O Tla Reng Fa e Le Motšhini o Arabang Founo?

Founo ke sedirisiwa se se molemo tota sa go naya batho ba bangwe ba re sa kgoneng go ba fitlhela mo gae bosupi kgotsa ba ba nnang mo ditshimong tse re sa kgoneng go tsena mo go tsone. Le fa go ntse jalo, batho ba le bantsi ga ba arabe difouno—di arabiwa ke motšhini. O tla dirang fa go araba motšhini? O se ka wa baya founo fa fatshe. Go na le moo, baakanyetsa karabo ya gago sentle, o e kwale o bo o e bale mo founong. Nna o e boeletse gore o kgone go e bala ka lentswe le le botsalano la go tlotla. Ke eng se o ka se buang?

O ka nna wa laletsa mong wa ntlo ka botsalano gore a nne teng kwa Pokanong ya Phatlalatsa e e latelang kwa Holong ya Bogosi. O ka nna wa re: “Leina la me ke ________________. Ke lekile go ikgolaganya le wena mo nakonyaneng e e fetileng, mme ka maswabi ke ne ka fitlhela o seyo mo gae. Fa e le gore o ka rata go utlwa motlotlo wa Baebele wa setlhogo se se reng [setlhogo sa puo ya phatlalatsa], tsweetswee tla mo Holong ya Bogosi ya Basupi ba ga Jehofa. Botlhe ba a amogelwa. Ga go na koleke.” Morago ga moo, mmolelele ka lentswe le le utlwalang sentle gore pokano eno e tsena nako mang, o bo o mo naya aterese kgotsa mo tlhalosetse gore Holo ya Bogosi e fa kae.

Nna o ntshitse matlho dinameng go bona gore a go na le batho bape ba basha ba ba tlileng dipokanong, ba bolelele gore ke wena mang, o bo o dira gore ba ikutlwe ba amogelesegile. O se ka wa lebala go ba bolelela ka thuto ya mahala ya legae ya Baebele!