Thulaganyo ya Pokano ya Tirelo
ELANG TLHOKO: Tirelo ya Rona ya Bogosi e tla rulaganya Pokano ya Tirelo ya beke le beke ka November le ka December. Diphuthego di ka dira diphetogo tse di tlhokegang gore di kgone go nna gone kwa Kopanong ya Kgaolo ya “Badiri ba Lefoko la Modimo” le gore di kgone go dira poeletso ya metsotso e le 30 ya dintlhakgolo tsa thulaganyo eno kwa Pokanong ya Tirelo ya beke e e tlang morago ga kopano. Poeletso ya thulaganyo ya kopano ya malatsi otlhe e tshwanetse ya abelwa bakaulengwe ba bararo ba ba tshwanelegang go sa le gale ba ba tla tlotlang ka dintlha tse di tlhomologileng. Poeletso eno e e baakanyeditsweng sentle e tla thusa phuthego go gakologelwa dintlhakgolo gore ba di dirise mo matshelong a bone le go di dirisa mo tshimong. Bareetsi ba ka akgela ka bokhutshwane le ka tsela e e opang kgomo lonako.
Beke e e Simololang ka November 13
Pina 4
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Dikgang Tsa Puso ya Modimo.
13 mets: Lebokoso la Dipotso. Puo ka mogolwane.
22 mets: “Go Tlhagolela Kgatlhego e e Bonweng ka Pampitshana ya Dikgang Tsa Bogosi No. 36.” Motlotlo wa dipotso le dikarabo wa dirapa 1-5. Bolela dithulaganyo tsa phuthego ya lona tsa go wetsa tshimo epe e e iseng e dirwe. Boeletsa dipuisano tse di leng mo serapeng sa 7 le 8 tse di malebana le go dira maeto a go boela, mme go dirwe dipontsho tsa tsone. Gatelela botlhokwa jwa go ya kwa bathong botlhe ba ba bontshitseng kgatlhego le go leka go simolola dithuto tsa Baebele. Konela ka go tlotla ka serapa sa 9 le dikwalo tse di umakilweng.
Pina 63 le thapelo e e konelang.
Beke e e Simololang ka November 20
Pina 111
10 mets: Dikitsiso tsa phuthego ya lona. Pego ya diakhaonto.
15 mets: Maitemogelo a go Tsamaisa Pampitshana ya Dikgang Tsa Bogosi No. 36. Tlhalosa gore lo atlegile go le kana kang go bereka tshimo ya lona yotlhe. A go na le bape mo phuthegong ba ba neng ba simolola go nna le seabe mo tirelong? Bolela dikakgelo tse dintle tsa beng ba matlo. A baboledi bangwe ba kgonne go simolola dithuto tsa Baebele? Fa go le jalo, dira gore ba tlhalose kana ba boeletse ka fa ba dirileng seo ka gone. Gakolola botlhe go tlhagolela kgatlhego e e bonweng.
20 mets: “Tswelelang Pele lo Rera!” Puo le potsolotso. Bangwe ba ile ba kopanela le phuthego ya ga Jehofa mme ba tswelela pele mo tirong ya go rera botshelo jotlhe jwa bone. Ba itumeletse go dira jalo ba na le boikutlo jo bo siameng. (Bona buka ya Kitso, tsebe 179, serapa 20, le Tora ya Tebelo ya May 1, 1992, ditsebe 21-2, dirapa 14-15.) Kopa mmoledi yo o ntseng a le matlhagatlhaga ka dingwaga di le dintsi gore a bontshe mabaka a a dirileng gore a tswelele pele mo tirong ya go rera.
Pina 141 le thapelo e e konelang.
Beke e e Simololang ka November 27
Pina 153
10 mets: Dikitsiso tsa phuthego ya lona. Gakolola baboledi gore ba tsenye dipego tsa tirelo ya tshimo ya November. Buka e e tsamaisiwang ka December ke Kitso E E Isang Botshelong Jo bo Sa Khutleng. Tlhalosa tsela e Basupi ba ga Jehofa ba nnileng le seabe se segolo ka yone mo go gatisiweng ga Baebele ka dipuo di le dintsi.—Bona Tora ya Tebelo ya October 15, 1997, ditsebe 11-12.
20 mets: Dirisa Buka ya Go Fetolana ka Tsela e e Molemo. Motlotlo wa dipotso le dikarabo wa ditsebe 7-8. Bontsha ka fa buka eno e diretsweng go re thusa ka gone go ipaakanyetsa go nna le seabe ka tsela e e nang le matswela mo bodireding. Tlhalosa ka fa buka eno e ka dirisiwang ka gone fa go neelwa bosupi ka founo. Dira pontsho e e bontshang ka fa re ka bonang tshedimosetso e e mosola ka gone fa re araba potso nngwe. Kgothaletsa botlhe gore ba tlwaele go dirisa buka eno, e nne e le mo dibekeng tsa bone tsa go neela bosupi, le gore ba e dirise ka metlha.
15 mets: Nka Laola Jang Tsela e ke Lebelelang Thelebishene ka Yone? Mogolwane o buisana le mokaulengwe yo mosha yo o senyang diura di le dintsi ka letsatsi a lebile thelebishene. Kwa tshimologong, mokaulengwe yono o gatelela gore ga go kotsi. O bolela gore ke tsela fela ya go itapolosa le gore ga go mo ame ka tsela e e kotsi. Mogolwane o boeletsa dintlhakgolo tse di mo kgaolong ya 36 ya buka ya Dipotso Tse Basha Ba Di Botsang. O tlhalosa gore go lebelela thelebishene thata go senya nako e e botlhokwa e e neng e ka dirisediwa go ithuta ka namana, go ya bodireding, kana go thusa mo dilong tse di tlhokwang go dirwa mo phuthegong. Mokaulengwe yono yo mosha o bontsha gore o anaanela kgakololo eno a bo a bolela gore o tla fetola mokgwa o a lebelelang thelebishene ka one gore a solegelwe molemo semoyeng.
Pina 175 le thapelo e e konelang.
Beke e e Simololang ka December 4
Pina 189
10 mets: Dikitsiso tsa phuthego ya lona. Akgola botlhe ba ba nnileng le seabe mo letsholong la tshimo e e sa abiwang. Tlotla ka pego ya tiro e e dirilweng mme o bolele ka maitemogelo a a itumedisang.
15 mets: Dilo tse phuthego ya lona e tlhokang go di ela tlhoko.
20 mets: “Lefoko le le Builweng ka Nako e e Tshwanetseng.” Motlotlo le bareetsi le dipontsho. Batho ba le bantsi ba akanya gore ba a palelwa fa ba leka go simolola metlotlo, ba akanya ka tsela e e phoso gore ba tlhoka botswerere jo bo kgethegileng gore ba nne le matswela. Tlhalosa ka fa rotlhe, go akaretsa le baboledi ba ba sa tswang go kopanela le basha, re ka dirang boiteko ka gone go tsaya kgato pele go simolola motlotlo. Boeletsa dikakantsho tse di bontshitsweng, o bontsha tsela e di sa raraanang ka yone, mme o dire gore go nne le baboledi ba le babedi kana ba le bararo ba dire pontsho ka tsone. Bona Tirelo ya Rona ya Bogosi ya March 1998, tsebe 8, gore o bone dipuisano tse di oketsegileng tse di ka dirisiwang. Kgothaletsa botlhe gore ba nne le boikutlo jo bo siameng gore ba itumelele bodiredi jwa bone thata.
Pina 218 le thapelo e e konelang.