Tlhatlhobo ya Sekolo sa Bodiredi sa Puso ya Modimo

Tlhatlhobo ya dibuka di tswetswe ya dintlha tse di ileng tsa ithutiwa mo dikabelong tsa Sekolo sa Bodiredi sa Puso ya Modimo tsa dibeke tsa May 6 go ya go August 19, 2002. Dirisa pampiri e nngwe kwa thoko go kwala mo go yone dikarabo tsa dipotso tse dintsi ka mo o ka kgonang ka gone mo nakong e e beilweng.

[Elang tlhoko: Ka nako ya fa go kwalwa tlhatlhobo eno, ke Baebele fela e e ka dirisiwang go araba potso epe fela. Dikgatiso tse go lebisitsweng mo go tsone tse di latelang morago ga dipotso ke tsa fa o dira dipatlisiso wena ka namana. Dinomoro tsa tsebe le tsa serapa di ka nna tsa se tlhagelele mo dikarolong tsotlhe tse go lebisitsweng mo go tsone go Tora ya Tebelo.]

Araba nngwe le nngwe ya dipolelo tse di latelang ka Boammaaruri kana Maaka:

1. Jeremia 18:1-6 e bontsha gore Jehofa o dira gore batho ba dire dilo tse ba sa di batleng. [Mmalo wa Baebele wa beke le beke; bona w99-TN ts. 22 dir. 3-4.]

2. Baporofeti bano ba maaka ba ne ba utswa nonofo le se go reetsa mafoko a Modimo go ka bong go se dirile ka go kgothaletsa batho go reetsa maaka go na le gore ba reetse tlhagiso ya Modimo ya boammaaruri. (Jer. 23:30) [Mmalo wa Baebele wa beke le beke; bona w92-TN 2/1 ts. 4 ser. 3.]

3. Mo go Jeremia 25:15, 16, “senwelo seno sa beine ya bogale” se se dirang gore “ditšhaba tsotlhe . . . [di] itshware jaaka batho ba ba tsenwang” se raya tsela e bodumedi jwa maaka bo dirang batho dieleele ka gone. [Mmalo wa Baebele wa beke le beke; bona w94-TN 3/1 ts. 20 ser. 13.]

4. Go ya kafa Mathaio a neng a tlhalosa boporofeti jwa ga Jeremia ka teng, ‘lefatshe la mmaba’ le raya lefatshe la loso, le bana ba ba bolailweng ke Herode yo Mogolo ba tla boang kwa go lone ka tsogo. (Jer. 31:15, 16; Math. 2:17, 18) [Mmalo wa Baebele wa beke le beke; bona w79 6/15 ts. 19 ser. 13.]

5. Jeremia 37:21 e re tlhomamisetsa gore Jehofa o ka tlamela batlhanka ba gagwe ba ba ikanyegang mo dinakong tse di thata tsa ikonomi. [6, Mmalo wa Baebele wa beke le beke; bona w97-TN 9/15 ts. 3 ser. 4–ts. 4 ser. 2.]

6. Buka ya Dikhutsafalo e supa go utlwisiwa botlhoko ke go senngwa ga Jerusalema ka 607 B.C.E. ke Nebukadenesare, kgosi ya Babelona. [si-TN ts. 130 ser. 1]

7. Dikhutsafalo 5:7 e bontsha ka phepafalo gore Jehofa o otlhaela bana ka tlhamalalo maleo a batsadi ba bone. [Mmalo wa Baebele wa beke le beke; bona w88-TN 9/1 ts. 27 lebokoso.]

8. Mo go Esekiele 9:4 letshwao mo phatleng le bolela gore motho o tla bolokwa fela ke go nna le kitso. [Mmalo wa Baebele wa beke le beke; bona w88-TN 9/15 ts. 14 ser. 18.]

9. “Dimpho tse e leng banna” ba go buiwang ka bone mo go Baefeso 4:8 ke bagolwane ba Bakeresete ba ba tlhomilweng ka moya o o boitshepo mme ba filwe taolo ya go tlhokomela badumedikabone ka dilo tsa semoya tse ba di tlhokang. (Dit. 20:28) [w00-TN 8/1 ts. 6 ser. 3]

10. Go ya kafa Esekiele kgaolo 23 e diragadiwang ka gone gompieno, Boporotesetanta bo ka tshwantshiwa le Oholiba mme Boroma Katoliki bo ka tshwantshiwa le mogolowe wa mosetsana, e bong Ohola. [16, Mmalo wa Baebele wa beke le beke; bona w88-TN 9/15 ts. 21 ser. 22.]

Araba dipotso tse di latelang:

11. Ke baporofeti bafe ba bararo ba ba neng ba tlhomologile mo dingwageng tsa dipaka tse di thata go simolola ka 617 go ya go 607 B.C.E., tse di neng tsa felela ka go senngwa ga Jerusalema? [si-TN ts. 133 ser. 2]

12. Re ka supa jang gore tota re anaanela setlhabelo sa thekololo sa ga Keresete fa re tsibogela taletso e e mo go Luke 9:23? [w00-TN 3/15 ts. 8 ser. 1]

13. Jehofa o ‘tsieditse’ Jeremia jang? (Jer. 20:7) [Mmalo wa Baebele wa beke le beke; bona w89-TN 5/1 ts. 31 ser. 6.]

14. Jesu o ne a kaya eng fa a ne a bolela gore moya o o boitshepo “o tla lo ruta dilo tsotlhe a bo a busetse mo megopolong ya lona dilo tsotlhe tse ke di lo boleletseng”? (Joh. 14:26) [w00-TN 4/1 ts. 8 dir. 7-8]

15. Go ya ka Jeremia 35:18, 19, setlhopha sa motlha wa segompieno sa Barekabe se na le tsholofelo efe? [Mmalo wa Baebele wa beke le beke; bona su-TN ts. 131 ser. 7.]

16. Ke jang Banefilime e neng e le “diganka” le “banna ba ba itsegeng”? (Gen. 6:4) [w00-TN 4/15 ts. 28 ser. 1]

17. Baruke o ne a sa tlhole a le tekatekano jang mo dilong tsa semoya, mme re ka ithuta thuto efe mo go se se mo diragaletseng? (Jer. 45:1-5) [Mmalo wa Baebele wa beke le beke; bona w97-TN 8/15 ts. 21 dir. 14-16.]

18. Boporofeti jo bo mo go Jeremia 50:38 bo ne jwa diragadiwa leng le gone jang? [Mmalo wa Baebele wa beke le beke; bona dp-TN ts. 150 dir. 2-3.]

19. Phelelo ya Jerusalema, e bong “kgarebane morwadia Juda,” e tshwantshetsa gore ke eng se se tla diragalelang Labokeresete, go ya ka Dikhutsafalo 1:15? [Mmalo wa Baebele wa beke le beke; bona w88-TN 9/1 ts. 27 lebokoso.]

20. Polelwana e e reng “Tlosa sethathelela tlhogo, o tsholetse serwalo,” e e mo go Esekiele 21:26 e bolela eng? [Mmalo wa Baebele wa beke le beke; bona w88-TN 9/15 ts. 19 ser. 16.]

Tsenya lefoko kana polelwana e e tlhokegang go feleletsa polelo nngwe le nngwe mo go tse di latelang:

21. Motho yo o bori o ․․․․․․․․ gape o a itse gore ․․․․․․․․ le gore a ka se kgone go dira dilo tsotlhe. (Mik. 6:8) [w00-TN 3/15 ts. 21 dir. 1-2]

22. Le mororo moya o o boitshepo o ka nna wa se ka wa tlosa ․․․․․․․․ kgotsa ․․․․․․․․, o ka re thusa go di ․․․․․․․․. (1 Bakor. 10:13; 2 Bakor. 4:7) [w00-TN 4/1 ts. 11 ser. 6]

23. Moporofeti Daniele o ne a lemoga go tswa mo mekwalong ya ga Jeremia gore go swafala ga Jerusalema go ne go tshwanetse ga nna ․․․․․․․․; seno eleruri se nonotsha tumelo mo maatleng a ga Jehofa a go kgona ․․․․․․․․. (Jer. 25:12; Dan. 9:2) [si-TN ts. 129 ser. 37]

24. Buka ya Dikhutsafalo e tshwanetse go tlhotlheletsa baobamedi botlhe ba boammaaruri gore ba nne ․․․․․․․․ ba bo ba ․․․․․․․․ le go nna tlhagiso e e ․․․․․․․․ ba ba sa tlotleng Jehofa Modimo. [si-TN ts. 132 ser. 13]

25. Sekao sa ga Aborahame sa go ineela fa a rarabolola kgotlhang se re kgothaletsa gore re se ka ra letla ․․․․․․․․ ya rona kgotsa ․․․․․․․․ gore di senye kamano ya rona e e tlhwatlhwakgolo le bakaulengwe ba rona. (Gen. 13:5-12) [w00-TN 8/15 ts. 24 dir. 3-4]

Tlhopha karabo e e siameng mo go nngwe le nngwe ya dipolelwana tse di latelang:

26. Jobe o ne a anaanela (kitso; kutlwelobotlhoko; katlholo) ya ga Jehofa ka jalo a bontsha (temogo; kutlwelobotlhoko; tshiamo) mo batlhankeng ba gagwe. (Jobe 31:13, 14) [w00-TN 3/15 ts. 26 ser. 1]

27. Mo go Jeremia 16:2-4, moporofeti o ne a laelwa gore a nne a sa nyala (gore a bontshe moya wa go intsha setlhabelo; go tshwantshetsa go sa nyala ga ga Mesia; go tlhomamisa boammaaruri jwa lefoko la ga Jehofa malebana le go senngwa ga Jerusalema). [Mmalo wa Baebele wa beke le beke; bona w78 4/15 ts. 31 ser. 2.]

28. Mo go Diane 4:7, botlhale bo kaya (go itse boammaaruri; go bona kafa dintlha di amanang ka gone; go dirisa kitso le tlhaloganyo ka tsela e e tla lereng matswela a a molemo). [w00-TN 5/15 ts. 21 ser. 1]

29. Ga go na motho ope gompieno yo o ka supang ka tlhamalalo ka moo leina la Modimo le neng le bidiwa ka gone kwa tshimologong ka Sehebera (ka ditumammogo fela; ka ditumanosi fela). [rs-TN ts. 192 ser. 3]

30. Kara ya Modimo e e tlhalosiwang mo go Esekiele kgaolo 1 e tshwantshetsa (Bogosi jwa Modimo jwa Bomesia; phuthego ya Modimo ya semoya ya baengele; go buisana ga ga Jehofa le masalela). [Mmalo wa Baebele wa beke le beke; bona w88-TN 9/15 ts. 11 ser. 5.]

Lebaganya lengwe le lengwe la makwalo ano le ntlha e e dumalanang le lone:

Dute. 7:25, 26; Dia. 4:18; 5:21; Jer. 46:28; Bar. 15:4

31. Taolo eno e bontsha motlhala wa ka fa batho ba ga Jehofa ba tshwanetseng go leba ka teng ditshwantsho tse ba neng ba di sisimoga pele. [rs-TN ts. 157 ser. 3]

32. Tsela e e kgethegileng e Jehofa a re gomotsang ka yone ke ka Lefoko la gagwe le le kwadilweng, le le nang le tsholofelo e e itumedisang ka isagwe. [w00-TN 4/15 ts. 5 ser. 4]

33. Kotlhao ya batsadi ga e a tshwanela go nna e e feteletseng le fa e le go feta selekanyo se e tshwanetseng go dirwa ka sone fa motho a supediwa phoso le fa a rutiwa. [Mmalo wa Baebele wa beke le beke; bona kl-TN ts. 148 ser. 20.]

34. E re ka Jehofa a dira gore batlhanka ba gagwe ba kgone go tlhaloganya boikaelelo jwa gagwe kgato ka kgato, kitso e e oketsegileng gantsi e tlhoka gore ba baakanye tsela e ba akanyang ka yone. [rs-TN ts. 58 ser. 5]

35. Boitsholo bope fela jwa tlhakanelodikobo jo bo leswe, go sa kgathalesege gore bo dirwa mo sephiring, ga bo a fitlhega mo matlhong a Modimo. [w00-TN 7/15 ts. 31 ser. 3]