa mo dikabelong tsa Sekolo sa Bodiredi sa Puso ya Modimo tsa dibeke tsa May 1 go ya go August 21, 2000. Dirisa pampiri e nngwe kwa thoko go kwala mo go yone dikarabo tsa dipotso tse dintsi ka mo o ka kgonang ka gone mo nakong e e beilweng.

[Elang tlhoko: Ka nako ya fa go kwalwa tlhatlhobo eno, ke Baebele fela e e ka dirisiwang go araba potso epe fela. Dikgatiso tse go lebisitsweng mo go tsone tse di latelang morago ga dipotso ke tsa fa o dira dipatlisiso wena ka namana. Dinomoro tsa tsebe le tsa serapa di ka nna tsa se tlhagelele mo dikarolong tsotlhe tse go lebisitsweng mo go tsone go Tora ya Tebelo.]

Araba nngwe le nngwe ya dipolelo tse di latelang ka Boammaaruri kana Maaka:

1. Tsela e Gideone a neng a araba banna ba Eferaime ka yone ba ba neng ba mo tlhasela ka mafoko ka mo go sa tshwanelang, e bontsha gore o ne a le bori e bile a le boikokobetso mme ka gone seno se ne sa tima go tshwaiwa diphoso mo go se nang mabaka mme ga boloka kagiso. (Baatlh. 8:1-3) [Mmalo wa Baebele wa beke le beke]

2. Le mororo Manoa a ne a re “re bonye Modimo,” totatota ene le mosadi wa gagwe ba ne ba bone mmueledi wa Modimo yo o neng a apere mmele wa senama mme e seng Jehofa ka boene. (Baatlh. 13:22) [Mmalo wa Baebele wa beke le beke; bona w88-TN 5/15 ts. 23 ser. 3.]

3. Mo go Baatlhodi 5:31, mafoko a a reng “ba ba mo ratang” go ya ka boporofeti a bolela ka baruaboswa ba Bogosi ba ba 144 000. [si-TN ts. 50 ser. 28]

4. Ga go na dikapetla tsa buka ya Ruthe tse di neng tsa fitlhelwa mo Memenong ya Lewatle le le Suleng. [si-TN ts. 51 ser. 3]

5. Baatlhodi 21:25 e bolela ka motlha o Jehofa a neng a tlogela setšhaba sa Iseraele a sa se kaele gotlhelele. [Mmalo wa Baebele wa beke le beke; bona w95-TN 6/15 ts. 22 ser. 16.]

6. Ditshwantsho tsa ditšheruba mo letloleng la kgolagano di ne di supa gore Jehofa o teng e le kgosi e go neng ga bolelwa ka yone gore e ‘dutse mo godimo [kana, “fa gare”] ga ditšheruba.’ (1 Sam. 4:4, ntlhanyana e e kwa tlase mo NW) [Mmalo wa Baebele wa beke le beke; bona w80 11/1 ts. 29 ser. 2.]

7. Fa masole a ga Saulo a ne a ja madi ka ntlha ya maemo a ba neng ba le mo go one mme ba sa otlhaiwe, seno se ne se bontsha gore go na le mabaka a a ka mpampediwang ka nakwana fela gore motho a tlole molao wa Modimo e le go boloka botshelo jwa gagwe. (1 Sam. 14:24-35) [Mmalo wa Baebele wa beke le beke; bona w94-TN 4/15 ts. 31 dir. 7-9.]

8. Le mororo batho bangwe ba amanya lefoko “tlhotlheletso” le go digela motho le botlhajana, le ka dirisiwa ka kgopolo e e siameng ya go tlhatswa pelo le go fetola mogopolo ka mabaka a a utlwalang. (2 Tim. 3:14, 15) [w98-TN 5/15 ts. 21 ser. 4]

9. ‘Kgetsi ya botshelo’ e bolela go sirelediwa le go bolokiwa ke Modimo, e e neng e tla solegela Dafide molemo fa a ne a ile a tila go nna le molato wa go tsholola madi mo matlhong a Modimo. (1 Sam. 25:29, NW) [Mmalo wa Baebele wa beke le beke; bona w91-TN 6/15 ts. 14 ser. 3.]

10. Kgolagano ya Bogosi jwa ga Dafide, e go bolelwang ka yone mo go 2 Samuele 7:16, e ne ya ngotla lotso lwa Losika lo lo isang kwa go Mesia e bile e ne e tlhomamisa ka fa molaong gore mongwe mo lotsong lwa ga Dafide o ne a tla busa “ka bosakhutleng.” [Mmalo wa Baebele wa beke le beke; bona w89-TN 2/1 ts. 14 ser. 21–ts. 15 ser. 22.]

Araba dipotso tse di latelang:

11. Pesalema 34:18 e re tlhomamisetsa eng? [w98-TN 4/1 ts. 31 ser. 2]

12. Ke eng se se supiwang ke lebaka la go bo Josefa a ne a okelediwa ka leina la Barenabase? (Dit. 4:36) [w98-TN 4/15 ts. 20 ser. 3, ntlhanyana e e kwa tlase mo NW]

13. Ke ka ntlha yang fa pego ya Baebele e bolela gore Eli o ne a tswelela pele a tlotla bomorwawe bogolo go Jehofa? (1 Sam. 2:12, 22-24, 29) [Mmalo wa Baebele wa beke le beke; bona w96-TN 9/15 ts. 13 ser. 14.]

14. Ke ka ntlha yang fa buka ya Ruthe e tshwanetse go nonotsha tshepo ya rona mo ditsholofetsong tsa Bogosi? [si-TN ts. 53 ser. 10]

15. Go ya ka 1 Samuele 1:1-7, lelapa la gagabo Samuele le ne la tlhoma sekao sefe se se molemo? [Mmalo wa Baebele wa beke le beke; bona w98-TN 3/1 ts. 16 ser. 12.]

16. Ke ka tsela efe go ka tweng ‘maatla a dikhumo a a tsietsa’? (Math. 13:22) [w98-TN 5/15 ts. 5 ser. 1]

17. Jonathane yo o neng a le mogolo o ne a bontsha jang gore o tlotla motlodiwa wa ga Jehofa, Dafide, mme seno se tshwantshetsa eng gompieno? (1 Sam. 18:1, 3, 4) [Mmalo wa Baebele wa beke le beke; bona w89-TN 1/1 dits. 24, 26 dir. 4, 13.]

18. Le mororo Jobe a ne a ‘se na molato e bile a thokgame,’ buka ya Jobe e bontsha jang gore seno ga se bolele gore o ne a itekanetse? (Jobe 1:8, NW) [w98-TN 5/1 ts. 31 ser. 1]

19. Ke eng se se kaiwang ke mafoko a a reng “itekeng ka tlhagafalo”? (Luke 13:24) [w98-TN 6/15 ts. 31 dir. 1, 4]

20. Fa re ntse re dira le ba bangwe, ke thuto efe e e botlhokwa e re ka e tsayang tsia, jaaka go kwadilwe mo go 2 Samuele 12:26-28? [Mmalo wa Baebele wa beke le beke; bona w93-TN 12/1 ts. 19 ser. 19.]

Tsenya lefoko kana polelwana e e tlhokegang go feleletsa polelo nngwe le nngwe mo go tse di latelang:

21. Go kgala ga ga Jehofa kobamelo ya ga Baale a menne phatla go tshwanetse ga re tlhotlheletsa gore re ithibe mo dilong tse gompieno di tshwanang le yone e leng ․․․․․․․․, ․․․․․․․․, le ․․․․․․․․. (Baatlh. 2:11-18) [si-TN ts. 50 ser. 26]

22. E ne e le mo metlheng ya ga Samuele mo motlha wa ․․․․․․․․ o neng wa khutla gone mme ga simologa motlha wa ․․․․․․․․ o kgabagare Baiseraele ba neng ba latlhwa ke Jehofa mo go one. [si-TN ts. 53 ser. 1]

23. Leina la Modimo, Jehofa, le kaya “ ․․․․․․․․,” mme le kaya gore Jehofa a ka diragatsa sengwe le sengwe se se tlhokegang e le gore a diragatse ․․․․․․․․ a gagwe. [w98-TN 5/1 ts. 5 ser. 3]

24. Eli le Saulo ba ne ba retelelwa ka bobedi jwa bone ka gore wa ntlha o ne a ․․․․․․․․ go tsaya kgato, mme wa bofelo o ne a ․․․․․․․․. [si-TN ts. 57 ser. 27]

25. Setshwantsho sa ga Jesu sa Mosamaria yo o molemo se bontsha gore motho yo o siameng tota ga se yo o utlwang ․․․․․․․․ ya Modimo fela mme gape o etsa ․․․․․․․․ tsa gagwe. (Luke 10:29-37) [w98-TN 7/1 ts. 31 ser. 2]

Tlhopha karabo e e siameng mo go nngwe le nngwe ya dipolelwana tse di latelang:

26. Nonofo e kgolo ya ga Jehofa ya (botlhale, maatla; lorato) e bonwa fa a ne a kgetha mosadi wa Moaba (Ruthe; Naomi; Orepa), yo pele e neng e le moobamedi wa modimo wa (Baale; Kemoshe; Dagone), yo o neng a sokologetse mo bodumeding jwa boammaaruri mme a nna mmaagwemogologolwane wa ga Jesu Keresete. (Math. 1:3, 5, 16) [5, si-TN ts. 51 ser. 1]

27. Motlha wa Baiseraele wa go busiwa ke baatlhodi o ne wa khutla fa (Samuele; Dafide; Saulo) a ne a tlodiwa e le kgosi mme ka bonako fela morago ga moo o ne a fenya (Baamone; Bamoaba; Bafilisitia) a engwe nokeng ke Jehofa. (1 Sam. 11:6, 11) [Mmalo wa Baebele wa beke le beke; bona w95-TN 12/15 ts. 9 ser. 2–ts. 10 ser. 1.]

28. E ne e le (moaposetoloi Paulo; rraagwe; mmaagwe le mmaagwemogolo) ba ba neng ba eteletse pele go ruta Timotheo “mekwalo e e boitshepo” go fitlhela a nna morongwa le molebedi yo o molemo. (2 Tim. 3:14, 15; Bafil. 2:19-22) [w98-TN 5/15 ts. 8 ser. 3–ts. 9 ser. 5]

29. Bodiredi jwa ga (Dafide; Samuele; Jonathane) a sa le mosha bo tshwanetse jwa kgothatsa ba basha go tsenela tirelo gompieno, mme go tswelela ga gagwe kwantle ga go ipona tsapa go ya go fitlha fela mo malatsing a gagwe a bofelo go tshwanetse ga nonotsha ba ba setseng ba koafaditswe ke botsofe. [si-TN ts. 58 ser. 30]

30. Nako e 2 Samuele e kwadilweng ka yone ke go simolola ka (1077 go ya go mo e ka nnang ka 1040; 1077 go ya go mo e ka nnang ka 1037; 1070 go ya go mo e ka nnang ka 1040) B.C.E. [si-TN ts. 59 ser. 3]

Lebaganya lengwe le lengwe la makwalo ano le ntlha e e dumalanang le lone:

Baatlh. 11:30, 31; 1 Sam. 15:22; 30:24, 25; 2 Dikg. 6:15-17; Jak. 5:11

31. Jehofa o tlhomamisa gore o tla dirisa masole a gagwe a selegodimo go sireletsa batho ba gagwe go dumalana le thato ya gagwe. [w98-TN 4/15 ts. 29 ser. 5]

32. Balebedi ba phuthego ba na le boikarabelo jwa go kgomarela ditumalano tsa bone le fa gone ka dinako tse dingwe go ka tswa go le botlhoko e bile go ba tlhoka dilo tse dintsi. [w99-TN 9/15 ts. 10 dir. 3-4]

33. Go boloka bothokgami fa re lebane le diteko go dira gore Jehofa Modimo a re duele fela thata. [w98-TN 5/1 ts. 31 ser. 4]

34. Go rata Modimo ka lorato lwa mmatota go tlhoka gore re utlwe dikaelo tsa Modimo mme e seng go mo isetsa ditlhabelo fela. [Mmalo wa Baebele wa beke le beke; bona w96-TN 6/15 ts. 5 ser. 1.]

35. Jehofa o itumelela thata batho ba ba dirang ditiro tsa go ema nokeng mo phuthegong ya gagwe gompieno. [Mmalo wa Baebele wa beke le beke; bona w86-TN 9/1 ts. 28 ser. 4.]