Thulaganyo ya Pokano ya Tirelo

Beke e e Simololang ka April 8

Pina 39

13 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Kgothaletsa botlhe go leba bidio ya Young People Ask—How Can I Make Real Friends? go baakanyetsa motlotlo o o tlileng go tshwarwa mo Pokanong ya Tirelo ya beke ya April 22. Kwa mafelong a selegae bagolwane ba tshwanetse go leka go dira gore malapa a a se nang motšhine wa bidio a bone bidio eno. O dirisa dikakantsho tse di mo go tsebe 8, dira dipontsho tse pedi tse di farologaneng tse di bontshang kafa re ka buelelang Tora ya Tebelo ya April 15 le Tsogang! ya May 8 ka teng. Mo go nngwe le nngwe ya tsone, bontsha tsela e e farologaneng e re ka arabang ka yone motho yo o sa batleng re bua le ene ka go re raya a re “Ke na le bodumedi jwa me.”—Bona buka ya Go Fetolana ditsebe 18-19.

12 mets: Dilo tse phuthego ya lona e tlhokang go di ela tlhoko.

20 mets: “Dira se se Molemo mo go Botlhe.”a Morago ga motlotlo wa dipotso le dikarabo, botsolotsa mmoledi a le mongwe kana ba le babedi ba ba bolelang kafa ba oketsang bodiredi jwa bone ka gone.

Pina 157 le thapelo e e konelang.

Beke e e Simololang ka April 15

Pina 101

10 mets: Dikitsiso tsa phuthego ya lona. Pego ya diakhaonto.

15 mets: Babulatsela ba Tswelela Pele go Thusa ba Bangwe. Molebedi wa tirelo o tshwara motlotlo le molebedi wa Thuto ya Buka ya Phuthego, mmulatsela le mmoledi. Molebedi wa tirelo o sekaseka thulaganyo ya Babulatsela ba Thusa ba Bangwe jaaka e tlhalositswe mo go Tirelo ya Rona ya Bogosi ya September 1998, tsebe 4. Go tswa foo, o tlotla le mongwe le mongwe wa bakaulengwe kana bokgaitsadi ba a ba tlhophileng gore ba bolele seabe sa bone mo thulaganyong eno le kafa e diragatsang boikaelelo jwa yone ka teng. Go dirilweng gore thulaganyo eno e atlege? Molebedi wa tirelo o laletsa baboledi botlhe gore ba bolele fa e le gore ba batla go thusiwa mo bodireding. Ba ba kileng ba thusiwa mo nakong e e fetileng le bone ba ka nna ba akarediwa gore ba thusiwe ka mo go oketsegileng mo karolong e nngwe ya bodiredi.

20 mets: “Boipelo Jwa go Nna mo Tirelong ya Nako e e Tletseng.”b Kgothaletsa basha go tsenya kopo ya go tsenela bobulatsela jo bo thusang ka malatsi a boikhutso a sekolo. Fa go kgonega, mongwe wa batsadi le ene a ka nna a ikwadisetsa go nna mmulatsela yo o thusang mo kgweding eo mme ka jalo o tla kgona go thapisa le go kgothatsa ba bangwe.

Pina 199 le thapelo e e konelang.

Beke e e Simololang ka April 22

Pina 90

10 mets: Dikitsiso tsa phuthego ya lona. O dirisa dikakantsho tse di mo go tsebe 8, dira gore motlhanka wa bodiredi a bontshe kafa re ka buelelang Tora ya Tebelo ya May 1 ka teng mme kgaitsadi a bontshe kafa re ka buelelang Tsogang! ya May 8 ka teng. Morago ga pontsho nngwe le nngwe, boeletsa mola o le mongwe kana e le mebedi e e simololang e ba e dirisitseng go tsosa kgatlhego ya mong wa ntlo.

15 mets: Fitlha ka Nako! Puo. Ditiro tse di amanang le kobamelo le bodiredi jwa rona ke ditiro tse di botlhokwa, tse di tlhokang ‘nako e e tlhomilweng.’ (Mor. 3:1) Re batla go solegelwa molemo ka botlalo ke dilo tseno tse di amanang le tirelo ya rona mo Modimong. Dipokano tsa phuthego le dipokano tsa tirelo ya tshimo di tshwanetse go simolola sentle ka nako e go rulagantsweng gore di simolole ka yone. Le ka motlha Jehofa ga nke a nna thari go dira ditiro tsa gagwe. (Hab. 2:3) A re tlhoka go tokafatsa mo ntlheng eno? Ka dinako tse dingwe go ka nna le mabaka mangwe a a pateletsang motho go nna thari. Le fa go ntse jalo, fa re dira dilo sentle ka thulaganyo, ga re a tshwanela go itlwaetsa go fitlha thari, go fitlha morago ga pina le thapelo e e simololang dipokano kana go setse go dirilwe dithulaganyo tsa tirelo ya tshimo. Tlotla ka ditsela tse di mosola tse di tla re thusang go tlhagolela mekgwa e e molemo e e tla tlhomamisang gore re fitlha ka nako mo ditirong tsotlhe tsa semoya.—Bona Tora ya Tebelo ya June 15, 1990, tsebe 29.

20 mets: “E Amogetswe ka Boitumelo jo Bogolo!”c Fa e le gore phuthego ya lona kana setlhopha sa lona sa thuto ya buka ga se a kgona go rulaganya gore se lebe bidio eno, lo sa ntse lo tshwanelwa ke go tlotla ka setlhogo seno. Mo serapeng sa 1, letlelela phuthego gore e bolele ka bokhutshwane maikutlo a bone ka bidio eno ya Young People Ask—How Can I Make Real Friends? Go tswa foo, simolola ka tlhamalalo go tlotla le bareetsi ka potso nngwe le nngwe e e bodiwang mo dirapeng 2-7. Akaretsa dintlha dingwe go tswa mo go kgaolo 8 ya buka ya Dipotso Tse Basha Ba Di Botsang.

Pina 191 le thapelo e e konelang.

Beke e e Simololang ka April 29

Pina 162

10 mets: Dikitsiso tsa phuthego ya lona. Gakolola baboledi go naya balebedi ba bone ba thuto ya buka dipego tsa bone tsa tirelo ya tshimo tsa April.

15 mets: “Tiro ya go Rera ka Bogosi e Thusa go Boloka Matshelo!”d Kopa bareetsi gore ba akgele kafa dikwalo tse di mo setlhogong seno di dirang ka teng.

20 mets: Go Dira Dipatlisiso o Dirisa Buka ya Go Fetolana. Motlotlo le bareetsi. Gantsi mo bodireding go tlhaga dipotso tse di amanang le metlotlo e e sa kwalwang mo lenaaneng la “Ditlhogo Tse Dikgolo” (ditsebe 5-6) mo bukeng ya Go Fetolana. “DitIhogo Tsa Dithuto” (ditsebe 439-45) di thusa thata gore re kgone go bona Dikwalo tse di tshegetsang dilo tse re di dumelang. Kopa bareetsi gore ba nne le seabe mo go batleng dikarabo tsa dipotso tse di latelang ka go leba mo ditlhogong tsa dithuto mo tlase ga lefoko lengwe le lengwe le le kwadilweng ka mokwalo o o sekameng: Pono ya Mokeresete ke efe ka dipina le difolaga tsa setšhaba? Ke eng fa Modimo a letleletse gore go nne le dikudumedi? O ka tlhalosa pono ya Baebele ka tlhalo jang? Ke ka ntlha yang fa ka dinako dingwe bokgaitsadi ba tshwanetse go rwala serwalo sa tlhogo, gone ba tshwanetse go se rwala leng? Letsatsi la Mmabana le simologile kae? Re itse jang gore 144 000 ke palo ya mmatota mo Baebeleng? Setshwantsho sa monna wa mohumi le Lasaro se kaya eng? Kgothaletsa botlhe go dirisa buka ya Go Fetolana mo bodireding.

Pina 28 le thapelo e e konelang.

Beke e e Simololang ka May 6

Pina 141

10 mets: Dikitsiso tsa phuthego ya lona. Tlotla ka “Tswelela Pele go Solegelwa Molemo ke Tora ya Tebelo le Tsogang!”

10 mets: Go Rulaganyetsa Dikgwedi Tse di Kwa Pele. Puo le motlotlo le bareetsi. Tlhalosa ditiro tse gantsi di rulaganyediwang go dirwa mo dikgweding di le mmalwa tse di latelang: go ya kwa kopanong ya potologo kana e e kgethegileng ya letsatsi le le lengwe, go nna mmulatsela yo o thusang ka kgwedi e le nngwe kana go feta, go nna le seabe mo letsholong la tshimo e e sa abiwang, go ntšhafatsa ntlo, gongwe le go ya go ipelela malatsi a boikhutso kana go itlosa bodutu ka tsela nngwe. Kopa ba le mmalwa gore ba bolele dithulaganyo tsa bone le kafa ba tlileng go tlhomamisa ka gone gore ga ba itlhokomolose thuto ya bone ya lelapa, dipokano tsa phuthego le tirelo ya tshimo le fa ba ya kwa malatsing a boikhutso. Itsise gore go dirilwe dithulaganyo dife tsa go bereka tshimo e e sa abiwang ka August, September le October. Gakolola botlhe go tlhomamisa gore ba naya molebedi wa bone wa Thuto ya Buka ya Phuthego dipego tsa bone tsa tirelo ya tshimo, e ka ne ba le mo gae kana ba etetse golo gongwe.

25 mets: “Malapa a a Nonofileng Semoyeng—A ka Nna Gone Jang?”e Fa o sena go tlotla ka setlhogo seno, bolela maitemogelo mangwe a a molemo go tswa go Tora ya Tebelo ya February 15, 1999, ditsebe 10-12.

Pina 17 le thapelo e e konelang.

[Dintlha tse di kwa tlase]