Dikgang Tsa Puso ya Modimo

◼ Ka October go ile ga kgakolwa Diholo Tsa Bogosi di le nnè tsa ntlha mo ngwageng o mosha wa tirelo. Diholo tseno tse disha tse tharo tse di kgakotsweng ke Ceres (Western Cape), Sobabili le Pisgah (gaufi le Estcourt, kwa KwaZulu-Natal). Holo ya Bogosi ya kwa Phalaborwa (Northern Province) e ne ya kgakolwa morago ga gore go dirwe tiro e kgolo ya go e tlhabolola.

Morago ga gore Dikomiti Tsa Kago Tsa Kgaolo di le 23 di wetse go aga diholo di le 60 ka katlego mo ngwageng o o fetileng wa tirelo, di ikaeletse go wetsa diholo di le 100 mo ngwageng ono wa tirelo. Re rapelela gore Jehofa a segofatse maiteko a bone thata le go ba kaela, mme re kgothaletsa ba le bantsi gore ba akanyetse ka thapelo go ba thusa. Tsweetswee tlatsa foromo ya Kingdom Hall Construction Worker Questionnaire (S-82) e o ka e newang ke mokwaledi wa phuthego ya lona.