Dikitsiso
◼ Dikgatiso tse di tsamaisiwang ka August: Go ka tsamaisiwa epe fela ya diboroutšhara tse di latelang tsa ditsebe tse 32: A O Tshwanetse Wa Dumela Tharo-nngwe?, A Ruriruri Modimo O Amega Ka Rona?, “Bōnañ, Dilō Cotlhe Ke Di Diha Sesha,” Fa Mongwe Yo O Mo Ratang A Tlhokafala, Go Direga Eng ka Rona fa re Swa?, Itumelele Botshelo mo Lefatsheng ka Bosakhutleng!, Lebaka la Go Bo Botshelo Bo le Gone Ke Lefe—O Ka Le Bona Jang?, Leina La Modimo Leo Le Tla Nnelang Ruri, le Puso Eo E Tla Tlisang Paradaise. Diboroutšhara tsa Buka ya Batho Botlhe, Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela?, Our Problems—Who Will Help Us Solve Them?, le Will There Ever Be a World Without War? di ka nna tsa tsamaisiwa fa go tshwanela. September: Monna Yo Mogolo go Gaisa Botlhe Ba Ba Kileng Ba Tshela. October: Dimakasine tsa Tora ya Tebelo le Tsogang! November: Modimo o Batla Gore re Direng? kana Kitso E E Isang Botshelong Jo bo Sa Khutleng. Go ka nna ga dirisiwa le buka ya Monna Yo Mogolo go Gaisa Botlhe Ba Ba Kileng Ba Tshela.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka September 1 kana ka bonako jo bo kgonegang morago ga moo. Fa seno se dirilwe, itsise phuthego morago ga gore go balwe pego e e latelang ya diakhaonto.
◼ Go simolola monongwaga, babulatsela ba ka metlha ga ba kitla ba tshwanelega go nna gone kwa Sekolong sa Tirelo ya Bobulatsela fa dingwaga tsa bone tsa bogolo di ise di tshware 16 ka September 1 mo ngwageng o ba tshwanelwang ke go ya kwa sekolong ka one. Batho ba ba nang le dingwaga tse di kwa tlase ga tseno ba ka letlelelwa fela fa motsadi wa bone wa mmulatsela a tshwanelegela go nna gone mo setlhopheng seo.
◼ Ka August 30 le 31, 2001, go tla bo go balwa dibuka tsotlhe tse di leng teng mo Bethele. Ka ntlha ya seno, ga go na dikopo dipe tsa dibuka tsa phuthego tse di tla rulaganngwang gore di romelwe mo malatsing ao.
◼ Go balwa ga ngwaga le ngwaga ga dibuka tsotlhe le dimakasine tse di leng teng go tshwanetse ga dirwa ka August 31, 2001, kana gaufi ka mo go ka kgonegang ka teng le letlha leo. Go balwa gono ga dibuka go tshwana le mo go dirwang ke mookamedi wa dibuka kgwedi nngwe le nngwe, mme palogotlhe ya tsone e tshwanetse go kwalwa mo foromong ya Literature Inventory (S-18). Palogotlhe ya dimakasine tse di leng teng e ka bonwa mo batlhankeng ba dimakasine ba phuthego nngwe le nngwe mo go tse di kopanetseng dibuka. Phuthego nngwe le nngwe e e okamelang e tla amogela diforomo tse tharo tsa Literature Inventory (S-18). Tsweetswee lo romelele ofisi ya lekala foromo e e seng ya khabone e seng morago ga September 6. Ipolokeleng khopi ya khabone mo difaeleng tsa lona. Lo ka nna lwa dirisa khopi ya boraro go balela mo go yone. Mokwaledi wa phuthego e e okametseng o tshwanetse go okamela go balwa gono ga dibuka. Ene mmogo le molebedi yo o okamelang wa phuthego e e okametseng ba tla saena foromo eno.
◼ Diphuthego di tshwanetse go simolola go kopa dibetšhe tsa kopano ya kgaolo ya 2001 fa di dira kopo ya tsone ya dibuka ya September. Tsweetswee di kopeng ka palo ya ditlhopha tsa 20. Re ka se amogele dikopo tse di dirwang ka motsotso wa bofelo, ka jalo tsweetswee tsenyang dikopo tsa lona bobotlana ka October. Dibetšhe di tla nna gone ka Seesemane, Sepotokisi, Sesotho, Sexhosa le Sezulu fela.
◼ Bethele e tlhoka ka bonako ngaka ya meno e e berekang ka metlha le mooki yo o kwadisitsweng ka fa molaong. Gore o tshwanelege, o tshwanetse go nna le bobotlana ngwaga o le mongwe o ineetse le go kolobediwa, o tshwanetse go nna motho yo o tlhagafetseng wa semoya mme o nne le botsogo jo bontle, mo mmeleng le mo maikutlong. O tshwanetse go nna le dingwaga tse di fa gare ga 19 le 35 mme o nne moagi wa Afrika Borwa. Fa o nyetse kgotsa o nyetswe, mme go se na batho bape ba bangwe ba o tshwanetseng go ba tlhokomela mme wena le molekane wa gago lo na le ditshwanelego tse di tlhokegang, tlatsang foromo ya kopo ya go direla kwa Bethele mme lo e neye komiti ya tirelo ya phuthego ya lona. Tsweetswee leletsang Mokgatlho mogala kana lo o kwalele fa lo batla tshedimosetso e e oketsegileng.
◼ TSWEETSWEE ELANG TLHOKO: Dikopano tse di latelang ke dikopano tse disha tsa kgaolo, kwantle ga fa go bontshitswe ka tsela nngwe:
November 30–December 2:
Cape Town (Sexhosa; letlha le lesha)
December 14-16: Soweto (Sezulu 1)
Bloemfontein (Sesotho; letlha le lesha)
December 21-23: Soweto (Sezulu 2)
Soweto (Sesotho 1)
December 28-30: Soweto (Sesotho 2)