Dithuto tse di Tswang mo Dikwalong: Dikhutsahalō 1:1–5:22

Jehofa o fa Tsholofelo Gareng ga Bohutsana

JEHOFA ke “Modimo wa cholohèlō,” le eleng fa go na le bohutsana. (Baroma 15:13) Ntlha eno ke e e phepafadiwang mo bukeng ya Dikhutsahalō, eo e neng ya digelwa ke moperofeti wa ga Jehofa le mosupi ebong Jeremia ka 607 B.C.E. Mme a ko re tlhaloseng dingwe tsa dithuto tseo e di tshotseng.

Selelo sa Jerusalema

Boleo ga bo tlise boipelo bope. Bona! Jerusalem a yo o leofileng, yo pele e neng e le motsemogolo o o tletseng ka batho wa Juda, o eme fela o sena ope. Juda ka boene o tshwana le mohumagatsana yo o lelang, yo o motlholagadi ka go bo a ile a kgakgabadiwa. ‘Dinyatsi’ tsa gagwe jaaka Egepeto ba ne ba se ka ba mo falotsa mo go fenngweng ke Babelona ka 607 B.C.E. Batho ga ba sa tlhole ba ketemela kwa Siona go ya medirong. Bana ba gagwe ke ditshwarwa, mme baba ba gagwe ba a tshega ka ntlha ya go wa ga gagwe. Baeng ba ba seng phepa ba ile ba itshekolola tempele, mme batho ba gagwe ba ile ba ntsha dilo tsotlhe tsa botlhokwa gore ba bone dijo. Dilo tsotlhe tseno e le ka ntlha ya boleo!—1:1-11.

Jehofa o tshiamo mo go otlhaeng badira-bosula. Seno se dumelesega fela jaaka Jerusalema ka sebele a bua. O botsa gore a go na le bohutsana bope jaaka botlhoko joo Modimo a bo mmaketseng. O ne a romela molelo o o neng wa swafatsa tempele. Maleo a motse oo a ne a tshwana le jokwe, mme madi a elela jaaka matute fa Modimo a ntse a gataka ‘segatisetso sa bojalwa jwa mofi-ne’ sa gagwe. Siona o ne a phutholola matsogo a gagwe ka bohutsana le go rapela ka tlhoafalo mme o ne a se ka a bona mogomotsi, mme Jehofa o ne a le tshiamo mo go otlhaeng Jerusalema wa motsuolodi. Ekete o ka dira ka tsela e e ntseng jalo e e setlhogo mo babeng ba gagwe ba ba ikgodisang.—1:12-22.

“Bogale Voa ga Vehofa”

Ba ba nang le boikarabelo ba sikara molato fa ba sa kgale boleo. Modimo o ne a piriganya Jerusalema ‘go tswa kwa legodimong go tla mo lefatsheng,’ a mo senya gammogo le ‘sebeo sa dinao tsa gagwe,’ ebong tempele. (Pesalema 132:7) Ka jalo o “tlhapaditse bogosi” jwa Juda. Fela jaaka leobo, tempele e ile ya senngwa ke baba bao mekgosi ya bone ya phenyo e neng e tshwana le modumo wa mokete. Bana ba ba swang ba ne ba kopa dijo mo go bommaabo. Mme ke bomang ba tota-tota ba neng ba na le molato o mogolo? Ke baperofeti ba maaka ba ba neng ba bua mafoko a tsietso go na le go kgala boleo jwa Jerusalema. (Yeremia 14:13) Thapelo e a tshwanela, ka go bo ba le bantsi ba ile ba swa mo ‘letsatsing leno la bogale jwa ga Jehofa’!—2:1-22.

Bopelotelele Jwa Kutlwelobotlhoko ya ga Jehofa

Re tshwanetse go lebelela mo go Jehofa ka bopelotelele. Jeremia o gatelela ntlha eno fa a bue lei a batho ba gagwe ba ba mo botlhokong ka tsela ya tshwantshetso. Modimo o kgoreletsa thapelo ya gagwe, mme o fetogile setlhogo sa pina e e kgobang ya baba ba gagwe. Tsholofelo ya gagwe, kana “tebelèlō [ya gagwe] mo go Yehofa,” e bonala e nyeletse. Mme o tla nna le “cholohèlō” ka go bo “Yehofa o molemō mo go ba ba mo lebelèlañ, le mo moeeñ o o mmatlañ.”—3:1-27.

Boikwatlhao jwa boammaaruri bo tlisa ku. tlwelobotlhoko ya Modimo. Ka go tlhatswega pelo ka ntlha ya seno, Jeremia o kgothatsa jaana: “Re bè re shokologèlè mo go Yehofa.” Fela jaaka leru la bogale jwa ga Jehofa, Modimo o kganetse gore o ka atamelwa ka thapelo ka ntlha ya maleo a batho ba gagwe. Mme Jeremia o rapela ka gore: “Ka bitsa lei na ya gago, Yehofa . . . u se ka ua shubèla phègèlō ea me . . . tsèbè.” Legale, baba ba ba sa ikwatlhaeng ba tla nyelediwa.—3:28-66.

“Re Shokololèlè Kwa go Wèna”

Re ka itlisetsa tshenyego ka go leofa ka boomo. Ka ntlha ya boleo jwa Juda, “bomorwa Siona ba ba tlhekeedicweñ” ba ne ba lejwa jaaka ba ba senang mosola fela jaaka dinkgwana tse di senang mosola tse di thubegileng. Mo seduleding, ba ba neng ba bolawa ka tšhaka ba ne ba le botoka thata go ba bangwe ba ba neng ba swa ka bonya ka ntlha ya tlala. Ruri, Modimo o ne a “goromeditse bogale yoa gagwè yo bo tukañ.” Baperofeti le baperesiti ba ba kgotlelegileng ba ne ba kaila fela ka ntlha ya bofofu, mme Kgosi Sedekia—“motlodiwa oa ga Yehofa”—o ne a gapilwe. Jaanong Jehofa o ne a tla itebaganya le Edoma yo o leofileng.—4:1-22.

Ke Jehofa fela yo o fang tsholofelo gareng ga bohutsana. Jeremia o ne a lemoga seno, ka go bo a ile a ikuela a re: “Yehofa, gakologèlwa se se re tletseñ.” ‘Ba tšhaba e sele ba mo matlong a rona. Re sikere ditlolo tsa borraetsho, mme banyana fela ba rwala dikgong jaaka makgoba.’ Lefa go le jalo, Jeremia o solofela kutlwelobotlhoko, ka go rapela a re: “Re shokololèlè kwa go wèna, Yehofa, me re tla bo re shokologile.”—5:1-22.

Akanya he, ka dithuto tseno tse di rutiwang mo go Dikhutsahalō: Boleo ga bo tlise boipelo bope, Modimo o tshiamo mo go otlhaeng baleofi, mme ba ba ikarabelang ba na le molato fa ba sa kgale ditira tse di bosula. Re tshwanetse go lebelela mo go Jehofa ka bopelotelele, re ikantse gore kutlwelobotlhoko ya Modimo e nna gone ka ntlha ya boikwatlhao jwa boammaaruri, lemorora re ka itlisetsa tshenyego ka go leofa ka boomo. Buka eno e e tlhotlheleditsweng e re tlhatswa pelo gape gore Jehofa ke ene fela yo o fang tsholofelo ya boammaaruri gareng ga bohutsana.

[Lebokoso mo go tsebe 27]

GO TLHATLHOBIWA GA DITEMANA TSA BIBELA

◻ 1:15—‘Jehofa o gatile segatisetso sa bojalwa jwa mofine sa kgarebane mo’rwadia Juda’ ka go bo e le ene a laotseng le go dumelela se se diragetseng. “Kgarebane morwadia Yuda” e ne eille Jerusalema yo go neng go gopolwa gore o tshwana le mosadi yo o sa leswefadiwang. Fa Bababelona ba ne ba senya motsemogolo oo wa Juda ka 607 B.C.E., go ne ga nna le namane e tona ya tShologo ya madi, eo e neng e tshwana fela le go tamolwa ga matute mo mofineng ka segatisetso sa bojalwa jwa mofine. Jehofa o tla dira gore La-Bodumedi, ebong setshwani sa Jerusalema, a gatakiwe ka tsela e e tshwanang.

◻ 2:6—“Loōbō” la Modimo e ne e le tempele mo Jerusalema. Fa lefelo leo le le boitshepo le ne le senngwa ke Bababelona, o ne a dumeletse gore le ‘gatakiwe ka thata,’ fela jaaka ntlwana ya bojang mo tshingwaneng. Ntlo e e ntseng jalo ya nakwana e go tshabelwang letsatsi le le bogale mo go yone e ya rutlololwa.

◻ 3:16—Masetlapelo a mangwe ao Jehofa a neng a a dumelela gore a tlele Jerusalema yo o sa ikanyegeng ka ntlha ya go tlhaselwa ga motse oo ke Bababelona a tlhalosiwa ka mafoko a a reng, “O nthobile mènō ka losagarana, o nkhurumeditse ka melōra.” Go bonala gore, fa Baiseraele ba ne ba le mo tseleng ya bone go ya kwa botshwarong, ba n ba tshwanelwa ke go apaya senkgwe sa bone mo dikhuting tse di epilweng mo mmung. Jalo, senkgwe sa bone se ne sa nna le makgabana, mme e ne e re fa motho a ja senkgwe se se ntseng jalo a bo a ka roba meno a gagwe.

◻ 4:3—Bosetlhogo jwa bommè mo baneng ba bone bo bapisiwa fano le tlhokomelo ya bommè e e dirwang ke bophokoje. Lemororo bophokoje ba ka tsewa e le diphologolo fela tsa naga, mme le bone tota ‘ba ntsha letsele, ba amusa bana ba bone.’ Ka ntlha ya go tlhaela mo gogolo ga dijo mo Jerusalema yo o neng a dikilwe, basadi ba ba neng ba le mo tlaleng ba Bajuda ba ne ba nna setlhogo ka go bo ba ne ba sena maši a ba ka a amusang bana ba bone mme ebile tota-tota ba ile ba ja bana ba bone gore ba tswelele ba ntse ba tshela. (Dikhutsahalō 2:20) Ka jalo, basadi le bone ba ne ba tshwana le bontShe ba ba neng ba tsala mae go tswa foo ba bo ba a latlha.

◻ 5:7—Bajuda ba motlha wa ga Jeremia ba ne ba tshwanelwa ke go sikara maikepo a borraabo, mme seno ga se reye gore Jehofa o otlhaela bana ka tlhamalalo maleo a batsadi ba bone. Tota-tota, diphelelo tse di bosula tsa go dira phoso di utlwiwa ke dikokomana tse di tlang morago. (Yeremia 31:29, 30) Ka jalo re tla bo re dira sentle go gakologelwa gore rona ka borona re tshwanetsego ikarabelela go Modimo.—Baroma 14:12.