Dikitsiso
◼ Dikgatiso tse di tsamaisiwang ka August: Go ka tsamaisiwa epe fela ya diboroutšhara tse di latelang tsa ditsebe tse 32: A o Tshwanetse Wa Dumela Tharonngwe?, A Ruriruri Modimo O Amega Ka Rona?, “Bōnañ! Dilō Cotlhe Ke Di Diha Sesha,” Fa Mongwe Yo o Mo Ratang A Tlhokafala, Go Direga Eng ka Rona fa re Swa?, Itumelele Botshelo mo Lefatsheng ka Bosakhutleng!, Lebaka la Go Bo Botshelo Bo le Gone Ke Lefe—O Ka Le Bona Jang?, Leina La Modimo Leo Le Tla Nnelang Ruri, le Puso Eo E Tla Tlisang Paradaise. Diboroutšhara tsa Buka ya Batho Botlhe, le Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela? di ka nna tsa tsamaisiwa fa go tshwanela. September: Kitso E E Isang Botshelong Jo bo Sa Khutleng. October: Dimakasine tsa Tora ya Tebelo le Tsogang! Tsamaisetsa batho ba ba bontshitseng kgatlhego boroutšhara jwa Re Direng mme o dire boiteko jwa go simolola dithuto tsa Baebele. November: Modimo o Batla Gore re Direng? kana Kitso E E Isang Botshelong Jo bo Sa Khutleng. Fa e le gore batho ba setse ba na le dikgatiso tseno, ba ka nna ba newa dingwe tsa bogologolo.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka September 1 kana ka bonako jo bo kgonegang morago ga moo. Fa seno se dirilwe, itsise phuthego morago ga gore go balwe pego e e latelang ya diakhaonto.
◼ Go balwa ga ngwaga le ngwaga ga dibuka tsotlhe le dimakasine tse di leng teng go tshwanetse ga dirwa ka August 31, 2002 kana gaufi ka mo go ka kgonegang ka teng le letlha leo. Go balwa gono ga dibuka go tshwana le mo go dirwang ke mookamedi wa dibuka kgwedi nngwe le nngwe, mme palogotlhe ya tsone e tshwanetse go kwalwa mo foromong ya Literature Inventory form (S-18). Palogotlhe ya dimakasine tse di leng teng, e ka bonwa mo batlhankeng ba dimakasine ba phuthego nngwe le nngwe mo go tse di kopanetseng dibuka. Phuthego nngwe le nngwe e e okamelang e tla amogela diforomo tse tharo tsa Literature Inventory forms (S-18). Tsweetswee lo romelele ofisi ya lekala foromo e e seng ya khabone e seng morago ga September 6. Ipolokeleng khopi ya khabone mo difaeleng tsa lona. Lo ka nna lwa dirisa khopi ya boraro go balela mo go yone. Mokwaledi wa phuthego e e okametseng, o tshwanetse go okamela go balwa gono ga dibuka. Ene mmogo le molebedi yo o okamelang wa phuthego e e okametseng ba tla saena foromo eno.
◼ Diphuthego di tshwanetse go simolola go kopa dibetšhe tsa kopano ya kgaolo ya 2002 fa di dira kopo ya tsone ya dibuka ya September. Tsweetswee di kopeng ka palo ya ditlhopha tsa 20. Re ka se amogele dikopo tse di dirwang ka motsotso wa bofelo, ka jalo tsweetswee tsenyang dikopo tsa lona bobotlana ka October. Dibetšhe di tla nna gone ka Seesemane, Sepotokisi, Sesotho, Sexhosa le Sezulu fela.
◼ Go simolola ka August 27 go fitlha ka di 31, 2002, go tla bo go balwa dibuka tsotlhe tse di leng teng mo Bethele. Ka ntlha ya seno, ga go na dikopo dipe tsa dibuka tsa phuthego tse di tla rulaganngwang gore di romelwe mo malatsing ao.
◼ Ka dinako tse dingwe diphuthego le baboledi ba lebana le mathata a semolao a a amanang le go obamela ga rona Jehofa. Bukana ya setlhogo se se reng Defending and Legally Establishing the Good News e ne ya gatisiwa ka 1950 go re thusa ka mathata ano. Le fa gone bukana eno e nnile mosola mo nakong e e fetileng, tshedimosetso ya semolao e e nang le yone ga e tlhole e dira. Ka jalo, baboledi le ditlhopha tsa bagolwane ga ba a tshwanela go leka go rarabolola mathata a semolao ka go dirisa tshedimosetso e e mo bukaneng eno.