Dikitsiso

◼ December: Monna Yo Mogolo go Gaisa Botlhe Ba Ba Kileng Ba Tshela. January: Dibuka dipe fela tse di gatisitsweng pele ga 1991 tse phuthego e ka tswang e na le tsone mo setokong. Fa e le gore ga lo na dipe tsa dibuka tseno mo setokong, tlholang gore a diphuthego tse di gaufi le lona di ka tswa di sa ntse di na le dikgatiso dingwe tsa bogologolo tse lo ka di dirisang. Diphuthego tse di se nang dibuka tsa bogologolo di ka nna tsa tsamaisa boroutšhara jwa Nnang lo Disitse! February: Atamalana le Jehofa.

◼ Tsweetswee elang tlhoko gore Segopotso sa ngwaga wa 2007 se tla nna ka Mantaga, April 2, fa letsatsi le sena go phirima. Kitsiso eno e dirwa go sa le gale jaana gore bakaulengwe ba tle ba kgone go dira dithulaganyo tse di tlhokegang kgotsa gore ba hire diholo tse dingwe fa go na le diphuthego di le mmalwa tse di dirisang Holo e le nngwe fela ya Bogosi. Fa e le gore seo se tshwanetse go dirwa, bagolwane ba tshwanetse go dumalana le batsamaisi ba lefelo leo go tlhomamisa gore go tla bo go se na ditiro tse dingwe tse di itayang tsebe tse di tla bong di dirwa mo kagong e ba e hirileng, gore Segopotso se tshwarwe sentle ka thulaganyo go se na modumo.

◼ E re ka Segopotso e le tiragalo e e botlhokwa thata, setlhopha sa bagolwane se tshwanetse go tlhopha mogolwane yo o tshwanelegang thata gore e nne ene a neelang puo go na le gore ba neele puo ya segopotso ka go refosana kgotsa go dirisa mokaulengwe a le mongwe fela ngwaga le ngwaga. Fa e le gore go na le mogolwane wa motlodiwa yo o ka kgonang go neela puo, go tshwanetse ga tlhophiwa ene.