Thulaganyo ya Pokano ya Tirelo

Beke e e Simololang ka February 11

Pina 6

12 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi.

20 mets: “Rera Lefoko la Modimo ka Botlalo.”a (Dirapa 1-13) E neelwe ke molebedi yo o okamelang. Motlotlo o o matlhagatlhaga o o malebana le se re ratang go se fitlhelela ka March le mo dikgweding tse di latelang. Mongwe le mongwe o tshwanetse go dirisa khalendara e e mo tsenyeletsong go dira thulaganyo e e molemo ya go nna le seabe se segolo ka mo go kgonegang ka teng mo bodireding ka March. Kgothaletsa botlhe ba ba ka kgonang gore ba tseye bobulatsela jo bo thusang mo kgweding eo. Fa o tlotla ka serapa 7-8, kopa gore ba ba neng ba tsere bobulatsela ngogola ka setlha sa Segopotso ba bolele masego a ba neng ba a ipelela. Itsise gore ba ba ratang go tsenela bobulatsela jo bo thusang ba tla newa diforomo morago ga pokano eno.

13 mets: “Se re Ka se Buang ka Dimakasine.” Botsa baboledi gore karolo eno ya Tirelo ya Rona ya Bogosi e ba thusitse jang gore ba kgone go golaganya sentle ditlhogo tsa dimakasine le ditiragalo tse di botlhoko tse di diregang mo dinakong tseno tsa mathata. Bangwe ba ile ba nna le maitemogelo afe fa ba ne ba gomotsa batho le go ba thusa go bona dikarabo tse di tswang mo Baebeleng tse di arabang dipotso tse di ba tshwenyang? Ka dipontsho tse pedi tse dikhutshwane, bontsha kafa re ka buelelang Tora ya Tebelo ya February 15 ka teng le Tsogang! ya March 8.

Pina 49 le thapelo e e konelang.

Beke e e Simololang ka February 18

Pina 95

8 mets: Dikitsiso tsa phuthego ya lona. Pego ya diakhaonto.

12 mets: “Batho ba ba Itumetseng go Gaisa Botlhe mo Lefatsheng.”b Akaretsa ka bokhutshwane setlhogo se se reng “Dikgato Tsa go Bona Boitumelo,” mo go tsebe 6 ya Tora ya Tebelo ya October 15, 1997.

25 mets: “Rera Lefoko la Modimo ka Botlalo.”c (Dirapa 14-23) E neelwe ke molebedi wa tirelo. Tlhalosa dithulaganyo tse di kgethegileng tse di dirwang mo phuthegong ya lona gore lo nne le seabe se se oketsegileng mo tirelong ka March. Tlhalosa thulaganyo yotlhe ya dipokano tsa tirelo ya tshimo tse di rulagantsweng mo kgweding eo. Bua thata ka kgang ya go tsosolosa batho ba ba tsidifetseng le go thusa bana le batho ba re ithutang Baebele le bone gore ba tshwanelegele go nna baboledi ba ba sa kolobediwang. Itsise maina a ba ba ikwadiseditseng go nna babulatsela ba ba thusang ka March, mme o kgothaletse ba le bantsi gore ba akanyetse ka thapelo kgang ya gore le bone ba ikwadise.

Pina 143 le thapelo e e konelang.

Beke e e Simololang ka February 25

Pina 174

10 mets: Dikitsiso tsa phuthego ya lona. Dira dipontsho tse pedi tse dikhutshwane tsa go buelela dimakasine—mo go e nngwe o dirisa Tora ya Tebelo ya March 1 mme mo go e nngwe o dirisa Tsogang! ya March 8. Dira gore mosha a dire nngwe ya tsone. Gakolola baboledi go naya batshwari ba bone ba thuto ya buka dipego tsa bone tsa tirelo ya tshimo tsa February.

35 mets: “A o Dirisa se o Ithutileng Sone Kwa Kopanong ya Kgaolo ya ‘Barutisi ba Lefoko la Modimo?’” E neelwe ke motshwari wa Thuto ya Tora ya Tebelo, a tlotla le bareetsi ka thulaganyo ya kopano. Fa o sena go dira matseno a a tsayang motsotso, dirisa metsotso e le 10-12 go tlotla ka thulaganyo ya letsatsi lengwe le lengwe. Tlhalosa ka bokhutshwane dintlha tsa botlhokwa mo setlhogwaneng sengwe le sengwe, go tswa foo o bo o kopa bareetsi go akgela ka gore (1) ba lekile jang go dirisa thuto eno, (2) ba ile ba solegelwa molemo jang ke go e dirisa, le gore (3) ke eng gape se ba akanyang gore ba sa ntse ba tlhoka go se dira. Dirisa dipotso tse di dirang gore bareetsi ba akanye gore motlotlo e nne o o nang le botshelo. Thusa botlhe go anaanela botlhokwa jwa go dirisa se ba ithutileng sone.

Pina 215 le thapelo e e konelang.

Beke e e Simololang ka March 4

Pina 207

5 mets: Dikitsiso tsa phuthego ya lona.

12 mets: Dilo tse phuthego ya lona e tlhokang go di ela tlhoko.

12 mets: Dirisa Buka ya Kitso go Simolola Dithuto. Mo kgweding ya March re batla go dira boiteko jo bo kgethegileng jwa go simolola dithuto tsa magae tsa Baebele. Bolela ka bokhutshwane boitemogelo jo bo mo go Tirelo ya Rona ya Bogosi ya August 1998, tsebe 4, serapa 8. Fa go na le mongwe yo o sa tswang go simolola thuto ka buka ya Kitso, dira pontsho ya kafa seno se neng sa dirwa ka gone. Gakolola botlhe ka “Dikakantsho Tsa go Buelela Buka ya Kitso,” tse di mo tsenyeletsong ya Tirelo ya Rona ya Bogosi ya January 2002. O dirisa buka eno, dira pontsho ka nngwe ya dikakantsho tse di mo go tsebe 6 ya tsenyeletso eno mo setlhogwaneng se se reng “Go Simolola ka Tlhamalalo.”

16 mets: “Ke Eng fa re Tshwanetse go Nna re Rera?”d Konela ka go botsolotsa mmoledi a le mongwe kana ba le babedi ba ba sa bolong go nna ba rera ka dingwaga di le dintsi. Dira gore ba bolele maikutlo a bone malebana le gore ke eng fa ba ile ba nna ba dira tiro eno le gore e ile ya ba solegela molemo jang.

Pina 223 le thapelo e e konelang.

[Dintlha tse di kwa tlase]